سارة في مستشفى الفروانية (مأساة انسانية)

[أم الشيخ 2010]

السلام عليكم ورحمة الله وبركاته

اليوم رحت زيارة لولد اختي في مستشفى الفروانية الجناح الخامس أطفال..

تخيلوا شنو شفت.. شفت بنت عمرها بحدود 3 إلى 4 سنوات بسرير بممر الجناح عند رسبشن الممرضات..
سريرها فيه ألعاب وكانت نااااااااااااااااااااااايمة وسط الازعاج والليتات المفتوحة فوقها ..وعندنا رضعة عصير برتقال..

تدون منو هذي؟



هذي سارة طفلة بلا اثباتات ولا هوية ..

تسكن في المستشفى ..


ماتروح للروضة حالها حال اللي بسنها...

تعيش بمكان موبوء كله أمراض وفيروسات

لغتها هشه لأنها تربية سيلانيات وهنديات و و...و...و...و...و

تخيلوا لو وحدة من هالسيلانيات أو الهنديات نقلت لها ديانتها اليهودية أو البوذية ..الخ

مو حرام وهي بنت الاسلام..




البنت ماتبي لعبة

وماتبي لبس

وماتبي كاكاو

تبي حنان وتبي رعاية صحيحة وتبي مسكن نظيف تبي أسرة..

ليش الرعاية الاجتماعية ما ياخذونها..؟؟؟


والله عورت قلبي وأتخيل بنتي اللي بسنها مكانها........ ياااااااااااااالله..



بنات تكفووووووووووووووووووووووووووووووووووووووووووون اللي تقدر تسوي شيء تتحرك

تكلم أحد المسوؤلين يتحركون وياخذونها للرعاية ارحم من عيشتها بالمستشفى ..

واللي ما تقدر تسوي شيء تدعي لها أن الله يصلح حالها ويبدلها للأحسن ويرحم ضعفها وقلة حيلتها..








ولا حول ولا قوة إلا بالله والله المستعان.

 

[EL jowhra]

لا حول ولا قوة إلا باللة , اهي يتيمة وين أهلها ما وضحتي؟
اللة يكون بعونها أرحم فيها من البشر.

 

[كلنا نحب الكويت]

الله يعينها يارب ويرحم حالها

 

[أم الشيخ 2010]

رد : رد: سارة في مستشفى الفروانية (مأساة انسانية)

لا حول ولا قوة إلا باللة , اهي يتيمة وين أهلها ما وضحتي؟
اللة يكون بعونها أرحم فيها من البشر.

الله أعلم ..

يُقولون أن أبوها مصري تخلى عنها ..

وأنا شفتها من السنة اللي طافت ولا زالت موجودة..

إذا ماكان في ضغط بالمستشفى حطولها غرفة خاصة

واذا فيه ضغط حطوها بالممر.. : (

 

[ديناا كوليكشن]

الله يفرج عليها من اوسع ابوابه

 

[ام جودي الحلوه]

رد : سارة في مستشفى الفروانية (مأساة انسانية)

قبل كم سنه انا شفت نفس حالتها بس كان ولد في مستشفي مبارك وحاطينه بدراجه ويلحق السسترات والله حالتهم تقطع القلب الله يسامح اهلهم شلون يقدرون يخلون ضناهم ويروحون بس المفروض ان وزارة الصحه تحولهم لدار الايتام احسن لهم من المستشفيات

 

[~> سـراب <~]

ايه الله يعينهاااا
ولد اخووووي ترقد بالمستشفى بعيد الضحيه وانا كنت مرااافقه مع امه
والله يبناااات انها تلحق ورااااي وتبجي اذا خليتهاا تلزق تحبني
والله حالتها تكسرر الخاااطر
وانا مخليت عليهااا شي والممرضاات يوخرونهااا عني لدرجه تهوووشت مع وحده من الممرضااات على باله باخذه معاااي والبنت تبجي حيييييييل
كسرت خاااطري وانا اقول للممرضه خليه عندي تلعب
واخوووووي مااا قصر قاااعد يستفسر عنه
وقالووا انا ابوووه مصررري وتخلى عنه عشااان ما عند فلووووس ابوووه نظااام اللي يسااافر ويتزوج وجاااب البنت وتركها وامه ماايدرون عنها
وحنا سالنهم ليش مارا حت دور الرعااايه هو المكااان المناسب لها قالوا علشاان ما عندها اثبااات وعلشاان ابوه مووجووود
بس والله يااااابناات تكسر الخاااطر البنت متعلق حيل بالممرضاات بس حرررررام مصير الممرضات يبوون يسااافرون لهله يعني حرام تعلق فيهم
بس الظليمه شينه موو مقصؤؤين عليه شي ملابس والعاااب والنااااس الخيررره ووووواجد بس جد الله يفك كربتهااا

