سااااعدوووووووني متوهقه

[دنيا الهم]

بنات انا اخطبوني والخاطب يبي يكلمني وقت الخطبه واحنا مو مالجين بس خطبه شسوي بنات انا مشغووووله بالامتحانات ومالي خلقه واخوي جبرني اشوفه مرة ثانيه واكلمه واتس اب الي جربت هالشي تقولي شلون ممكن اكلمه شنو ادز اخاف يتعدى حدوده يعني شنو طبيعه الكللام بينكم بحدود يعني الحجي مع ويوه تضحك ولا حجي جامد وشنو المواضيع الي ممكن نتكلم فيها مااعرف شي ترا حدددددي متوهقه :eh_s(2)::eh_s(2)::eh_s(2):

 

[مناير ...!]

دام اهلج موافقين حاجيه
ولاتقطين الميانه حيل
خلج رسميه ومحترمه ولاتطولين معاه
ولاتدزين شي خليه اهو يبادر دايم
تدرين اكو فرق بين الخطبه والملجه للحين انتي مو مرته
فلو انسجمتوا ملجو وعقب الملجه خففي شوي رسميتج وعيشي حياه الوناسه بفتره الخطبه

 

[Angel_store]

اب اب اب

 

[كربون امها]

ماشالله على اخوج والله متفاهم الله يهنيئكم ملجي وكلمي بعدين عشان الحرام والحلال الله يسعدج

 

[حجيه هيونه]

خلج رسمية لين تتعودين عليه

مو حلوه تطيحين الميانه من اولها

ابديئ مثلا يوم الجمعه تطرشين ادعيه وجذي

وغير جذي لو اهو كلمج ردي لين تتعودين انه عادي تسولفين معاه


والله يوفقج

 

[ليل السفر]

كلميه وعادي كوني على طبيعتك ولاتتصنعين

 

[تفاحه فصفوريه]

أنا مع مناير...

 

[*أذكــــر الله*]

لا تكلمينه لين تملجون لانه اذا كلمتيه بالخطبه بس مو زين لج لانه اذا اجتمع رجل و امراه كان الشيطان ثالثهما
في رياجيل واجد كنسلوا لانه مل من البنت و حسها وحده من البنات الي يكلمهم اقعدي مع اخوج فهميه انه غلط اذا انا مستعده اطلع معاه بعد مو بس اكلمه بس اللحين لا انا اخاف من الله و من هالحجي و الله يكون بعونج

 

[ورود كويتيه]

خليج ثقيله معاه ورسميه ....

 

[دنيا الهم]

اخوي يسوي يروح يتكلم معاه واتسب ويطرش لي يقولي تبين اساله شي ؟؟؟ وايد يفشلني ويرد عليه بكلام جنه انا الي قايلته وانا مادري عن هوا دار الريال بس شفته بالخطبه وارتحت له بس اخوي يحاول يقرب القلوب واخاف الريال ينفر من هالتصرفات الحين بيشوفني يوم الثلاثا ماني عارفة اتصرف شقول شلبس اخليه يبدي لان اقول لاخوي خلص الحجي بعد ليش يشوفني مرة ثانيه خلاص شفته مرة كافي

 

[دنيا الهم]

وانت قاعد توصل لي ردة فعله على اسئلتي بالواتسب بعد ليش الشوفه عشرين مرة خلاااص

 

[Patcholli]

خلج رسميه وتكلمو بالامور المهمه والمستقبليه وبنفس الوقت لاتكونين جاده بشكل تحسسينه انج نفسيه او مغروره

 

[sosowaty]

ااااااب

 

[كلمة جريئة]

ااااب

 

[cat^q8]

عادي حبوووبة لا تصعبين الامور


اخوج يبي مصلحتج ويبي يقربكم من بعض

انتي لج حق ترفضين اذا حاسه ان مامنها فايده المكالمات

وعادي قوليله لي الملجة بعدين يصير خير


واذا شفتي ماكو مفر

عادي خلج طبيعيه وتكلمي عن امور الحياة و المسؤوليه والتعاون بين الازواج

لاتتكلمين عن نفسج وايد

علشان لااتصيرين كتاب مفتوح

اول شي انتي اكتشفيه وعرفيه عدل

والافضل من كل هذا انتي خليه اهوه يبادر بالكلام ويفتح المواضيع

وعسى الله يوفقكم يارب

 

[Om mriom]

الله يعينج
اب
اب

 

[رورو 88]

عادي حبيبتي احنا طريقتنا جذي واغلب اللي انعرفهم جذي

ضروري اتكلمينه قبل الملجه يمكن طبعه يختلف بشكل جذري عنج !

يمكن في طبع انتي نوعج ما اتقبلينه

مرات النفس ما اتقبل شخص سبحان الله حتى لو بدون سبب

وانتي اتكلمينه بخطبه رسميه يعني يون فما فيها شي غلط

احس مما بعد الزواج تنصدمين بشخصيته واتدبسين فيه

مو جك بم انتي بغرفه وحده معاه

وخلج على طبيعتج لا تصيرين جامده او بشخصيه غير

 

[~ كرز ~]

اذا بعد الملجة احسن بس اذا مصر خليج رسمية ديري بالج تطيحين الميانة ترا تطيحين من عينه و حسبي لكل كلمة تقولينها الف حساب و قبل ماتدزين اقري عدل لان الريايل بفترة الخطبة و الملجة يسوون اختبارات و من هالسوالف عشان يشوفون ردة فعل البنت و اذا خفيفة و لا ثقيلة و لاتطلع منج كلمة احبك او اي كلمة فيها غزل الا بعد الملجة