ساعدونى بها المصيبة الله يفرج عنكم اتمنى الكل يدخل :(

[بطة فوشيه]

سلاام


شخباركم وربي اشتقت لكم لان الرقم السرى ضاع ومو قادرة ارد واساعدكم بس الحين ذكرتة وحطيتة بالجوال بعد

وربي حياتى من دونكم مدرى شنو يوميا ادخل واقرا قصصكم وادعي لكم من قلب >> طولت السالفه من شوقى لكم

ندخل بالموضوع صراحه بنات انا حبيت اخذ رايكم بسالفه انا ماشاء الله على كاملة والكامل الله زين وجمال واخلااق محافظة علا نفسي والحمدالله بس يعنى والله خانقتنى العبرة مو عارفه ايش اقول مااالى حظ كلش اولا مادرى يمكن جايتنى عين
لان خاللاتى كثير ينذهلون لمن يشوفونى ويقعدون يقولون من وين تشترين اغراضك ويستالون عن تفاصيل ساعات احسهم مايستحون من كثر مايسالونى المهم انا تخرجت من الثانوية والكل كان عينة على حتى يدقون علا بيتنا يقولون ايش مسوية بالجامعه اقول لهم مادخلت قاعدة بالبيت مو مصدقين حتى مرة وحدة من خاللاتى الصبح حتى تتاكد انى موبالجامعه او كلية
ضايق خلقى
الحين صار لى سنتين بالبيت كلش مافي خطاب يجون لان كان يجون ناس وامى تقول حق خالاتى الحين مرة وحدة لادراسة ولا زواج كلش متحسرة علا نفسي والله يهديها امى قاهرتنى هالايام لما الناس يكلمونها عنى ترد من جهتها علا حسب رايها يعنى مثلا تشوف الولد وظيفتة مو حكومة تقول بنتى مو موافقه والولد اخلاق وكلش اوكى واختى تفس الحكاية قالت ام ريلها بتاخذنى حق الولد الثانى اختى قالت لا تاخذينة انا مابيك تعيشن معنا والولد والله اوكية بس انة هادى كثيرر وزر عت
فكرة براس
امى انة انطوائى ومدرى شنو واللة احس محد حاس فينى واللى قاهرنى انى كنت من قبل اعرف بنات معنا يطلعون مع شباب واستغفر الله الحين متزوجين وانا قاعدة يارب ساعات ابجى كثير منو اشكى لة مو عارفه مافي الا امى واختى
وصراحه الكل لاحظ على انى ضعفت وصارت حالتى حالة وشافنى عمى جذي قال راح يودينى عمرة علا احسابة عشان نتسلى انا والبنات ادعوا لى يابنات وابي رايكم ضرورى انتطركم :friends:

 

[~om-7seen~]

والله يآ اختي مااودي اطلع وماارد عليج

بس حبيت اقولج << كل شي وله حل

بس توكلي على ربج ودعي من كل قلبج وان شاء الله يفرج همج يآرب

ولا تخااافين ولا تضاايقين ترى الدنيا ما تسوى

انتي بس قولي يآ ربي افرج همي وخلي املج بربج قووي

وان شاء الله ماا يصير الا كل خييييييييييير

وطمنيني عنج حيــاتي

اتمنى اني اكون مسااعدتج بشي

 

[أسيرة_أحزاني]

الله يفرج همج

وهذا انتي قلتيها الصيع تزوجو وبنات البيوت قاعدين سبحان الله لاحظت هالشي

الله يرزقج بلي يستاهلج وتستاهلينه قولي امييييين

 

[عطـر الكويـت]

رد : ساعدونى بها المصيبة الله يفرج عنكم اتمنى الكل يدخل

حبيبتي وكلي امرج لله وحمدي ربج دايم علي كل نعمه تجي من عنده ودايم الواحد يشوف الشي الزين ولا تشوفين الشين شوفي نفسج انج قاعده بين اهلج وانج بصحه وعافيه وانج كامله والكامل ربج وربي وحلوه لاتضيقين خلقج وسلي نفسج باي شي بس يكون مفيد لج دشي دورات نمي مهاراتج لاتقعدين وتقولين انا و انا و انا وأغلبنا مر بالشي هذا وكل تأخيره فيها خيره عسي ربي ينعم عليج بالزووج الصالح

 

[just-here]

حبيبتي ابتسمي ..لاهي مصيبه ولا شي توكلي على ربك وثقي فيه ورزقك راح يجيك مايتعداك لغيرك..

