ساااعدوني والله مخنوقه وتعبت

[نجمة متألقة]

السلام عليكم
بنات تقفون ساااعدوني بنصائحكم انا متزوجه بس مشكلتي زوجي عصبي ومررره اتيكيت
انا ابغى اكسب قلبه وحبه وعطفه ابغى يقول كلام رومانسي ابغاه يشتاق لي
ساااعدوني بخبرتكم ونصائحكم ... الله يوفقكم جميعا

 

[زوجة عزيز]

الله يساعدج ويسخره لج اذا تبين تكسبينه لازم اتحملينه واذا عصب صبري وسكتي مارده بيتحسف وبييج يعتذر الله يعينج

 

[i'm so happy]

حاولي تكسبينه بالكلام الطيب وصبري عليه وبذن الله يتغير للأحـسن

 

[نجمة متألقة]

الحين انا موظفة هل حق على زوجي يعطيني مصروف خاص لي

 

[ريتاج_90]

غصبن عليه يصرف عليج حلوه هاذي مايصرف

واهو ملزوم فيج بكل شي

ادعي بكل صصلاه انه يسخركم لبعض
والله يجمع بينكم علي خير

 

[^لغموضي معاني^]

مو ملزوم يصرف عليج حبيبتي

ولو خذتيها بالقوه بتخسريين انتي

بس لابد ان بعطيج مبلغ

وانتي موظفه يعني عندج معاش ومصرف تتصرفين فيه احمدي ربج ان مايحاكمج فيه او يناشبج عليه

وتذكري ان عنده التزامات واكيد البيت والخدامه وماجله البيت عليه هو

 

[%دانة%]

بسم الله عليج من الظيقة

الله يكون بعونج حبيبتي

 

[نجمة متألقة]

بنات تقفون ساعدوني هل اضغط عليه حتى يعطيني فلوس وازعل !؟؟

 

[ديزاينر الكويت]

امبيييه
موظفه و تبين يعطيج فلوس
اهو ملزووم بالاكل و الشرب و المكان
و غير جذي عندج معاشج
و إذا تبين اضغطين عليه
عادي اهو يضغط عليج و يأخذ من معاشج
زين لج ،،،
سؤال !!
لييش وين معاشج !!!
علي شنو تصرفينه !!!!
هل مو مكفيج و تبين زياده !!!

 

[نجمة متألقة]

مكفيني بس من حقوقي يعطيني مصروف شخصي

 

[نجمة متألقة]

نفس الحين مثلا لو بغيت لاب توب من المفروض يشتري هو او انا ؟؟؟

 

[ناتشوو]

يانجمة
السالفة مو هوشة
ولا افتعال هوشة
من حقج مصرف
بس اذا هوشة وزعل
شنو يسوى عليج
غير هذا
جم عندكم عيال
من متى متوظفة؟ ومن متى متزوجة؟
ليش تبين فجأة مصروف
غاثج بشي
اوزعلج
فانت تبين تعاقبينه بالصرف
هل هو كريم ع صرف البيت ؟؟

 

[ناتشوو]

مافي شي غصب
او ايه قرانية
تقول
ان الزوج
عليه اللاب توب

 

[نجمة متألقة]

صار لي ثلاث شهور متزوجه توي يديده وبالنسبه لمصروف البيت كااااامل عليه مايقصر بشي وانا ماعندي اطفال
بس ابغى يدللني وهو بصراحه وظيفته كبيره مررره مقتدر بس ماني عارفه بخيل علي انا بس
تقفووون فهموني ليه يسوي معي كذاا انا احبه ومابي اخسره صايره ازعل كثيييره وهالشي مايعجبه

 

[فوولي]

اهم شي اذا عصب اسكتي..

الله يوفقج

 

[ناتشوو]

لا تصيرين
نكدية
ومافي شي يستاهل
تقولين
كريم ع البيت وبخيل عليج
البيت بيت منو؟
مو بيتج
البيت منو ساكن فيه
مو انتي؟
في ناس مو بخل فيهم
بس يحبون يعطون من نفسهم
بدون ضغوط
لا تخلينه يحس
انج مشفوحة ع فلوسه
او مو شايفة خير
استمتعي
باول سنينكم
توج ماعرفتيه عدل ولا بخصتيه

 

[Patcholli]

حبيبتي الحين انتي تبين لاب توب ليش اهو لازم يشتريلج ياه اللاب توب يعتبر من الكماليات مو من الاساسيات
الزوج مسؤل عن اساسياتج
اكل شربج مسكنج لبسج غير جذي اهو مو ملزوم ولا يتحاسب
اذا حب ايب من كيفه فهذا زوج كريم ويحب يهدي زوجته
بس اذا لا فاهو طبعه جذي انتي تقدرين تعودينه يغير طبعه بس ماتجبرينه
اتمنى تكونين فهمتي علي

 

[نجمة متألقة]

الحين اللبس من الاساسيات هو يقولي اشتري لبسج من مرتبج هل هذا صح ؟؟
وكيف اعوده يغير طبعه ابغاه يصرف علي ؟؟؟
نخيتكم ساااعدوني والله غشيمه في هالامور

 

[ناتشوو]

لا لا
من صجج؟؟
بليز
ستوب
الله يسامح
اللي نصحوج
سواءا صديقات ولا خوات
خليج ارقى من جذي
حسيت ماعندج مشاكل
وودج تختلقين مشاكل

لا تحاولين تجبرينه
تلقينه من نفسه بيجيب لج هدية
ومرة قولي
ماكفاني المعاش
عندنا مناسبة
مثلا العيد او قبل رمضان
وبيعطيج زيادة
بس قاعد يقول مابي اعطيج
وتفتعلين هوشة
علشان فلوس انت مو محتاجتها!
انت هدفج
تحسين انه يحبج لو عطاج
ولا شنو تقصدين؟

 

[miss.unique]

حسيت من كلامج انج صغيرة بالعمر .. او انه ما عندج خبرة كلش
.. الزوج مسؤوول عن الاساسيات .. ودام انتي موظفة ومعاشج كله بايدج حاولي تصرفينه بطريقة ذكية ... و بعدين انتي صارلج بسم الله الرحمن الرحيم 3 اشهر .. يعني بالبداية .. اكيد رح ييبلج بعدين و يشتريلج مع الايام .. يمكن زوجج ليلحين ماحبج , انتي ما عطيتيه الفرصة انه يحبج ماعرفتي تكسبينه .. لان من البداية تقوليله هات و هات .. و كل يوم زعلانة .. الريال رح يطفش ديري بالج ... ورح يصير زعلج و رضاج واحد ديري بالج لا تزعلين على اقل شي ,, و لا تبينيله انج مادية وتفكرين بمعاشة ترى يطفش