سؤال يقرقع بقلبي ياليت القى جوابه

[حواء الكون]

عندي سؤال يقرقع بقلبي كلي امل القى جوابه

لو تعرفون ارقام لمهندس ديكور يكون فاهم او اي واحد متخصص بهالمجال سألو اهلكم

الحين يا على بالي لو انتي تزوجتي والبيت تصميمه كله غلط بغلط وشكله معتم ومافي هوا والريال مايقدر يغيره شنو الحل ؟

هالمشكله مشكلة وحده اعرفها شخصيا ... وصار لها اكتئاب حاد .. لان على قد حاله والبيت اييب الاكتئاب لكل احد يدخله رغم اهتمامها فيه

يعني وايد في اشياء ناقصه ..

فحبيت اعرف لو تقدر تلجأ لواحد متخصص بالبنيان بعد ويقولها شنو ممكن يتغير بالبيت يعني يهدم هالمكان مثلا يصغر غرفه يكبر صاله ... يحط دريشه

يغير مكان الحمام وانتوا بكرامه ... شي مثل جذي

والله ادري ان الطلب صعب بس قلت اسأل مو خسرانه يمكن وحدها تقدر تفيدنا

:eh_s(6): ويزاها الله الف خير

 

[حواء الكون]

لو ماتعرفون كلش قولوا لي وين اروح واسأل احد يعرف دلوني بليز

 

[دهن عود مبخر]

انا عن نفسي ماعرف بهالسوالف موليه..
بس كنت اشوف ببرنامج بيتك كله يقابلون مهندس مادري شنو اسمه بس من عايلة الاستاذ..
وماحبيت ادخل من غير ماارد عليك..

 

[حواء الكون]

حبيبتي والله مشكوووره وايد ياكل الذوق

 

[دهن عود مبخر]

يسلمك قلب

 

[omneyaty]

مشكوره اخي على اهتمامج برفيجتج شىء حلو


بس اللي اعرفه ان مهندس الديكور ياخذ مبلغ كبير وانتي تقولين


على قد الحال حاولي تساعدينها انها تضيف مرايات تعطي وسع للبيت


الدور الارضي تخلي الصاله كبيره تشيل العواميد واذا ماتنشال تخليهم


وتصبغهم رخامي وتحط يمهم الكراسي وفناتق توفر فلوس مهندس الديكور

في موقع مستضيفين مهندس ديكور تدزين الاسئله والمخطط ويجاوب انتى وحظج متى رد عليج

 

[Strawberry Flower]

ياريت كنت اقدر افيدج بس انا ما اعرف بهالامور. بس اعتقد ممكن تسألون مكاتب هندسيه ويمكن يفيدونكم واعتقد في منهم بالاوقاف

 

[الكشخه]

تشتري مجلة البيت المثالي
وتصير اهي مهندسة ديكور

 

[غصون]

اختي سالفه التصميم مو صعبة وسهله وايدة ومايبلها شي بمجرد نظرة بس وانتي تخططين اللي تبينة

يعني نقول الدور الارضي وعند الباب الرئيسي للبيت تكون بويهج صاله اما يكون الدري موجود فيها او تكون بعد الصاله اللي اهوة الاستقبال مثل الحاجز وورى هالحاجز الدري مع الاصنصير وبعدها يكون صاله ثانية ومعاها المغاسل بصوب وانتو بكرامة الحمام وتكون في غرفه مع حمامها اما على زاوية وغرفه الطعام تحطينها بالصاله اللي بعد الحاجز ويكون في مطبخ صغير ويكون بجانب حمام الضيوف ومغاسلهم

نروح للدور الاول

غرفه رئيسية مع حمامها وغرفه ملابس وتكون كبييرة

بعدين 4 غرف اما كل غرفتين وبينهم الحمام او غرفه واحد وداخلها حمام وتكون للبنت الكبيرة او الولد الكبير والباقي لليهال

والدور الثالث شقتين كل شقه صاله و3 غرف وحمامين ومطبخ


واهوة ما عليج الا انج ترسمين في ورقة وتسوين لج خط سير

انا مو مهندسة لكن الكل يسألني وياخذ بنصيحتي

خالي ودى مخطط بيتة لمهندس وبعدين شاور زوجتة وماعرفوا شنو يسووون واخرتها ياني وقالي شوفي صح او غلط التصميم ؟؟؟

عدلت عليه وقلت له شسل هالطوفة مالها داعي

والمطبخ اللي فوق اللي بالدور الاول خله دريشة تطل على الصاله او يسوي مطبخ نظام الكاونتر

وعدلت مكان الابواب ومكان الدري غيرتة

وكتب الملحضات كلة وودها للمصمم ورد ورسم مرة ثانية التخطيط اليديد وقال صج مهندسة اللي شاورتها .... عاد انا اهنية استانست هههههههههههه

والحين خلص بيتة وباقي الديكورات وهذا اهم شي واهوة اللي يلفت النظر
ساعدتة باكثر من شغله ويتشاور معاي انا وزوجتة وياخذون نصيحتي

لان من بعد ما صممت شقة اخوي من البنيان الى الديكور الى الصبغ الي الاثاث الكل سألني عن الشغل وما قصرت معاهم عطيتهم اللي اعرفه

 

[حواء الكون]

هلا بنات كلامكم صح والله والمهندس بياخذ فلوس وايده اشلون مافكرت فيها !

:eh_s(22):

بس والله حبيت اساعدها مو اكثر ولا عارفه اشلون لانها اهي نفسها حايسه واللي بنا بيت ريلها سواه اي شي ! حاولت اساعدها ماقدرت

بس عجبني كلامج ياغصون ياريت آخذ بنصيحتج ولو انا انا شايفه ماكو امل من بيتها لاني شايفته وفعلا لو تحاول تصلح بشي يخترب شي

يات على بالي فكره اني اروح لها وارسم البيت وآخذ تفاصيل البيت الاول والتغيير اللي حصل له عشان تقدرين تحكمين

هذا لو ماعندج مانع طبعا اراسلج عالخاص وآخذ رايج :eh_s(17):

ومشكوره يا احلا مهندسه بالدنيا :eh_s(6): :eh_s(17):

 

[كويتية في لندن]

عزيزتي هاذا مهندس ديكور ..... اسمه عبدالله البناي ورقمه9802095
قولي له ميزانيتج واهو يضبط شغلج ...احنا مجربينه

 

[انا كويتية]

خليها تدخل بسايتات على الأنترنت والله تلقى افكار عجيييييييييبة

 

[ورده بنفسجيه]

الله لا يخلينا من كويتياتنا كلنا لبعض ان شاء الله

​