ساااااعدوني

[نكهة التوت]

السلام عليكم انا عندي مشكلة مسببة لي احراج و هي اني عصبية واييييييد:rgewrg:لدرجة اني اقول كلام واندم عليه حتى وصلت بي المواصيل اني اقطع علاقتي مع اقرب الناس لي و الناس اللي انا احبهم هم اللي ينفرون مني و يقطعون العلاقة واحيانا اتصرف تصرفات حمقاء تخرب كل اللي بنيته و مشكلتي الثانية اني صريحة و اقول كل شي بوضوح وصدق وجدية و ايضا هالصفة يهربون منها الناس ويتضايقون وايد والله اني اكتب لكم و كل الناس اللي حولي ماعاد يبوني من صديقات واهل حتى امي زعلانة مني شنو اسوي عشان اتخلص من العصبية و الحماقة مالي غيركم ساعدوني :yaaaaaarb:و هل فيه احد مثل حالتي و الا بس انا:eh_s(2):

 

[cute lulu]

ما ادري شقوول

الله يعينج حبيبتي

 

[є 3 τ и α q]

انا كنت عصبيه ..
وشينه لآ عصبت وابعد عن الناس واحط حرتي فيهم
سوى اللي سبب لي مشكلة ولا اللي ماله دخل

يعني عصبيتي قشره ..
ولا تنطاق ونفرت صديقاتي مني ..


لكن بعد مآشفت انها تسببت لي بمشاكل
وصارت عقوبتها اكثر من فايدتها ..


بديت اسيطر على نفسي لآ عصبت
يعني اذا كنت اكلم اسكر الفون

واذا كنت اكتب اوقف كتابه واغير مكآني ..


احيانا يَ قلبي نعصب على اشياء ماتسوى
ولو ردينآإ لها وشفناها من جهه ثانيه بصراحه نلقى انفسنا تافهين
لآن الوضع مَ يتحمل اننا نعصب بسبب ذا وذا


وحتى لو عصبنا راح نغير شي ..
ماراح يتغير اي شي ..


نصيحه .. من اخت ..
حاولي تغييرين نفسك ..
وحاولي تتعودين السيطره عليها ..


وتعوذي من ابليس كثير لآ صرتي معصبه
واستغفري .. والله وقتها راح تهدى اعصابك


والله يكون بعونك ^^

 

[skrah]

نفس مشكلتي
احاول اتعلم الصبر بس فترة وارجع اخرب الدنيا
مااعرف اوزن كلامي
الله يعين بس

 

[نكهة التوت]

شكرا حبيباتي ع النصايح

 

[رحــــيــــل]

حبيبتي حطي في بالج العصبية صفة مذمومة وخلق مكروه

منو ما يقدر يعصب ويصارخ وبجرج كلنا نقدر لكن بالطريقة هذي راح نخسر كل الناس الي نحبهم ونعبش بروحنا

والإنسان مخلوق اجتماعي مايقدر يعيش بروحه ولابد في يوم من الأيام راح يحتاج للناس وإلا ما كان الله خلق الناس طبقات

وحطي في بالج إن الله خلق الناس مختلفة في كل شي فإذا كان في أمر ما يناسبج وتشوفينه قبيح غيرج ينظر له نظرة مختلفة ويشوفه من أروع مايكون

إنتي بعصبيتج هذي راح تنفرين الناس كلهم منج وبعصبيتج راح تخلين الشيطان يفرح

وتذكري إن الي يعصب هو إنسان ضعيف لأن القوي اهو الي يقوى على نفسه مو على غيره

وإنتي قاعدة تقولين إنج عقب ما تعصبين تندمين طيب ليش العصبية والصراخ تالي الشعور بتأنيب الضمير

ياريت ذكرتي يا أختي الأسباب الي تخليج تعصبين وفصلتي أكثر بموضوعج عشان نكون أكثر وضوح معاج

بس جربي إذا عصبتي من شي عدي من 10 إلى 1 وصدقيني راح تكون أعصابج هدت وماراح تردين على الي جدامج

ويالنسبة للمشكلة الثانية حطي في بالج إن مو كل شي لازم ينقال ولو لفيتي الدنيا هذي كلها ومهما حاول شخص إن يكون كامل ماراح يكون

