ساعدوني؟؟؟؟؟

[بننناتي]

صارت في مشكله في بيت ريلي طردني اهو من البيت وكلم ابوي ياخذني وبعد جم يوم اتصل ريلي يبيني ارجع وابوي موراضي وانا عندي بعد كرامه بس شسوي في اعيالي عندي 4 قولولي رايكم في هالمشكله؟؟؟؟

 

[franshiska]

حبوبه خلي ابوج يتصرف معاه
انتي لا ترجعين الا بشور ابوج
اليهال ما عليهم الا العافية
وانتي ادرى بالبيئة اللي تربين فيها عيالج هل كله مشاكل بينكم او لحظة غضب عابره
اذا كله مشاكل لا لي اهني ولازم يوقف ويحشمج
واذا معصب مره بالغلط عطوه قرصه اذن ورديله

 

[iTaLiyA]

انزين ليش طردج؟
عشان نعرف اذا انتي غلطانه ولا لَا تالي نقول راينا

 

[بننناتي]

المشكله مع مرت حماي حسبي الله عليها اهي طردها ريلها وردت بعد جم يوم وانا وريلي علاقتنا طيبه وحبوب بس عيبه يسمع للاهل

 

[رغـد]

لاتهدمين بيتج ع شان كرامه؟
انتي عارفه الزواج تضحيه وتنازلات
ماشاءالله انتي صارلج فتره متزوجه مو توج عروس ونقول ماتعرف تتصرف
كل بيت فيه خلافات ممكن تكبر تكبر وتوصل قضايا بس قبل الحكم يتنازلون وترد المياه
لمجاريها لان ماكو احد يهدم بيته ويشتت عياله بايده وانا شفت بعيني هالشي

الله يهدي زوجج ويسخره لج
انا اقول ردي بس بشروط
وجبري خاطر ال 4 اللي عندج

 

[بننناتي]

انا ماابي اكسر كلام ابوي واحب ريلي وبعد المره لماتطع من بيتها مطروده كبيره حيل

 

[ام ميميتو]

حبيبتي شلون نساعدج اذا احنا اساسا مو عارفين اذا المشكله تستاهل ولا لأ ومنو فيكم الغلطان واذا كان زوجج سوى هالشي غصب ولا بكيفه بس انا من رايي تفاهمي معاه احسن لان اكيد اذا شاف ابوج معاند هو بعد بعاند ومحد بيضيع غير عيالج

 

[الحب الملائكي]

الله ييسر امرك يالغلا
و
يفرجها عليك وحسبي الله ع اللي كان السبب
و
الله يفك كربكـ​

 

[amoona89]

اكييد ابووج ادري وعاارف شيسووي
بس انتي حاولي تكلمين ابووج وقووليله برد علشاان عياالي وانا ما احب اثقل عليكم
اذا مارضى
ادعى ربج انه يفرج همج ياارب

 

[قاهره عذالي]

الله يعينج
اسكتي فتره عن زوجج ولا تراسلينه ولا تكلمينه
وهم ابوج خل يسكت عنه فتره لحد ما تشوفون شيسوي
وترا معاج حق
الطرد كبيره

انا انطردت كذا مره مافي سبب مرات جذي يقول بقعد بالشقه لحالي ما ابيج موجوده
واطلعي روحي
وشكثر طردات
كان يطرد
وارجع واحن لبيتي
مو مره ولا مرتين مرات
حتى كنت عروس
وما علمت اهلي

والحين اخر طرده
قام يتبلى علي باشياء ما سويتها يعني يبرر لابوي

وعقب غسلت ايدي منه دام من اولها وتوني صارلي سنه و8 شهور متحمله جفاوته واهماله وساكته وسب وشتايم وهوالات واسكت

هم طرد وهم يجور علي باشياء ما سويتها ولا تدش عقل

وانا مابيني وبينه عيال

قررت اتطلق خلاص تعبت ليمته كل ما زعل من نقاش عادي او لما اقوله البيت يحتاج ويحتاج كله يجيب لي طاري الطلاق ومو عاجبج روحي لاهلج وكله على طريف وانا معلقه روحي غصب عبالي الصبر بينفع
والسكات بيخليه يحس
بس ماكو فايده وهذي ثاني زعله ووعدني ووعد ابوي باشياء ما سواها

