ساعدونى بمووووت

[زوارة اثنين]

بنات مرحبا اشلونكم
تدرون انى جالسة اكتب لكم الحين عقب صلاة الفجر وانا ميتة صيااااح
ادرى ان مافى حل مشكلتى بس ابى افضض زوجى من خذتة وهو عاطل عن العمل يشتغل ويطلع ولا شغلة عاجبتة واتجمعت علينا الاجاروطردنا صاحب العمارة وجاو اهلى وسكنونى عندهم فى شقة وعطوى زوجى سيارة لان اتلعوزنا بدون سيارة وقرور اهلى يعطونى كل شهر 200 شهرى لان اهلى يعتبرون من اغنى الاغنياء حشم وخدم اخوانى وازواج خواتى بس انا الى رزقى قليل
المهم الحين كل سنة تصير قصتى حديث المجلس بيت اهلى امى لازم لازم بس يجمعون خواتى واخوانى ضرورى تفتح هالموضوع اشلون زوجى مايشتغل واشلون اهم يكدون على وعلى بناتى وانا اكون معاهم بس مااقدر اتكلم لان صحيح كلامها بس تجنى غصة وعبرة اذا شفتها تتحلطم واروح شقتى واموت صياح واكرة زوجى لانة السبب وقمت مانزل بيت اهلى عشان لا تنهين كرامتى جنب خواتى واخوانى
وبعد 10 سنين من هالاحداث جانى اكتئاب واحس ماعرف اتكلم يم خواتى واخوانى ولاعندى ثقة بنفسى وكلا منكسر خاطرى على نفسى وكل يوم اصيح على حالى
وعندى بنات وكل بناتهم انخطبوواخذو بنات بعض الا انا بناتى مااحد يبيهم
الحين منقهر لان كلهم مسافرين تدرون صيف خواتى واخوانى وامى كلهم مع بعض الا انا الله يهنيهم ويمهل لهم بس احس قلبى منكسر علي وعلى بناتى
شسوى
وانا من شغل الى شغل مع انى خريجة لغة عربية بس عاطلة اشتغلت فى روضة اطفال فى مشغل فى شركة نسائية واطلع لان عندى عيال

 

[حياتي فراغ]

رد : ساعدونى بمووووت

لاحول ولا قوة إلا بالله

10 سنوات و على هالحاله
خلاص الريال تعود يعيش على أهلج

 

[قصه طويله]

مدري والله ياوخيتج ؟؟؟

 

[طموحه بزياده]

نفس سؤال اللي فوق يعني 10 سنين وازوجج لي الحين ما يشتغل واهلج يصرفون عليكم؟؟؟؟؟؟؟؟؟؟؟؟؟؟؟؟


اختي انتي حاسه الله ما يرزقكم؟؟

دوري خطأ في حياتج او في حياة زوجج يمكن هو اللي مانع الرزق!!!



الله يفرج همج يارب

 

[زوارة اثنين]

رد : ساعدونى بمووووت

مشكورين خواتى مع انى سعودية بس حسيت براحة فى منتداكم
اهو مو ميشتغل اهو يشتغل ويطلع وهو يحبنى ومخلص وحنون بس طبقتى اقل حيل من طبقة اهلى وكثر مايعيرون احس بنقص واكتئاب
انا وزوجى الحمد لله من المدوامين على الصلاة ولا عمرنا سوينا غلط نخاف من الله
بس شسوى اذا هذا رزقى اقراء اذكار كل يوم واصلى اليل
بس اعيش بين نارين نار اهلى ونار هالزوج الى مو متحمل المسؤلية
ماعندى صديقات ولا عندى خوات كلهم ابتعدو عنى ولا زوج عدل
بس ابجى واصيح تعبت تعبت

 

[زهراء الركابي]

رد : ساعدونى بمووووت

ربي يعينج على مابلاج


المؤمن مبتلى اختي .......... بس شنو زوجج ماعنده احساس بالمسؤليه مايخجل من اهلج محد يسمعه كلام


ربي يرزقج ويهون عليج


ة_ة

 

[لؤلؤية]

رد : ساعدونى بمووووت

ليش تبجين وانتي ربي معطيج الصحة والعافية..؟؟؟
وعندج زوج مصلي وصايم وبنات ربي يحفظهم...؟؟؟
فكري باللي عندج ...ولا تطالعين اللي ماعندج ...بتتعبين
كل واحد بيآخذ رزقه...وبناتج بيجيهم نصيبهم ان شاء الله

 

[مشتاقه لك يبا]

رد : ساعدونى بمووووت

مدري مخي قفل ؟؟؟؟ مدري شفيني

بس حاسه فيج والله يعينج وبدعيلج والله من كل قلبي ان ربي يفتحها عليج ويشيل من قلبج وبالج الضيق ويرزقكم بالرزق الحلال

ويسعدج ويعطيج لين يرظيج ان شاء الله

 

[مادرى شسمى]