لأن كل شخص في سلبيات وعيوب والكمال لله وحده

 

[نكهة التوت]

شكرا رحيل و الله بكيتيني بردك بس انا عصبية من و انا صغيرة يعني ما اتحمل احد يسوي شي مايعجبني و اغلب عصبيتي في اشياء معي حق فيها و نادرا ما اعصب و اكون انا الغلطانة و ايضا الناس تعرف تجامل انا ما اعرف يعني اذا كان فيه سالفة انا ادري ان امي اذا اسمعتها بتحقق معاي و بتخاف علي و بتعقدني مع ان خوفها ماله داعي ما اقدر اصبر اروح و اقولها فهي تقعد تققلل من شاني وتقول اصلا انتي مايعتمد عليك و تحرمني من الشي اللي تخصه السالفة هذي و اشوف البنات عادي يخبون ع امهاتهم و عايشين بسعادة مو مثلي

 

[حبي لله اشد]

حبيبتي انا كنت جذي قمت استحمل نفسي
مسكت نفسي مره مرتين لين تعودت
يعني لما اشوف شي يعصبني افكر انه مايستاهل
اعصب عشان موقف ماله داعي !
يعني عودي نفسج وادعي ربج انه تروح منج العصبيه !!
والله انا صرت باااااارده اعصاابي ماتنهار على اي احد
وفكري فيها ليش تعصبين ويرتفع ضغطج عالفاضي ؟
والله انا ماخفت الا من الامراض اللي تصير ..
لاني حيييييييييييييل عصبيه بس شوفي ربج دعيتله ماردني
لا يردج الدعاء والله احسن حل لكل شي ..

 

[رحــــيــــل]

حبيبتي العصبية مفتاح كل شر ميخالف حتى لو من صغرج تعصبين دربي روحج إنج ما تردين بسرعة على الشخص الي جدامج

فكري بكلامه وعطي نفسج فرصة صدقيني خلال هالثواني الي فكرتي فيها بتكون أعصابج هدت

وآنا ياما وياما ناس اغلطت علي وأهانتني وآنا في بيتي لكن والله الواحد الأحد ما أرد عليها

صحيح أتضايق من داخلي وأتنرفز لكن الحمدلله الله ياخذ حقي بنفس اللحظة

وآنا في ناس تعصبني لكن تدرين شسوي أتذكر كلام سيدنا موسى عليه السلام لما قال لرب العالمين يارب كف ألسنة الناس عني

قاله الله سبحانه يا موسى ما اتخذت ذلك لنفسي إني أخلقهم وأرزقهم ويسبونِ ويشتمون

وكذلك قصة الإمام الحسن عليه السلام لما سبه شخص وأهانه لأنه يكرهه

رد عليه الإمام الحسن وقاله لو كنت جائعا لأطعمناك ولو كنت عطشانا لسقيناك ولو كنت زائرا ضيفناك ولو كنت عاريا لكسيناك

وتذكري الرسول عليه وعلى آله الصلاة والسلام قومه سبوه وطردوه من أحب الأماكن له وقاله الله أتريد أن أطبق عليهم الأخشبين

(يعني أطبق عليهم الجبلين وأموتهم) قاله لا لعل الله يخرج من أصلابهم من يقول لا إله إلا الله

شوفي عظم منزلتهم وقربهم من رب العالمين والناس ما قدمت لهم أدنى احترام

فيا حبيبتي ماله داعي أبدا العصبية حقج عند رب العالمين ما يضيع وربج اهو الي يحاسب الناس مو البشر

أما الموضوع الثاني فأسباب انتقاد أمج لج أولا إن جيلها غير جيلج وتفكيرها يختلف عن تفكيرج وتصرفات هالجيل ما تعجبهم فلاتلومينها

 

[~✿ ارتـِوآآآء روح !]