 

[shoshowoo]

بعد عمري كسرت خاطري حبيبيتي الله يسهل امرها ويرجع لها اهلها

 

[Queen of Sadnes]

قبل جم سنه اخوي ترقد بالمستشفى تقريبا شهر وامي كانت تنام عنده
اخوي بذاك الوفت كان عمره 4

كان في بنت عمرها تقريبا 2 تكسر الخاطر وهم نفس الحاله
والله اني اذكرها للحين كنت اسال امي هذي وين امها امي كانت تقول لي ما عندها ام
كنا دايم نلعبها وهي تعلقت بامي وايد وحتى اكل امي توكلها ...
هي كانت لقيطه وذاك الوقت ماكنت اعرف شنو لقيطه؟؟

بس الواحد شيقول غير حسبي الله ونعم الوكيل

 

[حلزونه]

اييي هل بنت مره وحده بالمنتدى كتبت عنها موضووع

صديقة امي اخصائيه نفسيه بدور الرعايه الاجتماعيه قتلها عنها وعن حالتها وليش ماتاخذونها؟


قالت والله مانقدر لانه اهلها موجودين وابوها مصري وامها فلبينيه موجودين مانقدر نسوي شي بس مو معقوله مسكينه يعني لي متى بتعيش بالمستشفى جذي؟

 

[غيمه ظميانه]

رد : سارة في مستشفى الفروانية (مأساة انسانية)

اي عرفتها تعور القلب كانت تضم اختي تقول لها ماما ماما يعني تتخيل ان اختي امها وصح ابوها مصري


وفي بنت بعد اسمها ساره بمستشفى مبارك عمرها سنتين امها فلبينيه وابوها مصريه امها كانت سستر بالمستشفى وامها وابوها توفوا بحادث سياره والمستشفى تبناها وحطولها غرفه وسرير والعاب واكل وتتكلم انجليزي واللسترات حيل حيل يحبونها ويخافون عليها

صج الله يعينها اذا كبرت

 

[الزين 85]

بس شلون دشت المستشفى اكيد فيه اثبات وين الام وين الأبو؟؟؟؟ ولو كانت لقيطة يودونها دور الرعاية او يسفرونها مع امها

ومنظرها يقطع القلب لو ياخذونها دور الرعاية احسن والله مسكينه ابتلشت باهل مايخافون ربهم

 

[منو انا]

تعور القلب حسبي الله ع ابوها اللي خلها ولا درى عنها
الله يعينها

 

[mona q8]

رد : سارة في مستشفى الفروانية (مأساة انسانية)

الله وياها
بس حسبي الله على أبوها منو يترك ظناه ويمشي
الله يوريه وماراح يتركه

 

[جوري الغرام]

رد : سارة في مستشفى الفروانية (مأساة انسانية)

لا حول ولا قوة الا بالله

والله قطعت قلبي هالبنيه

ربي يسخر لها أهل الخير والطيبين وان شاء الله ربي يسخر قلب أبوها و أمها ويعترفون فيها

أطفال أبرياء مالهم ذنب باللي سووه أهاليهم حسبي الله على هالقلوب اللي مثل الصخر

 

[chanel N22]

لاحول ولاقوه الا بالله العلي العظيم

 

[:: RoSe ::]

لاحول ولا قوة الا بالله
جد عورتي قلبي على هالبنت عسى الله يفرجها عليها

 

[UNICORNA]

لا حول ولا قوه الا باللله

ربى راح يحاسبنا والله على هالاطفال والمشردين

 

[طموحه بزياده]

امبيه كسرت خاطري




.....

 

[meen_ana]

لا حول ولا قوة الا بالله بس يدورون على اهلها وويشوفون التحالليل والاثباتات اكيد يبين اصلها