فى شغله مادشت مخى ----شلون لج عشر سنين وتقولين بنات خواتى انخطبو وبناتج لا ؟؟ عشر سنين وتبينهم ينخطبون ؟؟؟

 

[زوارة اثنين]

رد : ساعدونى بمووووت

لا حبيبتى انا عمرى 38 واكبر بناتى عمرها21 واحنا بناتنا بسرعة ينخطبون من 15 وفوق
الله يسهل امورهم بناتهم بس انا احس الدنيا مصفعتنى من كل صوب كل يوم تضيق ماتوسع
مشكورين يابنات على وقفتكم
بس ماعطوتنى الحل مع اهلى وامى خاصة اشلون اخليها ماتفشلنى يم خواتى واخوانى حتى اعيالى مايرضون ينزولون بيت اهلى يقولون امى تعاييرهم

 

[زوارة اثنين]

رد : ساعدونى بمووووت

لى عشر اسنين من سكنت بيت اهلى وانا متزوجة من 22 سنة تقريبا
اصلن جنى عجوز من الهم خواتى الى اكبر منى شكلهم اصغر ويسلفون ويضحكون بثقة وانا احس انى مدقورة يمهم

 

[nurseya]

رد : ساعدونى بمووووت

ويي
الله يعينج ان شاء الله

 

[الدوريف]

الله يعينج يا اختي
هذا نصيبج بالدنيا المهم الصحه هذه اكبر نعمه نصيب بناتج ربج كريم ورزاق

 

[over love]

أختى المؤمن مبتلى وهذا أبتلاء لج ولزوجج

الله تعالى يقول "وَلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ مِنَ الْأَمْوَالِ وَالْأَنْفُسِ وَالثَّمَرَاتِ وَبَشِّرِ الصَّابِرِينَ"

سلى نفسج وطيبيها بتذكرج لـ أجر الصابر

وربي حبيبى مامنع عنج الرزق والوضيفه الا فى خير لج حبيبتى بس ماتدرين شنو هالخير الله سبحانه وحده يعلمه

وبخصوص امج هذى امج مهما تسوى استحمليها وحبي راسها كل ماجرحتج

والله ماراح يضيع اجر صبرج على كلامهم واذاهم

تذكرى أنه الرسول عليه الصلاة والسلام أذوه بالكلام واهل الطايف بالضرب وهو الرسول شلون أحنا البشر ؟

تصبرى وانا أختج وتأكدى بتتغير حياتج وبترتاحين بالمستقبل القريب ان شاءالله

 

[أم جديله !]

الله يعينج حبيبتي ولاطالعين غير اللى عندج روحي العمره وادعي ربج وانشالله ترتاحين ويتفرج همج

 

[happy&single]

ما تقدرين تغيرين الناس لا أمج ولا خواتج
بس تقدرين تغيرين بنفسك بتفكيرج وتقديرج لنفسك

تحمدي الله على الستر والعافية .. وشوفي شنو عندج من خير وفرحي واستانسي فيه
ترى حبيبتي محد خالي حتى أخوانج وخواتج لهم مشاكلهم .. بس الناس شايفة الظاهر

لا تفكرين بالمفقود راح تفقدين الموجود .. واتمين بحسرة طول عمرج
كل شي يتعوض ويتغير الا العمر ما يرد لا تخلين الهم ياكل عمرج

مردهم بناتج بيكبرون ويشتغلون واتحسن حالتكم وبشيلونكم
قولي الحمدلله على النعمة ناس تدور الضنى وناس تدور الريال السنع وانت الله معطيج
طلبي رب العالمين يزيدج ويرزقج .. وربي كريم واااسع الرحمة

 

[جروح خالده]

رد : ساعدونى بمووووت

زوجج يحبج صاينج محترمتج ؟؟

يخاف ربه ؟؟؟

احمدي ربج دام كل هالصفات بزوجج ؟؟؟ تلاقين اللي تضحك وعندها ثقه بنفسها مشاكل الدنيا مع زوجها من خيانات من كره من عدم احترام
لايغرج المظاهرررر .. اضحكي وان قالو شي ردي عليهم قولي الحمدالله اهم شي يحبني وهذي يكفيني وان محترم ويخارف ربه

 

[Flower20]

رد : ساعدونى بمووووت

الله يعينج
الحريم مشكلة اذ فتحوا سالفة وتناقشوا يقعدون يزيدون ويعيدون فيها
قولي الحمدالله على الصحة والعافية وادعي وايد

 

[بنت اسكندر]

للاسف اهلج عوده عالسهاله

و هذا اكبر غلط :/

 

[حرم يوسف بيك]

رد : ساعدونى بمووووت

اعرف وحده تقريبا نفس قصتج زوجها مايداوم وانفصل من دوامه وزوجته تصرف عليه حتى العمال اهيا الي اجابلهم مااله خلق شي وشايل ايده من. كل شي وامها عندها خير سكنتها ابيت وتعطيها فلوس لي احتاجت وماتقدر تطلق منه عشان عيالها