 

[مـِړجـِۄۅجـِۃ]

الله يفرج همتس ويرزقتس بالرجال الصالح

قوووووووولي آآآآآمين

 

[وسن 11]

الله يرزقج الزوج الصالح
وفاتحي امج بالموضوع يمكن لها راي ثاني انتي مو شايفته

 

[قمر2009]

توكلي على الله شالسالفه توج صغييييره لاحقا وعساه خيره لج

 

[ام ناصر 2009]

رد : ساعدونى بها المصيبة الله يفرج عنكم اتمنى الكل يدخل

حبيبيتي الله يرزقج ياارب بالزوج الصالح ياارب
انتي بس توكلي على الله وأدعيه
وربج ايستحي يرد العبد ادعييه بس حبيبتي

 

[jory80]

أختي حبيبتي تصبري لا تستعجلين الرزق وليش تقولين مصيبة ياساتر ماتدرين ان الله سبحانه خاشلج الشي الزين ...
خلي هدفج تقوى الله وهو السبيل إلي يوصلج لمرادج ...عن رسول الله أنه قال :
الله وكل في الرحم ملكا ، فيقول : يا رب نطفة ، يا رب علقة ، يا رب مضغة ، فإذا أراد أن يخلقها قال : يا رب أذكر ،
يا رب أنثى ، يا رب شقي أم سعيد ، فما الرزق ، فما الأجل ، فيكتب كذلك في بطن أمه
( البخارى )
كل شي مكتوب لج وانتي ببطن أمج حياتج ورزقج وكل شي والحمدالله انج راح تروحين العمرة وهذا سبب من الأسباب إلي تجلب لج الرزق بإذن الله ..
السبب الأول من أسباب جلب الرزق وإلي راح تعينج بإذن الله: تقوى الله تعالى :
قال الله تعالى:
(وَمَنْ يَتَّقِ اللَّهَ يَجْعَلْ لَهُ مَخْرَجاً (2) وَيَرْزُقْهُ مِنْ حَيْثُ لا يَحْتَسِبُ )
السبب الثاني: الاستغفار والتوبة.
قال الرسول صلى الله عليه وسلم: ( مَن أكثر الاستغفار جعل الله له من كل همَّ فرجاً، ومن كل ضيق مخرجاً، ورزقه من حيث لا يحتسب )
السبب الثالث: التوكل على الله تعالى.
قال الرسول صلى الله عليه وسلم : { لو أنكم توكلون على الله حق توكله لرزقكم كما يرزق الطير، تغدو خماصاً، وتروح بطاناً } [رواه أحمد والترمذي وصححه الألباني].
السببُ الرابع: صلة الرحم.
عن أبي هريرة رضي الله عنه قال: سمعت رسول الله صلى الله عليه وسلم يقول: { مَنْ سَرَّه أن يبسط له في رزقه، وأن ينسأ له في أثره؛ فليصل رحمه } [رواه البخاري].
السبب الخامس: الإنفاق في سبيل الله تعالى.
قال الله تعالي :
( قُلْ إِنَّ رَبِّي يَبْسُطُ الرِّزْقَ لِمَنْ يَشَاءُ مِنْ عِبَادِهِ وَيَقْدِرُ لَهُ وَمَا أَنْفَقْتُمْ مِنْ شَيْءٍ فَهُوَ يُخْلِفُهُ وَهُوَ خَيْرُ الرَّازِقِينَ ) [سبأ:39]
السبب السادس: المتابعة بين الحج والعمرة.
فعن ابن مسعود رضي الله عنه قال: قال رسول الله صلى الله عليه وسلم: { تابعوا بين الحج والعمرة، فإنهما ينفيان الفقر والذنبوب كما ينفي الكير خبث الحديد والذهب والفضة، وليس للحجة المبرورة ثواب إلا الجنة } [رواه الترمذي والنسائي وصححه الألباني].
السبب السابع: الإحسان إلى الضعفاء.
وعن أبي الدرداء رضي الله عنه قال: سمعت رسول الله صلى الله عليه وسلم يقول: { ابغوني في ضعفائكم، فإنما ترزقون وتنصرون بضعفائكم } [رواه أبو داود والترمذي وصححه الألباني].
السبب الثامن: التفرغ للعبادة.
عن أبي هريرة رضي الله عنه عن النبي صلى الله عليه وسلم قال: { إن الله تعالى يقول: يا ابن آدم، تفرغ لعبادتي أملاً صدرك غنى، واسد فقرك، وإن لا تفعل ملأت يدك شغلاً، ولم أسد فقرك } [رواه الترمذي وابن ماجه وصححه الألباني].
وأخيرا.. الله يحفظج ويحفظ بنات المسلمين من كل شر في الدنيا والأخرة ..ويرزقج ياربي الرزق الحلال المبارك ويفرج همج آمين يارب العالمين.:yaaaaaarb:​

 

[بطة فوشيه]

