ساعدوا ابلتكم اليديده :(

[nonono]

هاي

انا ابله يديده
وصارت لي مشكله ان في بنيه اول السنه ما كن ادري انها شاطره لانها هاديه وايد
بس درجاتها كانت حلوه بالكتاب
بس بالشهاده حطيت لها جيد لانها ماكانت مبينه لي شطارتها
وابوها يه اليوم ودش عند الناظره معصب لان درجاتها بالكتاب كله علامه كامله
يقول ليش ابلتها حطت لها جيد ؟
انا اعترف ظلمتها بس لاني ماكن اعرفها
والحين توهقت مادري شقول حق الناظره باجر
ساعدوني

 

[mooneemoon]

وناسه اول وحده ارد . ...يعني درجاتها كامله ليش جيييييد لا تفكرين تحطين قريدات مو زينه الا اذا البنت صج كسلااانه انا بعدي ما اشتغلت بس بكليه التربيه بس حاطه ابالي اساعد البنات ههههه مو اخفس درجاتهم واهلهم ايوون انا ما اقول بظلمهم لا للي تحل ودفترها زين او امتحاناتها زينه اعطيها *

 

[nonono]

مو لانها ماتشاررررررك كللللللش
اقومها ماتجاوب واذا جاوبت ما اسمعها يعني اهيه المفروض تقديرها جيد جدا مو امتياز لانها مو ذيج الشطاره
ابي الحل
ماساعدتيني ؟

 

[mooneemoon]

باجر قولي حق الناظرة ان البنت ما اجاوب وجذي وبعدين يدرون انج يديده اي مرحله ادرسين؟*

 

[nonono]

ابتدائي

 

[mooneemoon]

لا تخافين باجر وجذي خليج واثقه لانج ابله قولي البنت ما تشارك وجذي ابي مشاركه مو بس بلكتاب لان يمكن اهلها يساعدونها فيه وبس انشالله اكون ساعدتج 

 

[كرز حالي.]

رد : ساعدوا ابلتكم اليديده

امممممم قولي البنت هاديه وايد
وقولي صج اهيا كتابها كامل بس مافي مشاركه وتفاعل بالفصل مع زميلاتها ومعاي

 

[nonono]

والله ميتة خوف
قولولي بعد شقول ساعدوني

 

[كرز حالي.]

رد : ساعدوا ابلتكم اليديده

خلج اسلوب وثقه
قولي ان شاء الله تعوضها الفصل الياي
وانا احب اقولكم ان مشاركتها اهيا بس اللي مخربه عليها ولازم تشد حيلها وتتفاعل اكثر بالصف

 

[كلنا نحب الكويت]

رفع

 

[ملآمح يوسفيه]

رد : ساعدوا ابلتكم اليديده

حبيبتي ساعديهاا شدعوه تنزلين بدرجاتها!!

في بنات يستحون يشاركون خاص الابتدائي

والله انا اعطي بنااااات فوق حقهم بزياااده وايد

​

 

[دانة))))]

مراحب


قال الشاعر:كاد المعلم ان يكون رسولا

فياريت تكونين اكثر دقة برصد الدرجات





والله يعينج على اولياء الامور بعدين

والبنات ماقصروا عطوج الخيارات اللي بتعجبج في طرح الاستجواب بكرة(ههههههه)

واخذي الحذر مرة ثانية...........


الله يعينج على مشوار (التعذيييب) اقصد التدريس

:eh_s(16)::eh_s(16):

 

[the white heart]

رد : ساعدوا ابلتكم اليديده

حبيبتي لا تخافين من أحد أنت أبلة مو ملاك ولا كمبيوتر ... وشدعوة اذا البنت يايبة كل تقديرها امتياز ما عدا العربي يعني خلاص ما رح يتأثر تقديرها العام .. قولي حق الأبو ان شالله تشد حيلها الفترة الياية وأعطيها امتياز وبيني وبينك لو تحسين أنك صج ظلمتيها زيديها شوييييييية..
وموفقة يا رب ... ولسه ياما حتشوفي ( على قولتهم)

 

[منال القلب]

رد : ساعدوا ابلتكم اليديده

باجر لا ترتبكين جدام الناظرة لان ان شافتج ضعيفة بتحط الحق عليج

دشي بكل ثقة وقولي ان الطالبة ابدا ما تشارك بالصف. واذا كتابها علامات كاملة فانا كنت مفكرة ان اهلها يحلون وياها

وعلى هالاساس حطيتلها جيد. اذا تبي الامتياز على عيني وراسي بس ابيها تشارك وياي بالصف. شلون احطلها ممتاز وهي ما تشارك

وتقعد بدون ولا كلمة ولا مشاركة؟

ومرة ثانية حبيبتي حطي لها جيد جدا مو جيد علشان ما يصير تظلم

وموفقة حبيبتي ان شالله

 

[فطووومة]

اتوقع الطالبة باولى او ثانية او ثالثة لان للأسف هذي نتائج الملف الانجازي حتى المعلمة مو عارفه شلون تقيم


زيا يطلعون كلهم امتياز ويوصلون المتوسطه ما يعرفون يكتبون او تقدير يظلمهم وادري انتي مو قاصده هالشي


الله يوفقج ويوفق عيالنا الطلبة

 

[Programmer.Girl]

up up