سؤال : هل فيكن وحدة تزوجت بعمر 31 وهل هي سعيدة بزواجها ؟

[عروس هاجرية]

هذا السؤال لرفع معنويات كل يلي فوق 30
ممكن تحكي تجربتك معنا هنا

 

[Tom ♥ Jerry]

,


افضل عمر للمرأه سن الـ 30

 

[ملكة الكلمه]

كثير اسمع ان فيه بنات تزوجوا في السن هذا ومن رأى افضل سن للزواج

 

[قاهره عذالي]

يقولون عمر حور العين بالجنه بالثلاثينات

اعرف حريم تزوجوا 35 و36 وتوفقوا

ووحده من قرايبي تزوجت عمرها 31 وتوفقت

مو مهم متى تزوجين المهم انج ان تزوجتي تاخذين واحد صالح وتوفقين

حنا بزمن قل فيه الرجال وكثر فيه الطلاق

 

[ماكواسم2]

اشعليه العمر ؟؟ يعني اللي صغيره يكون نصيبها حلو واللي اكبر راح يكون نصيبها مو زين ؟؟ الظاهر مو عايشه بالدنيا

 

[yam_yam]

اشعليه العمر ؟؟ يعني اللي صغيره يكون نصيبها حلو واللي اكبر راح يكون نصيبها مو زين ؟؟ الظاهر مو عايشه بالدنيا

نفس السؤال ؟
شنو علاقة العمر بالزواج ؟
يعني اللي تتزوج بالعشرين ماتتطلق ؟
:bbbiu:

 

[هب العطر]

مادري ليش الناس مصدقين ان المره من توصل ثلاثين تنقلب ديايه ! هههههههه

احس رقم ٣٠ عقده يبا اشمعنى هالرقم يعني ؟

احد قال لكم ان بهالعمر محد يبي المره ؟

منو قال ؟

الرياييل يرضون يتزوجون الحلوه السنعه المرحه لو عمرها ٥٠

ما عليكم من خرابيط بعض الحريم المعقدات الخايسات اللي حطوا بمجتمعنا افكار و عقد نفسيه احنا في غنى عنها


جميلات تركيا اللي شبابنا ميتين على ترابهم ما تزوجوا الا بالثلاثينات

اصلا بعضهم يعتقدونةان عمر العشرينات عشان تعيشين حياتج ورافضات يتزوجون الا بالثلاثين عشان يعيشون صح


حبوبه


الثلاثين مثل ٣١ مثل ٣٥ مثل ٢٥ هذي اعمار و سنوات مو خط النهايه و موعد الاعدام


عسى الله يرزقج بهذاااك الشااب السنع الملتزم اللي يقول للقمر قوم و انا اقعد مكانك

 

[foshia girl]

^
^
^

مع اللي فوقي 100%

 

[M!SS.LOBY]

اهم شئ التوفيق من الله سبحانه

العمر ما يتحكم

 

[dalo0oa121]

حبيت كلامكم لأني صرت أخاف من هالمرحله لووول وأنا أضم يدي بيدكم

 

[عروس هاجرية]

صح كلامكم
بس الكبيرة فرص الزواج لها اقل

 

[! بــدويه وآآيــد !]

،


اعرفوحده تزوجت ٣٩ داشه الاربعين وماشاءالله خذت واحد مرتاحه معاه ومدلعها وبسنه وحده تسافر ٣ سفرات الله يزيدها ويرزقنا

فـ عادي واجد تزوجو ٢٠ وتمنوا انهم قعدو ببيت اهاليهم وواجد تزوجو كبار وعاشو حياتهم بالطول والعرض عند الاهل وتزوجو وارتاحو وبنوا اسره وخذت واحد يحبها العمر مو شي مهم

 

[جنون العاطفه]

احس مجرد رقم اهم شيء التوفيق

 

[bent_elnuor]

عزيزتي


انا تزوجت بعمر 33 والحمد لله

العمر مؤ مقياس للنجاح او الفشل ..التوفيق من الله

 

[بدون بس مغتربه]

انا اعرف المشكله من الحريم نفسهم هم اللي يحسون بنفص وخاصه اللي مو مهتمين بنفسهم واللي تعودوا على الكسل...

يعني تتمنى لو تزوجت من وقت وحملت على شان تتقوى على تربيه عيالها من وقت...

وفي شباب يستعلون المره ، يضل يعايرها انه وافق ياخذها وفي مليون وحده بالتعش يبونه...


يعني بانت التعش وبداية العشرينات هم السبب هم بس اللي يرضون يتزوجون من وقت مايهم اذا كانت واعيه او قد المسؤليه او لا...


انا عن نفسي تزوجت بسن ال 26 وكنت دايما اقول انا بتزوج بسن ال 25 وسبحان الله انا انخطبت من يوم ولادتي هههههههه تقليديه وايد...


المهم هذا الواقع على كل مره تعزز الثقه بنفسه وتحاول تحقق احلامها اللي ماحققتها قبل ولاتتكاسل عنها ترا بعد 20 سنه حق سن اليأس هههههههه لازم تعيشهم لاتيأس من الحين

 

[Mrym]

السلام عليكم ورحمة الله وبركاته

أم المؤمنين خديجة رضي الله عنها تزوجت خير البشر صلى الله عليه وسلم واهي عمرها 40 تقريبا على المشهور وأنجبت له

وأم المؤمنين سودة رضي الله عنها تزوجها عليه الصلاة والسلام وعمرها 50 سنة على المشهور

لا تيأسين من رحمة الله تعالى

بذلي الأسباب وتوكلي على من بيده ملكوت السماوات والأرض

وربج كريم سبحانه

 

[اميره1980]

انا تزوجن و عمري 30 سنة و الحمدلله ربي عطاني احسن انسان بالدنيا
بس الحمدلله على كل حال توفا الله يرحمه

 

[شــــــــــــــوقــــه]

السالفة نصيب مو سالفة عمر

 

[امـل لاينتهي]

احس عاادي

بس مجتمع الي عايشة فيه من الحين حسسوني اني عانس رغم ان عمري توه 24 سنة !!

لكن انا مايهمني كل ارائهم واحس ابي اعيش حياتي بلاقيود حاليا وكلما اقرا قصص المشاكل اتعقد زووود

يالله كل شي نصيب ولازم تعرفون ان كل شي خير لنا والحمدلله ع كل حال

 

[ندى البديع]

احس عادي ٣٠ ولو ٤٠ ماعندي مشكلة