ساااااعدووني شنو الاسئله؟؟؟

[rosemary]

مرحباا بنااات شخبااركم.....

بنات حدييييييييييييي متووووووهقه فيه ناس بيون يخطبوني الاسبوع الياي فغيت اعرف شنو اللبس المناسب حق الخطب ؟؟
وشلون اتصرف اخذ راحتي بالسوالف والا اجاوب على قد السؤال ؟؟
واذا يابو ولدهم وياهم وقعدنا مع بعض على كتر شنو الاسئله الي اساله ايها عساس اعرف شخصيته من ناحيه انه طموح والا لاا واللي يهمني انه كريم فشلون طريقه الاساله شقوووول شحجيييييييي ؟؟!!


بليييييييييز بنااات سااعدوني من خبرتكم او تجااربكم مااالي غيييركم يااا خواتي

 

[<miss botamba>]

شوفي الصراحه وايد اشوف بنات ينصحون خلج مستحيه لا تتكلمين نزلي راسج هذا كله غلط بغلط

اذا بتبدين حياتج بجذب وعكس شخصيتج يمكن يأثر بعدين اذا صار نصيب لان مو ممكن تستمرين بالتمثيل عليهم

خلج طبيعيه اوكي بتستحين لان كل البنات يستحون بالمواقف هذا بس حطي في بالج على اساس هاليوم حياتج المستقبليه بتبدي

طبعا بطاقته الشخصيه انتي عارفتها واهوا عارف بطاقتج الشخصيه فابتعدي عن هالاسأله

اذا بتعرفون اذا اهوا طموح والا لا سأليه عن شغله شلون قاعد يطور نفسه مثلن حاب يكمل دراسته مثلن تسألينه اذا ان شاء الله صار نصيب و ياكم عيال شحب عايلته تكون

من الناحيه الماديه مثلن سأليه تحب تطلع الاماكن الفلانيه تحب تسافر والله في مكان فلاني يمدحونه زرته
اذا كان نوعه يسافر وايد ويطلع وايد هذا دليل انه ممكن نوعا ما عادي عنده يصرف
مثلن سولفي معاه قوليله تصدق مره طلعنا طلعه مع رفيجاتي ووحده علشان ماتدفع سوت كيت وكيت وكيت شوفي رده فعله

مثلن سولفي معاه حق اشياء هابين فيها الصبيان يعني اذا عمره نوعا ما صغير

مادري اتوقع هالاشياء تعطيج لمحه عن الوضع المادي وحتى كحياته الاجتماعيه

ممكن تسألينه ووين راح تسكنون جذي

لووول اتوقع جذي وللعلم ماسبق لي هالتجربه ههههه

شوفي انا ممكن بعد اقطها بالوي يعني عادي اسأله تحب تصرف والا لا ههه بنحشه قبل لا ايي

 

[bride collection]

لبسي لبس مرتب وحلو وبسيط
يعني حلو علي جسمج
بنسبه حق اهله خلج مستحيه
وبنسبه حق الريال هم مستحيه
يعني اذا سألوج جاوبي موسوالف وتغشمر
اذا صار قبول بين الطرفين
اهني كلميه وعرفي شخصيته
عدل
والله يوفقج

 

[فديت قلوبكم]

رد : ساااااعدووني شنو الاسئله؟؟؟

الله يوفقج ي قلبي اهما يسالونج شسمج ؟؟
باي سنه؟؟
متى تتخرجين؟؟
هالاسئله بس عشان يسمعون صوتج جاوبيهم على قد السؤال بس واحيانا الصبي اذا شافج نظره شرعيه هم يكلمج عشان يشوف اذا فيج احرف ماتبين وهالاشياء بس مهما اضحكو او تغشمروا ابتسمي بس وموفقه ي قلبي

 

[مدام زيزو]

رد : ساااااعدووني شنو الاسئله؟؟؟

اي شي يهمج مثلا: دوامه شفتات والا صباحي
شنو هواياته راعي حداق قنص سيارات والا شنو

 

[نـعـومـه]

رد : ساااااعدووني شنو الاسئله؟؟؟

هههههههههههههههه يحليلج ذكرتيني بلي مضى

يوم مرعب حدددده بس حلوووو وله ذكرى

اولا احنا مانستغني عن الخجل والخجوله يحبونها بس على رقله وزود

بالعكس نزلي راسج بس اذا كلمج هنيه رفعي راسج وردي عليه وحطي عينج بعينه الا اذا سألج اذا صار هدوء ومحد يتكلم هنيه نزلي راسج وتكلمي بخجل بس بحدود

خجل مو خوف وتوتر

انا رايي ماتتعمقين بالاسئله بس اذا سألو ردي على قد السؤال واذا بخاطرج بشي سألي بس لاتكثرين واهم شي تقعدين جدامه عشان يشوفونج وتشوفينه وحاولي انج ماتخزينه ولا ماتشوفينه كلش

طالعيه بنظره انج تكونين شايفه ويهه كله

واذا عن اللبس لبسي بدله تكون بارزه جسمج بس على الخفيف تكون محترمه مو بدي ضيج ولا كلوش وشي حده واسع

وكعب لاتلبسين عشان يشوف طولج الحقيقي ومكياجج خليه بسيييييييييييط

واهم شي الاستخااااااااااااره وقرأة المعوذات

 

[rosemary]

مشكوورين بنااات ماقصرتو صج استفدن من اللي قلتوووه
الله يعطيكم العافيه