سااعدوني :(

[princess-m]

السلام عليكم بنات
عفيه ساعدوني
ابي اعرف طريقه سلطه
اهي كان فيها جرجير وصدر دياي مقطع صغار وكان الصوص مالها لونه برتقالي
اللي اتعرف لا تبخل علي
ومشكوورين ​

 

[princess-m]

ويييييييييينكمم بنااات

 

[سنفورهـ]

حبيبتي انا اعرف

سلطة جرجير الي انا اعرفها

بطاط دائري تقلينه وبعددين تحطينه في بايركس وتحطين فوقه الجرجير وترشين فوقه جبن ويدخل الفرن لمده 5 دقايق


بس ماعمري سمعت الي انتي طالبته

 

[جارة القمر]

http://www.q8yat.com/t86480.html



سلطه لذيذه وطعمها خفيف والاحلى تصلح للي يسوون حميه

المقادير بسيطه :

صدور دجاج متبلتها (ليمون :صوص باربكيو :ملعقتين روب عشان تصير لينه :بصله مفرومه )

السلطه :

طبقه خيار

طبقه خس

طبقه طماطم مقطعه

طبقه جرجير مقطع


تتبيله السلطه (ليمون :ملح :فلفل ابيض :زيت زيتون )
::::::::::::::::::::::

اشوي الدجاج على الصاج او الشوايه وانتي تشوينه رشي شوي صوص باربكيو
خذي طبق التقديم حطي طبقات السلطه وحطي الدجاج ورشيه بالتتبيله

وهذي صوره صحني اممممممممم عند جد لذيذه

طريقة ثانية::


جرجير

خس

طماطم صغيره (تشيري تماتو)

صدور دجاج

الصوص:

زبادي

مايونيز

ثوم

ملح وفلفل اسود


الطريقه:

قطعي الجرجير والخس الى قطع كبيره شوي والجرجير كميته تكون اكثر من الخس..طعمه الذ

وقطعي الطماطم الصغيره الى نصفين..

اخلطيهم كلهم مع بعض صبي عليهم شوي زيت زيتون وحطيهم بصحن التقديم

خذي صدور الدجاج رشي عليهم ملح وفلفل وشوي كمون

حطي بمقلاة شوي زيت زيتون..الين يحمى الزيت,,حطي صدور الدجاج عليه وغطيها الين تتحمر

وبعدين اقلبيها على الوجه الثاني وغطيها ..الشغله ماتاخذ منك اكثر من 10 دقايق

شيلي الصدور وقطعيها شرايح واضيفيها فوق السلطه..

اخر شي اخلطي مكونات الصوص مع بعض (تقريبا علبتين زبادي مع ملعقتين مايونيز وفص ثوم )

وملح وفلفل طبعا وغطي السلطه بالصوص بدون ماتخلطينها..




منقووووووووووووووول

 

[جارة القمر]

" سلطه الكــورهـ "



المقادير :

جرجير , صوص ثاوزند آيلاند لايت , ناقت الدجاج بوب كورن .



الطريقه :

أغسلي الجرجير , قطعيه قطع كبار ( أنفع من ناحيه الغذائيه لأن كل ماكنت الخضار أكبر حجم كل ماكانت أفود غذائيا )
وزعيه على صحن كبير , صبي الصوص على شكل دائره بالنص ثم حمري البوب كورن الدجاج بالفرن أو بالميكروويف " لا يقرب الزيت أبد " ..
وحطيهم في النص ..




طريقة ثانية

سلطة البوب كورن
خفيفه وسهله


مقادير السلطه:::
ملفوف ابيض وبنفسجي مبشور
ذره
جزر مبشور
بقدونس مفروم
خيار مقطع صغار
بقدونس
وبوب كورن
خردل

الصلصلة ::

روب على حسب كمية الخضراوات انا استخدمت 2 روب
و2 ملاعق مايونيز
شوية ملح وشوية فلفل اسود


الطريقه ::

تخلطين الخضراوات مع بعضهااا
وتكونين خالطه الصلصلة مع بعض
وتخلطينهم جمييييع
وتكونين مقليه البوب كورن

بالبايركس
اتحطين الخضروات وفوقهم البوب كورن وتصبين عليهم الخردل بهالطريقه

 

[جارة القمر]

..[ سلطة الدجاج المشوي بالصوص الاصفر ]..

المقادير /

[ جرجير .. ملفوف امريكي ( خس ) يقطع ناعم ]..

[ 1/2 كوب ذره مسلوقه .. 2 صدر دجاج متبله مشويه ]..

خبز بريد مربعات محمص ,.

الصوص :

[ 1/2 علبه زبادي .. ملعقه مايونيز ]..

[ 1/2 ملعقة خردل .. 1/2 ملعقة زيت زيتون ]..

[ عصير نصف ليمونه .. ملح .. فلفل أسود ]..


الطريقه /

1- يقطع الدجاج إلى مربعات ويخلط مع الخس والذره ..

2- يخلط الصوص ويضاف إلى خليط السلطه ..

3- يفرش الصحن بالجرجير ثم خليط الدجاج ويزين بالخبز ..




طريقة ثانية


..[ سلطة البوب كورن بالصوص الاورنج ]..

المقادير /

[ كرونب مقطع ناعم .. بوب كورن ..]..

[ كرة ملفوف امريكي او ( خس ) مقطع متوسط .. ذره مسلوقه ] ..


الصوص:

[ ملعقتين مايونيز .. 3 ملاعق صوص فرنسي ]..

[ رشة ملح .. مخل خيار مفروم ]..

الطريقه /

1- تخلط مكونات الصوص .. ويقلى البوب كورن ..

2- يخلط الخس والكرونب والذره ويسكب عليها الصوص مع الاحتفاظ بملعقتين منه لزينه ..

2- توضع في طبق التقديم ويوزع عليها البوب كورن المقلي ويزين بخطوط من بقية الصوص ويقدم ..




منقوووووووووووووووول

 

[ام الدرر]

ماقصرت جارة القمر
يعطيج العافية​

 

[Mjnont '3lay]

مشكورة حبيبتي جااره

 

[كويتية و لكن]

السلطة عجيبة وساعات اسويها وتهبل بس اذا مالي خلق شريتها من المكدولاند اتهبل والصوص مالها يهبل

 

[losee]

السلطه الاولى مالة جارة القمر عجيبه