وعليكم السلام ورحمه الله وبركاته
حبيبتي فديت روحج
انصحج تقرين كتاب خطوة خطوة نحو الهدف
واللي يخليج تسيطرين على اعصابج ذكر الله دايمن
قراءة القرآن* الصبر *ممارسة الرياضة* التفكير بأشياء جميلة* والاذكار
ومن ناحية انج تقولين الصدق والصراحة فهذي صفتين عظيمتين
اتكلم فيما يرضي الله وان كان يرضي الله فهذا المهم
ولا يهمج احد طالما كنتي على صح
والله يسعدج

 

[نكهة التوت]

شكرا رحيل يا لبى قلبك استفدت وااااايد من كلامك عن جد شكرا كثر حبات الرمال شكرا:eh_s(7): و سدن شكرا ع ردك و ان شاء الله اقرااااه احبكم الله يوفق كل من ردت علي و اهتمت

 

[* Snow White *]

حاولي تسوين عكس الي قلتيه الحين
لما تشوفين نفسج بتعصبين استغفري بهدوء وانسي الموضوع
وحاولي تمسكين اعصابج وهدي هدي كثر ماتقدرين .. بعدين يصير عندج عادي وبترتاحين
وحطي ابالج انه اللي يحدج عالعصبيه وسواس الشيطان

وشغله ثانيه، اي شي تشوفينه يعني لو رفيجتج او وحده من اهلج لابسه لبس يديد وانتي مو عاجبج او شي
فكري قبل لاتقولين اي كلمه ..! اذا تحسين انه الكلمه بتقولينها راح تضايقها وماتعطينها اهتمام
تذكري انه حرام احطمها دام انه عاجبها "جامليها" لو بكلمه بسيطه حلوه
تريحها وتريحج .. والمجامله شي حلو بس مو لي درجة السذاجه
جاملي بالمعقول عشان توخرين عن المشاكل لو قلتي الصراحه "كتجريح"

انا شفت وايد مثل حالتج، وعدل كلامج الكل يوخر عنهم .. لان هالصفات ماتيي الا من الغرور ومن الي اغتر تشبه بالشيطان تكرمين والله يكافينا شره

 

[^ريما^]

طولي بالج كثر ماتقدرين ولازم طولين بالج
وانتي تقدرين تجمعين الناس وتقدرين تفرقينهم عندج واما صراحتج
حلوة الصراحه بس لا تجرحين احد بكلامج حاولي
تصيرين لطيفه وحبيبه منهم وقريبه على القلب
علشان تكسبين الناس وروحى الحين رضى امك
مافي مثل الام تحمل كل شي .............

 

[Ms.MrMr]

انا نفسج اعصب اقط حجي ما اثمنه .. بس الحين لا الحمدالله
الحل واااحد والوحيد .. انه كل ماتعصبين استغفري داخل وعدي من 1 لـ 10
والله والله تهدين انا جذي اسوي .. اما صفة الصراحه الصراحه راحه وانا حدي صريحه بس بحدود وغير جذي ماياخذون على كلامي لان عفوي بس له حل تقولي الكلمة حقج ؟ شوفي تنجرحين تاخذين بخاااطرج ؟ اذا ايي خلاص عيل لا تقولينه خلج صريحه بحدود يعني من ناحية اطلعين عيوب لا .. جربيها على نفسج واكيد بتتضايقين
اما صريحه من ناحيه ثانية اي خلج صريحه مو حلو مجاملة ×] ان شاءالله قدرت اوصل لج المعلومة وافيدج ×$

 

[رحــــيــــل]

شكرا رحيل يا لبى قلبك استفدت وااااايد من كلامك عن جد شكرا كثر حبات الرمال شكرا:eh_s(7): و سدن شكرا ع ردك و ان شاء الله اقرااااه احبكم الله يوفق كل من ردت علي و اهتمت

حبيبتي إنتي مشكورة أنج وثقتي فينا وطرحي مشكلتج نساعدج
الله يوفقج يارب ويسر أمورج

 

[نكهة التوت]

شكرا للجميع:eh_s(17):ولاتنسون تدعون لي بصلاتكم اني اتخلص من العصبية و اكون قريبة من الله سبحانه و انا كمان بادعي لكم بالتوفيق:eh_s(8):

 

[نكهة التوت]

شكرا للجميع:eh_s(17):دعواتكم لي:eh_s(8):