ساعدونا بتجهيز حفلة الملجه

[اللهم رحمتك]

السلام عليكم*
بنات بسالكم عن تجهيزات حفلة الملجه شنو اجهز وشنو اشتري في عشا ولا بس توزيعات عاديه وشنو البس وكيكة الملجه من وين اشتريها وبجم ضروري وأهل المعرس شنو يجيبون معاهم

 

[al-musk]

أهم شي الديجي يكون حلو والتقديم حلو مثل حلو القهوة شي أساسي .. لبسي شي راقي وناعم ولوتنزلين شعرج أحلى لاترفعينه...وليش كيكة ماله داعي .. الكيكة للعرس ماخبري بالملجه ..

خليها محفوفه ..

 

[M!SS.LOBY]

مووووفقة يارب

 

[سور المدينه]

احنا عوايدنا بيت المعرس يجيبون الحلو والكيك والتوزيعات ومافي عشى
وانتوا عليكم الدي جي والكوشه والورد ولو بتسوون عشى هذا شيء راجع لكم
ولبسي شيء ناعم وفخم

 

[طريق السعاده]

مدري الي اعرفه الملكه كل شيء فيها ع البنت واهلها اذا بيجيبون شيء اهل المعرس تكون هدايا للبنت وامها ( الزواج ع اهل المعرس بس الملكه ع اهل العروسه )

بالنسبه للتجهيزات ضروري ضروري يكون الضيافه شيء حلو وراقي توزيعات الحلى والفطاير والكب كيك وهالسوالف وبعد بوفيه العشا لازم تختارين مطعم تعرفين طباخهم لان بعض البوفيهات كانك تاكلين بلاستيك مافيه طعم طباخهم :/

والدي جي يكون حلو وحماسي

الاسعار ومن وين هذي بنات الكويت يفيدونك ومرح يقصرون


بالتوفيق ياحلوه

 

[مدّهره !]

موووفقه ...’


وماراح يقصروون البنااااات ...’

 

[جوري الغرام]

الدي جي + الخدمه (جاي و قهوه و حلو و فطاير و عصاير و ورق عنب وكبب ) + الكوشه + بوفيه + مصوره >> مولازم غاليه

المكياج >> أفضل يكون ناعم


وهذا الرابط راح ينفعج بالملجه والعرس بتجهيزج

http://www.q8yat.com/t746144.html

وفي النهايه الله يوفقج بحياتج الزوجيه​

 

[M!SS.LOBY]

الدي جي+كوشةمع ورد+صواني فطاير وحلا وخدمة شاي وقهوة وعصائر+ومصورة
وعشاء فخم

بالنسبة للبس والمكياج خليج ناعمة افضل

 

[قدساوية_افتخر]

شوفي حبيبتي بالنسبه للدي جي والكوشه ماله داعي

انا رحت حنان دشتي مكياج وشعر
ورحت ليلى قاليري شربت نفنوف عرس بيسيط وهادي

طلبنا بوفيه بالسرداب صغير

جوو اهله ومعاهم المهر وحلوو اهي قايلتلنا لاتطلبون حلو بييب امه

دخل عند اهلي واهله بعدين دشيت سلمت عالكل وقعدت يمه

صورتنا المصوره جم صوره ومع اهله

دخلنا داخل بغرفه صورنا مع بعض ونسولف وخذينا رااحتنا اخذي رااحتج واستانسي بهالوقت مادري انا ماستحي منه لاني اعرفه غدل

تعشوا وراحو اهله

نزلت معاه السرداب خذينااا راحتنااا اكثر وتعشينا وؤاح

جد كان ونااسه الحمدلله :hjy5jewf:

 

[لوولوو_88]

احنا عندنا كل شي على البنت
بالنسبه لي حطيت دي جي عادي مال الحفلات و انا اخترت الاغاني
البوفيه حطيت من البوفيهات السنعه بدون كيكه
بالنسبه للكوشه حطيت كوشه شكلها حلو و ورد و اضاءه
تقديم الحلو خذيته من الرايه شغله حلو و العصاير توزيعها مع البوفيه
مصوره طبعا لازم
تعاملت مع مكتب وفر لي كوشه و اضاءه و مصوره و الكلنكس على الطاولات و الكراسي و تلبيسهم تقريبا اب ٧٠٠ دينار
و الحمدلله كل شي كان اوكي و شال عنه شغلات وايد

 

[لوولوو_88]

بالنسبه للبس انا لبست دزاين ذيل السمكه برز جسمي و كان له ذيل خذيته من ليلى غاليري
و شعري فليته و شلته على جنب و القذله سويت فيها حركه بسيطه عشان اتميز شوي و ما يكون شكلي عادي سويته عند زهرا القاسم مع المكياج
و بالنسبه للدي جي جنا المكتب بعد وفر ليا اذا ماني غلطانه و حط لي سجاده بيضه عطت الصاله وساعه و شكل حلو مع الكوشه
اسفه كل ما اذكر شي كتبته و سلامتج :*