سااااعدوني بليز ابي طريقة البلاليط

[yaamye]

بليزززززززززززز ساعدوني
ابي طريق البلاليط عفيه انا اموت عليها وحتى بناتي ابي طريقع سهله ماعليكم امر ومشكوووورين
:0bee2e8d89:

 

[yaamye]

رد: سااااعدوني بليز

شدعوووووووووووه محد بيساعدني
:eh_s(14):

 

[أمووورة الكويت]

رد: سااااعدوني بليز

تحمسين البلاليط بالدهن لين يصير اشقر وتكونين مزهبه ماي حار

بس يصير البلاليط اشقر تحطين الماي فوقه

بعدين حطي شكر فوقه حسب رغبتج وخليه يطبخ لي صار زين شخليه

حطيه بالجدر وحطي فوقه زعفلان وهيل وخليه ع نار هادية


وعليج بالف عافية

 

[yaamye]

رد: سااااعدوني بليز

مشكووووووووووره حبيبتي ويعطيج العافيه
:ggdw:

 

[جارة القمر]

تفضلي طلبج

http://q8yat.net/showthread.php?t=448472&highlight=%C7%E1%C8%E1%C7%E1%ED%D8

 

[ام الدرر]

طريقتي تسلقينه الشعيريه بماي نص سلق
شخليه
خلطي بيضتين مع شوية ملح وحمسيهم بسمن لحد مايستوي البيض
حطي الشعيرية المسلوقه وحطي فوقها شكرحسب الذوق والكميه وسمن وهيل مطحون وزعفران وقلبيه شوي
غطيه الجدر وقصري على النار حيل 5 الى 10 دقايق وذوقي احلى بلاليط
شهيتيني بقوم اسويه​

 

[الغاليه نونو]

البلاليط يمه تشترين بلاليط المطاحن رقم 1

اعطيج الطريقه اذا بتسوين جيس واحد مثلا

تاخذين البلاليط وتفللينه عالراحه موتطحنينه بيدج لالالالالا بس تفكين الكور عن بعض وتحمسين ثلاث ارباع الجيس لين يصير لونه مشوقر غامج شوي

عندج الجدر تحطينه عالنار وتقصرين الجوله تحطين قلاص ونص ماي وقلاص شكر يستحسن شكر بودر وتحطين قفشتين دهن بالماي ونتيفة هيل وتالي لي شفتي الماي يغلي تكتين البلاليط كله بالجدر وبالقفشه الحطب تقلبينه بالماي تخلين الماي يغطي البلاليط حده حده يعني مايصير الماي واااااااايد علشان يصير البلاليط نثري وحلو وعندج طاسه صغيرونه فيها منقوع الزعفران بماي الورد عقب ماتشوفين الماي بدا ينشف شوي وتقولبين البلاليط ترفعين الجدر تحطين الحديده تحت العين الصغيرونه وترزين الجدر فووقه وترشين علي ويه البلاليط ماي الزعفران وتغطين الجدر بالقصدير وتحطين الغطا خليه بونص ساعه وتالي نجبيه بالصحين واكلي هني وعافيه

وبيض البلاليط تاخذين طاسه وتكسرين فيها البيض وحده وحده وتشيلين البويضه مالت البيض تلاقينها مثل القطنه الصغيره بطرف المحاحه تغرفينها بالقفشه وتقطينها ومثلا مقدارج خمس بيضات تحطينهم بالطاسه وتحطين عليهم نتيفة فانيليا وملح وذرة زعفران مفتته انتي بيدج وتخفقين البيض بالقفشه الحطب حيل حيييييييييييييييييييييييييييييييييييل تالي تاخذين المقله التيفال وتحطين انتيفة دهن لين يحتر الدهن وعقب تصبين البيض تسوين قرص والكميه اللي عندج خمس بيضات يعني يطلع 3 قروص تقريبا اذا البيض حجمه كبير

وتقصرين عالجوله وتقلبين القرص عالويه الثاني وحطيه عالبلاليط

بعض الناس يزيدون الملح بالبيض شوي علي اساس يختلط الطعم الحلو والمالح بس مو يصير البيض بحر ههههههههههههههه شوي ملوحته زايده بس مقبوله وبعضهم يحبون ملوحته عاديه


وهذى الطريقه عالسريع يمه وعليج بالعافيه

 

[bano0ta]

يب يب

 

[حنونه الحلوة]

مشا الله كل الطرق شفتيها يالله سويلنا خلينا نذوووق

تقبلي مروري