سااااااااااعدوني رمضان قرب

[~عشق المطر..~]

مررررحبااااااااا كويتيات مالي غيركم خدامتي تاخرت ماراح تجي برمضان وماحصلت خدم نص دوام سوولي جدول للطبخ يعني اجهز من الليل شغلي شلون ساعدوووووووووني مالي الا الله ثم انتم :yaaaaaarb:

 

[ريــــتال]

الله يكون بعونج ماعرف ولاجان ساعدتج

 

[~عشق المطر..~]

اب اب

 

[أصدق شعور]

ماعندي فكره ان شاءالله البنات مايقصرون

 

[وين نك نيمي]

وي الله يعينج حبيبتي روحي قسم الطبخ موضوع تفريز رمضان
ياربي شسالفه هالخدم يامنحاشات يامسوين اضراب يبون رفع رواتب

 

[غـلاوي تش]

عادي حبيبتي انا ماعندي خدامه وكل شي اسويه بنفسي :eh_s(7)::eh_s(7):

شوفي بما ان رمضان بعد باجر يمديج تزهبين له

تلفين سمبوسه محشي و ملفوف ورق عنب كبه
قعدي اليووم بالبيت بريك وسويهم وخشيهم بالعلب القصديريه او الفلين << العلب حق الاكل عرفتيهم هع وثلجيهم تبقئ معاج طول رمضان ماتخرب << سويتها من اسبوع:eh_s(22):


جذي خلصتي من بعض الشغلات نجي اليوم الثاني مثلا بكره رمضان بعد س 12 بالييل << لاني افضئ بهالوقت بعد المساييرر والطلعات << ع وقتج متى تفضين

تسوين سوالف الغبقات كريم كرمل وجيلي واطباق بارده وحلى الكاسات مثلا وجذي شغلات ماتخرب لو خشيتيها بالثلاجه

قطعي دجاج او لحم<< فطوركم<< وتبليه يكون جهاز وغطيه وحطيه بالثلاجه عشان الفطور بس تطبخين

بيكون ساعه 2 صارت سوي السحور عاد

ونعتبر اليوم رمضان


تقعدين مثلا تقعدين 2 الظهر نقعي العيش وروحي اقري قران يعني ربع ساعه جذي
وردي غسلي جدورج وقطعي البصل الثوم ... الخ

وبلشي طبخج
بلشي بالشوربه عشان تخلصين منها وقت الفطور تتسخن عادي
تالي المرق والعيش
<< تقدرين تسوين المرق بالليل وتخشينه بالثلاجه مايتغير طعمه ولا يخترب << اسويها احيانآ وبس اسخنه وقت الفطور :eh_s(22): << تدارك التعب والاجهاد لؤوؤول

تسوين هريس جريش عادي يمدي هالوقت لان ياذن اول ايام 6 و45 دقيقه هع:eh_s(9): بس تالي تزهبي مبجر خخخخخخخخخخ

هذا جدول اول ايام بس خخخخخخخخخخخخ

تالي من س 1 نقعد :ch12:
تفطرتوو عافيه عليكم

بعد الفطور وغسيل المواعين تكون صارت 7 ونص تقريبآآ
نظفي البيت نص ساعه يعني تكون 8 تكشخي كيفج وقت متاح لج خذي حلوياتج وبلشت الجمعات عند الاهل :eh_s(9):هههههههههه
لين 12 او وحده وردي سوي هالجدول من جدييد :eh_s(15): خخخخ


<< هذا جدولي كل رمضان :eh_s(7):

 

[هيبة ملك]

الله يعينج

أنا والله مالي فالمطيخ أبد

 

[ديانا سبنسر]

اب اب

 

[PuPa^^SWeeT]

اوكي حسب قعدتج

بالليل طلعي الدياية ولا اللحم

و فوحيها شوي ربع ساعة بالماي
بعدين شيليها و حطيها بالثلاجة

او روحي نامي

اليوم الثاني سوي الدياية بالفرن مع بطاط مقصصته


والعيش حطيلها بهارات و مكعب ماجي يعطي نكهة مجبوس


و

سوالف التنظيف اذا بنتج فوق ال3 سنين عطيها خرجة اتنظف الطاولات و انتي خمي


و اليهال سويلهم مقالي عالغدا و ريوقهم كورن فليكس

و بس هذا اللي عندي

خلي تنظيفج بالليل كله لما ينامون التنظيف الكلي

 

[أغلى حبيبه]

زهبي الايدام من الليل فوحيه نص فوحه وشخليه وحطيه بالثلاجه

والمفرزنات روحي اي جمعيه واشتري السمبوسه والكبب

والشوربه والسلطه ماياخذون وقت

وخلي اليريش والهريس يوم الاثنين والجمعه عشان النافله حق يرانج

وقصصي الخبز حق السلطات والشوربه وقليه وحطيه بغرشه قزاز ماراح يخترب

والجلي والكريم كرمل والمحلبيه سويهم وحطيهم بالبوادي اللي تتغطى ولا غطيهم بالنايلون عشان مايختربون ولا تصير فيهم ريحه من اكل الثلاجه

وتقبل الله طاعتكم

 

[~عشق المطر..~]

يسلموا ع الردود بعد اكثر