فقررت اشتري كرامتي واتطلق وقلت لابوي لا يخليه يدق او يرسل مسجات عشان لا يحن قلبي عليه او ارتخي عن قراري اللي هو الصح
لان كل شي سويته
يعني شنو يبي لما هو يسب اسب ويبي مثل ما يطردني اطرده شنو يبي حياتنا تكون
دام من اولها مافي احترام انا غلطانه اللي صبرت عليه وتحملت اشياء محد سواها بعروس ولا تنحمل

انتي غير عني بينكم سنين وعيال
وانتي ابخص فيه وحسب الموقف

 

[دلع العتبان]

لووووووول سوي مثل اختي تهاوش ريلها معاها وصارت حرب راح ابوي للديوانيه منيه خلت اختي توصلها لبيتها منيه وابوي عصب وسوا وحط وبعدين سكت خخخخخخخخخخ ورضى الحين

مووووووووووفقه

 

[غداً القاك]

يجيب رضاوه لك ويعتذر بعدها ارجعي والاهم استخيري الله

 

[قاهره عذالي]

نسيت اكتب شي


ترا حسب الموقف يعني انا طرداته لي من كيفه لا احد حرشه ولا قاله

مافي سبب يستاهل ومرات من دون سبب


اما انتي شوفي حسب الموقف حنا ماندري شنو صار

 

[سارة العجمي:]

شوفي حبيبتي اذا انتي كنتي غلطانة ارجعيله بس بشور ابوج او اذا انتي مو غلطانه فلا ترجعين الى بشور ابوج و اذا رضا ابوج خيقوله نبي رضاوه لبنتي لاني بنتي ماتنهان مني و الطريج و لاتقطين روحج عليه وقوليلنا السبب عدل عشان نفهم

 

[سكوتي بذوقي]

إذا زوجك غلطان

ابوكِ أكيد معاه حق

الله ييسر أمرك اختي يارب

 

[حلم انكسار]

يجيب رضاوه

 

[بننناتي]

والله المشكله سوالف حريم بيني ومرت حماي حسبي الله عليها تتبلى علي وصارت كبيره لحد الطق طبعا زوجي وحماي اتفقو كل يودي مرته لأهلها زوجي على طول دخل ابوي وقاله تعال خذ بنتك وانا حسيتها كبيره لما يكلم ابوي على سوالف حريم

 

[بننناتي]

وينكم كويتيات والله اللي ترد لها دعوه في ظهر الغيب ابي ردودكم

 

[أم توتو]

الله يسخركم حق بعض

 

[وردة-الكويت]

بقول رايي بصراحه وانا من طبعي ماحب اجامل

انتي ومرت حماج شكلكم عوب الي وصلت بينكم للطق انتو منتو جهال عشان تطاققون عيب شخليتو للخكره والجهال الوحده ترتقي

بخلاقها وتحترم البيت الي اهي ساكنه فيه تحترم زوجها حتى لو ان مرت الحما تغلط ارد عليها بسلوب او اعلم زوجي واتحاشاها

لكن توصل للطق لا عيب ومن حق زووجج وحماج انهم قالو كل وحده تروح لأهلها تتعلم شلون تحترم بيت حمولتها


انتي ومرت حماج وصلتو ازواجكم انهم يطردونكم من البيت

رايي انج تقولين لبوج الصج تقولين له انا ومرت حماي تكافخنا وانا غلطت وهي غلطت علي كلنا غلطانيين قوليله لبوج يبه

من حق زوجي يطردني انا الي طلعته من طوره وانا يايبه برد بيتي


وبتحاشى المشاكل وطنش

انا هذا ردي وموقصدي اني اضايقج بكلامي بس اتمنى ان الامور ماتتعقد اكثر بينج وبين زوجج حاولي طخخين ابوج

والله يصلحكم ويهديكم وياليت تتركين عنج مرت حماج وتحاشي المشاكل انتو موقاعدين بروضه تتهاوشون انتو

في بيت حموله

وان شاءالله امورج تتسهل وتردين بيتج