ساااعدوني ياااحلوات ياكويتياات

[~رتوش~]

مساااااااااااااااااء الخير

ماعرفت وين احط موضوعي كان احطه في اكثر مكان متواجدين فيه الحلوووين:ggdw:

انا بجي كويت بعد اسبوع انا وعيالي بس

وبروح وبجي بالتكاااسي

ابي اعرف لو سمحتو رقم سكن فندقي يكوون زين وجنبه كل شي :eh_s(10):

وابي اسواق اعرف المارينا والمباركيه ابي محلات ثاانيه تبيع فساتين جلابيات وتكون اسعارها رخيصه بين 20 دينار

وسمعت عن البلوكات ودي اروح لها بس شلون اصعد التاكسي واقوله البلوكات ويوديني ...

امممم بعد علموني مكان اودي عيالي اعمارهم 8 و 14

اي احد ينصحني باي مكااان مناااسب بليز ماااعرف شي

 

[~رتوش~]

؟؟؟؟؟كلكم ماتعرفون شي بكوووويت

 

[نوف الصقعبي]

حياج الله بالكويت وإن شاء الله ماتحسين انج بغربه وانتى وعيالج بنحطج على راسنا من فوق


عندج فندق ميسوني السالميه تقريبا كل شي بيكون حولج

ومكانه حلو وشرح عالبحر

انصحج بالآفنيوز انتى وعيالج وايد بتحبونه كبير وكل شي موجود فيه

من اسواق

مطاعم

سينما

العاب للصغار والكبار

وحق المشي ممتاز بس ديري بالج تلبسين كعب وتمشين لان المجمع حيل كبير يبيله جزتى رياضه او فلات يكون مخصص حق مشي مثل جواتى كروكس


وعندج فحيحيل فيها شغلات وايد حلوه

مثل الكوت
او مجمع سنتر بوينت
او مجمع العنود او المنصور للمكياج او مجمع الدبوس وفي بيت اولادنا وفي العائله وكثير شغلات منطقه مليانه اسواق ومحلات ذهب وثياب وكل شي تحتاجينه

عندج المباركيه هاذي عشق الكويتيين الأول لانها تذكرنا بتراثنا وماضينا

وعندج مجمع المخازن بالديره حوالين المباركيه وايد بتحبينه

عندج 360 بس غالي كله ماركات وحلو لتغير جو عائلي لان في سينما و العاب للكبار والصغار

عندج المهلب بحولي

عندج اسواق المعلم روعه

عندج سوق الإمارات الشاهبندر بمنطقة فحيحيل شحلاته يهبل حق ثياب ومعمول وبخور واواني منزليه ومكياج يعنى شامل

واتمنى تزورين الكويت بالسلامه وحافظكم ربي جميعآ واتمنى لج اسعد الاوقات​

 

[نوف الصقعبي]

ولاتنسين لازم تزورين اكبر مجمع بالكويت

الافنيوز
و
غراند افنيوز

وتعطينا رايج

افضل الاوقات تزورينه الصبح من الساعه 11

او تروحين العصاري

بس بليل ما انصحج لان ام الزحمه هناك مالج محد ريل من بعد المغرب​

 

[تاتو_11]

انصحج تروحين سوق الفروانية العربيد الحمرا مول فيه جلابيات تهبل ورخيصة
عيالج اعمارهم يناسبهم حولي بارك او كيدزانيا بقراند افنيو


اي التكسي يوديج قولي له البلوكات راح يعرف
بس هناك كله خام وخياييط اذا حابة تفصلين روحي بس غالي شوي قامو يصلخون بالعالي لان كل الكويتيات هناك
الفروانية ارخص بوايد

اذا تبين شي راسليني خاص افيدج باالي تبين

 

[قاهره عذالي]

بالنسبه لي بما اني بالجهرا
اعرف فندق السليل
وفيه اسواق ومكان العاب اطفال
فيه محلات دراريع التراث الهندي ودراعات ساره
بس طبعا العربيد احلى منه اللي بالفروانيه

والسليل فيه مطاعم وبحيره ومحلات ماركات نفس بيضون وساعات اون تايم ومجمع كامل لسنتر بوينت ومطاعم هناك تفاوت باسعارها من الرخيص والغالي

بالنسبه للفنادق ما اعرف الا فندق السليل بالجهرا + فندق النخيل بس ما ادل وين بس داخل الديره هذا رحت له قبل وحطيت فيه مكياج عرسي عندهم صالون اسمه ماي فير ليدي

وفي مجمع بعد بالجهرا اسمه المنار مول يهبل كله محلات عطور وملابس وفيه مطاعم للعوايل والعاب فوق للجهال ومطعم وجبات سريعه نسيت اسمه نفس طريقة كنتاكي

ومجمع اوتاد بعد حلووو بالجهرا


ترا التكاسي غااااااااليه

بس الفروانيه احلى مافيها كل شي يم بعض العربيد على العربيد بلازا على الحمرا مول

بس ديري بالج ترا الاسعار غاليه بالنسبه للحمرا مول والعربيد بلازا اما العربيد مال الدراريع عادي في الرخيص والغالي

 

[نبض السعاده]

حياج يالله بالكويت