ساااعدوني ابي ااتسووق ماليزيا... مااعرف؟؟

[بنتي نور عيني]

السلام عليكم بنات
فديتكم ان شا الله انا حجزت لماليزيا وبروح لها اخر الشهر
وان شا الله ربي يتمم علينا ونروح ونرد بالسلامه
بنااات
ابي اعرف احسن مكان للجواتي والجنااط ؟؟
وين احصل البخور والعود؟؟
واهم شي ابي اجهز كسوه الشتا والصيف الجاي لبنتي من هناك فماعرف المحلات الحلوه الي عندهم
والي مو موجوده عندنا؟؟
شنو الي يميز السوق الماليزي ؟؟
ماليزيا فيها خام ولالا؟؟

 

[q.u.e.e.n]

حبيبتي ما اتوقع ماليزيا فيها ملابس شتويه الانه مافيها برد كله رطوبه ومطر وان شاء اللله البنات يفيدونج

 

[عزاااه]

شوفي ملابس لا تفكرين مافي شي حلو الحلو الجناط الجواتي في عندي بي بي بلازا التايم سكوير

 

[مضيعة برقعها]

عندج مجمع الباڤليون يجنننن فيه محل من خمس ادوار اسمه باركسون كله ماركات عالميه من ملابس رجال نساء اطفال وساعات وجاكيتات وجناط وكعابه واكسسوارات والله انه عجيييييب كل ماركات العالم فيه والمجمع فيه قسم خاص دور كامل للاطفال محلاتهم
وعندج مجمع سوجو لايطووووفج رخيييص ويجنننن ماركات بالهبل
هذولي اللي انصحج بالقوووه فيهم
اما تايمز سكوير مايسوى والله ان سوق الجمعه يسواه
وبي بي بلازا كأنه مجمع الدبوس
فيها خام بس والله قدييييم قوليلهم ابي انديا ماركت للخام مجمع ٧ ادوار كله خااام
وعندج السوق الصيني اول محلاته وطلعي لاتكملين مايسوى متكرررر

 

[مضيعة برقعها]

للعلم توني يايه من ماليزيا بس لنكااااااوي خيال مو طبيعيه

 

[بنتي نور عيني]

فديتكم ماتقصروون
مضيعه برقعهاا
الحمدلله علا السلاامه
ومشكوووره علا هالمعلومااات

 

[نارنج الوادي]

صادقة اختي مضيعة برقعها ههههه التايم سكوير اكرها

ملابس شتا مافي الا بزارا ومارك اند سبنسر يعني عندكم في الكويت

حتى سوق ون اوتاما حلو ومتعدد

ربي يسر لك

 

[فراشهf]

كوالالمبور

اي حبيبتي فيها خام

في عندهم مجمع حيل كبير ورخيص في كل شي تايم سكوير
وتكرمين انتي بغيتي محل الجواتي
شفتي ستارباكس الي عند البوابه يمه على طول في درج متحرك تنزلين تحت على ايدج اليسار وانتي نازله راح تلقين جواتي حلوين انا ماخذه حق العيد
......................................................................
وفي شغلات حلوه بيبي بلازا بشارع العرب قريب عند ماكدونالدز وفي حق بنتج وفي عندهم محل جناط سمبونيا الحين طايحين في اخذي حق العيد.. في بخور
........................................................................
وصج الخاااااام في بشارع عبدالرحمن والحين طايحين بخام بوريحه:RoadRunner:
ههههههه
بريحه الورد
......................................................
وفي بعد سوق الليل يفتح تقريبا من ساعه 6 ..وفي شغلات حلوه .. واخذي جنطه ميوميو 80 رنقت
............................................................
واذا حابه تعرفين اكثر حاضر

 

[أم سيف وسلطان]

الي اذكره مركز بيبي بلازا

 

[أم أحلى البنات.]

العود والبخور عند يمني بشارع العرب محله يطل عالشارع تشوفينه بالدور الثاني .. بس ترى ما اعتقد بمجمع لاني ناسيه ..

اسمه عود العنود ... عنده دهن عود ربع التوله ب200 رنقت بس عجيييييييييييييييييييييييييييييييييييييييييب حده ...

والاسواق البنات ما قصروا معاج ...

بس لاتنسين تاخذين من ماركاتهم الماليزيه للجناط والنعال >> أسعارها حيل حلوه ... تلقينها بالمجمعات ..

الماركات : سمبونيا - بونيا - كارلو رينو - وفي شكثر ماذكر اساميهم ...

اي وعندج في مجمع بافليون محلات باركسون .. ملابس البنات فيها تجنن ... لاتطوفج ..

لايطوفونج بعد اللي يبيعون في شاارع العرب بسطات او تلقينهم واقفين بالشارع .. عندهم أشياء حلووه ..

وترجعين بالسلامه ...

 

[موجة ~ بحر]

اب

اب

 

[عجايب2009]

ترى على فكره الماركات الماليزيه بالتايم سكوير والعود محل مرووج بشارع العرب لايطووووفج دون عود مالييييزي

 

[Break Time]

اب
اتمنى البنات يفيدووووووونج
تروحين وتردين بالسلامه