ساعة تشب بالظلمة

[just-me]

السلام عليكم

انا احب انام بالظلمة بس مضطره اطرف الباب او اخلي التلفزيون شغال

عشان أشوف الساعة وهالشي مسبب لي أزمة ما أشوف عدل فبخاطري

أشتري نفس هالساعى




من وين أحصل نفس هالساعة اللي تشب بالظلمة بس أبيها تتعلق بالطوفة..؟؟

لاتقولون لي شوفي ساعة الموبايل لاني أطفيه ما احب أنام متوترة اشوف منو اتصل

او طرش مسج حلاته عاد النمرة غلط والا مسج دعاية :eh_s(14):

وبنفس الوقت ما اشوف عدل اول ما افج عيني بروحه نومي خفيف وقليل

عموما

دورت بالغانم و كاسيو اللي بشارع ابن خلدون و كارفور وجيان ولوازم العايلة ماعندهم ؟؟

على فكرة جيان معلقينها شكبرها سألتهم قالوا يايه من الوكيل بغيت

اطمر وأبوقها لووووووول

ناطرة منكم الرد عشان أعرف أناااااااام

 

[om-3abodey]

ههههههههههههههههههههه جان طمرتي واخذتها
حبيبتي شفتيها بيوريكا؟؟

 

[شيــوخه]

مادري والله

اذا مالقيتيها سوي لج طلبيه

 

[حروف من ذهب*]

عاد انا شاريه ساعه من طيور الجنه بنص بس عقاربها تشب فصفوري

 

[just-me]

مشكورين كلكم على الردود

قالوا لي بسايكو بالمباركية مال الساعات بس وين الواحد يوصل هناك بهالحر

عموما بدور مثل ما قالت ام عبودي وباعطيكم خبر ليمن احصلها ان شاء الله للي مهتمه لهالسالفة

واذا ماحصلتها مردي بوصي عليها من أمريكا على شورتج ام شيوخة

حروف من ذهب مشكورة على الرد انا ابي الارقام كلها تشب ما اشوف بسم الله عليج

 

[أحلى عيون]

اختى فيه تاجرات يبيعون نفس جذي

هذيلا الي لقيتهم لج

 

[أحلى عيون]

اختى فيه تاجرات يبيعون نفس جذي

هذيلا الي لقيتهم لج

 

[كل الحلا فحبيبي]

بيوريكا تلاقينها

 

[just-me]

أحلى عيون ..ماقصرتي بس ياليت تقولين لي وين موضوع التاجرات؟؟ جزاج الله خير

مشكوره كل الحلا ان شاء الله يحصل لي روحة ليوريكا واعطيكم خبر

 

[بنت الكويت العسل]

في منبهات وايد من هالنمونه وفيها مميزات ثانيه بعد أنا شاريه وحده فيها ليت زينون من ايكيا تتعلق على الرف من غير مسامير او لويه لها مثل الزائد من فوق مستطيل وبس تحطيمه على الرف او الطاوله يوقفها يمكن ب٩٠٠ فلس لحقي عليها حتى شكلها حلو