مشكورين يالغاليات علا ردودكم وتفاعلكم معاى وماقصرتوا بس مابقا احد ماتزوج ولاادخل جامعه الاانا مدري ليش
استغفر اللة حتى وحدة استغفر اللة كلش فاصخه الحيا كانت دماااار ذاك الاسبوع ملكت لية يارب ارزقنى ادعوالى حبيباتى

 

[الريشة]

يا أختي ما دام إنك ان شاءالله راح تروحين العمرة ، روحي و ادعي ربك من قلب و شربي ماي زمزم و دفعي صدقات.
و اخذي على نفسك التزام إنك تقرين سورة البقرة كل يوم كاملة و راح تاخذ من وقتك ساعة بالكثير........ صدقيني اذا قريتيها كل يوم راح تحسين بتغيير في حياتك و الله العظيم... و لا تقطعين عنها إلا لما ان شاء الله تشوفين الفرج و تتزوجين ، و راح تتذكرين كلامي . حتى لو تطول فترة انتظارك صدقيني راح تلاقين الفرج قريب.:yaaaaaarb:
جربي نصيحتي ما راح تخسرين شيء بالعكس حتى راح تلاحظين إن أحلامك وقت النوم تتغير و تصير أحسن.

 

[وداعيه]

السلام عليكم
لاتدمرين نفسج بالتفكير والوسواس
تووج صغيره
وبعدين انتي اكبر غلط سويتيه انج ماكملتي دراسه
الحين اكثر الرجاجيل يدورون الموظفه الي عندها شهاده .؟
وغير هذا الشهاده حبيبتي حيل مهمه
نصيحه : كملي دراستج وخلي عنج التفكير الي راح يسلج وتوكلي على الله وعسى الله يرزقج الزوج الصالح عاجل غير اجل يااارب

 

[الجــادل]

رد : ساعدونى بها المصيبة الله يفرج عنكم اتمنى الكل يدخل

هذا من الفضاوه الزايده

كملي دراستج لاحقه عالعرس

وامج تبيلج الزين مو معقوله بترفض واحد زين من غير سبب

 

[ام احلى خلودى]

لاحقه عالزواج .... خاصى دراستج وعقب فكرى بالزواج نصيحه

 

[انا مو هني]

اقري سوره الرحمن كل يوم وبنيه انج تتزوجين
وابشري بسعدج

 

[ربي يفرج لي]

رد : ساعدونى بها المصيبة الله يفرج عنكم اتمنى الكل يدخل

الله يرزقج بالي تبينه واكثر

 

[sh3oOoOola]

اللة يفرج عليج حبيبتي انتي مو بتروحين عمرة الزمي الركن اليماني ودعي ان اللة يرزقج ويفرج همج

 

[سيدة المكان]

رد : ساعدونى بها المصيبة الله يفرج عنكم اتمنى الكل يدخل

:33_1185028183:ححبيبتى عسا الله يفرج هم كل بنت تبى الزواج بس زين سويتى بتروحين العمرة عند الطواف سألى اللة باسمه الرزاق ان يرزقج الزوج الصالح وساليه بسمه الجبار ان يجبر حالج عن جد اعرف وحدة بذلت الاسباب ودقت على خطابه ( بس حبيبتى مو اى خطابه تتصلون عليه لان فى حريم يسون نفسهم خطابات ) بس الخطابه هذى مرة عودة ومن عوايل معروفه وما تزوج الا الولد والمطلق والارمل بس وما عندها الا الزواج الرسمى مو الخرابيط مال هالايام وما تاخذ فلوس تبى بس الاجر والدعوة الصالحة تقول رفيجتى دقيت عليها ورحت العمرة وتحلف بعد ما ردت من العمرة باسبوعين البنت انخطبت ما شااللة وقبل شهر رايحه عرسها وتقول بعد زوجت اخوها خوش بنت والحين صديقاتنا ثنتين عندها وحدة بعد اسبوع ملجتها ينقال حق هذى الخطابه ام خالد ورقمها 66160519جربى تكلمينها او امج تكلمها وان شاء اللة تلقين عندها الى يسرج وسمعت بعد عندها الحضر والبدو وان صار لج نصيب على ايدها ادعى لى ان الله يشافى بنتى قولى ااااااااامين

 

[al.jazi]

الله يهدي امج واختج انشالله ويرزقج ولد الحلال الي يعرف قدرج ويصونج
بس الغلطه اللي سويتيها انج ما كملتي دراستج صارلج سنتين قاعده لييش
ترا شهاده الثانويه حدها سنتين وبعدين ما تفيدج ولازم تعيدين الثانويه ..لحقي عمرج وشوفي شكثر صارلج بالضبط وقدمي على الجامعه
والله ماراح تفيدج إلا شهادتج

الله يحفظج انشالله