سؤال : هل اترك الرياضة؟

[بدلية]

السلام عليكم بنات عندي سؤال

انا امارس الرياضة يوميا مثل الايروبكس وكلاسات البوكسينق والجري وغيرها من الامور

وانوي الحمل باذن الله

هل اترك الرياضة قبل الحمل؟؟ والا ما تضر؟

ساعات تييني حالات اخاف اروح النادي واطلع حامل وانا ما ادري:eh_s(2):

 

[زين ودلال]

انا برايي وقفي والله يرزقج ان شاء الله

 

[New_bride]

انا الشهر اللي حملت فيه كنت اسوي رياضه قويه واناقز
بس كنت الاحظ مع قرب موعد الدوره اتعب حيل ويقلب ويهي بنفسجي وماكنت اعرف اني حامل

اذا حملتي ان شاء الله لازم تغيرين طريقة الرياضه عالاقل اول ثلاث شهور تكون الرياضه خفيفه وفي كلاسات للحوامل
بس ابتعدي عن الرياضه اللي بالماي لانها مضره وفي اخر الحمل تنزل المشيمه

 

[بدلية]

مشكووورين ع الرد
بقزرها مشي شكلي��

 

[Lady_bird18]

مرحبا... اذا انتي متعوده عالرياضه أنا رايي انه تستمرين عليها.. أول حمل لي كنت امارس الرياضه وطاح البيبي يوم كنت حامل بكمن اسبوع وولا كنت داريه عن عمري... وكنت الوم نفسي ووقفت رياضه يمكن 6 شهور .. وولا حملت... وعقب مليت ورديت للرياضه... وعقب 3 سنين من آخر حمل لي ... طلعت اني حامل.. وكانت رياضتي اقسى عن يوم أول مره كنت حامل فيها... ما تتخيلين شو كنت اسوي... أوقف على ايدي... واسوي وضعيات يوغا تطلب اني اشل جسمي كامل بس بايدي... وغير تمارين بطن وووووو ... وكنت مرات اسوي هالرياضات القاسيه وانا صايمه.. وكل هذا وانا ما ادري اني حامل!!وبالصدفه حللت... ماكنت شاكه اني حامل... عشان كنت ابا تقشير كيميائي والدكتورة قالت احسن ما تكونين حامل... وانا كنت بس عشان ابا اسوي التقشير سويت التحليل وطلعت حامل!!!! والحمدلله مستقر الحمل... بس حزتها لازم توقفين اول 3 شهور من الحمل...
أنا عندي شهادة في انه اكون مدربة يوغا للحوامل... وما ننصح اول 3 شهور من الحمل الوحده تسوي يوغا... ومن عقب اول 3 شهور الوحده تبدا يوغا الحوامل

وجهة نظري... استمري عالرياضه لانه سبحان الله يمكن ربنا ما يكبلج الحمل بسرعه.. وبتيلسين تحاتين... وبتكونين موقفه شي تحبينه... انا الست شهور اللي وقفت فيها رياضه .. ندمت عليها الصراحه... لانه مخي كان بس حمل ثم حمل ثم حمل... وكانت نفسيتي متأثرة اني موقف رياضه.. وهالشي انا واااااايد أحبه

في النهاية القرار لج... وممكن تستشيرين دكتورتج​