سؤال مهم عن غياب المعلمات

[اريج الجوري]

السلام عليكم ورحمة الله وبركاته

معلماتي العزيزات ,,,

سؤالي عن حساب الغياب للمعلمات ,,,

هل يكون الحساب للسنه الدراسيه يعني من شهر 9 لي شهر 6 ؟؟؟

او من شهر 1 لي شهر 12 ,,,

ابي اعرف لأن مثل منتوا عارفين ان اللي غيابها اكثر من 15 يوم ماتاخذ امتياز ,,,

يعني الغياب على سنه دراسيه ’’ الكورس الاول والثاني ’’

او سنه ميلاديه كامله ,,,

وهل العرضي يدخل بحسبة ال15 يوم ,,,

ومشكورين وجزاكم الله كل خير ...

 

[أثير88]

العرضي أعرف أنه يومين الكورس الاول
ويومين الكورس الثاني وما يصير تأخذين عرضي (أحد وخميس) ممنوع في أغلب
الادارات المدرسية والغياب أتوقع للمعلمة
15 يوووم على طوول السنة
وتاكدي ،،،شكــرا

 

[جيتك تعال]

حبيبتي ... الغياب يحسب من شهر يناير ... لغاية 31 \12

15 يوم اذا كان من مستوصف ... لو زدتي عنهم ... ما تاخذين امتياز مرتفع " مال اعمال ممتازة "

اما مرضيات المستشفى الي يسجلك فيها دخول من يوم كذاا ليوم كذااا .. فهذي لك 30 يوم فوقها ما تاخذين امتياز

العرضي لك 4 ايام بواقع يومين في كل كورس ... وما فيه قراار يمنع العرضي يوم الخميس والاحد

يعني بكييفك تاخذيينه " بس بعض الادارات تقوول انه ممنوع " لا مو ممنوع ولا فيه اى قراار يمنع

والعرضي لا يدخل ضمن الـ 15 يوم مثال

لو غايبة 15 يوم مرضي + 4 اياام عرضي + انشطة وفعاليات = امتياز مرتفع

اما فوق هذا مافي امتياز مرتفع

 

[أبلة مس]

آنا عندي سؤال إذا ممكن .. هل تنحسب الإجازة الخاصة من ضمن أيام الغياب أو لا ؟

 

[PuPa^^SWeeT]

اذا خذييتي اجازة خاصة خلاص يروح الامتياز المرتفع



جيتك تعال ماراح ازييد عليج شي ماشالله كفيتي و وفيتي

 

[أبلة مس]

بوبا سويت .. ليش أنحرم من الامتياز إذا الإجازة الخاصة أقل من عشر أيام .. و ما عندي غياب مرضي ؟؟

 

[ضايعه بالطوشه]

السلام عليكم

حبيبتي بغيت اوضح شي مهم

اذا قصدج الغياب علشان خصم المعاش فهو يبتدي اول شهر يناير الى اخر شهر ديسمبر

بس اذا قصدج غياب التقرير غير ينحسب من اول يوم دوام الى هو اعتقد ٢٠١٠/٩/١٣
الى يوم ما ينحط التقرير عند الناظر يعني لنهاية شهر خمسه او اول سته على حسب ما اطرش الناظرة تقاريرها المنطقة

حبيت اوضح هالشي لانه في ابلات وايد يخلطون بين النوعين من الغياب
والحين احنا في فترة التقارير وانا رئيسه قسم و اطلبت منها ناظرتنا نحصر غياب اقسامنا بهالطريقة

 

[ليان]

الكل ما قصر​

 

[جيتك تعال]

الاجازة الخاصة تحسب من ضمن الغياب لو انتي ما تجاوزتي الـ 15 يوم

تسلمين يا احلى سويت

 

[اريج الجوري]

مشكورين يا ابلات على الردود ...

 

[اريج الجوري]

السلام عليكم

حبيبتي بغيت اوضح شي مهم

اذا قصدج الغياب علشان خصم المعاش فهو يبتدي اول شهر يناير الى اخر شهر ديسمبر

بس اذا قصدج غياب التقرير غير ينحسب من اول يوم دوام الى هو اعتقد ٢٠١٠/٩/١٣
الى يوم ما ينحط التقرير عند الناظر يعني لنهاية شهر خمسه او اول سته على حسب ما اطرش الناظرة تقاريرها المنطقة

حبيت اوضح هالشي لانه في ابلات وايد يخلطون بين النوعين من الغياب
والحين احنا في فترة التقارير وانا رئيسه قسم و اطلبت منها ناظرتنا نحصر غياب اقسامنا بهالطريقة

مشكووووره ورحم الله والديج ,,,

هذه الجواب اللي ابيه بالضبط ,,,

جزاج الله كل خير ...

:eh_s(7):

 

[كويتيه وافتتخر]

شكرا لكم حتى انا كنت ابي اسأل بعد عن الغياب ؟؟

 

[الانوثه]

اكره التربيه تجنيييييييييييييييييييييييييييييييييييييييييييد وع

 

[قمر الكويتية]

ما شاء الله البنات كفو و وفو

الغياب إلي ينحط التقدير عليه هو غياب سنة دراسية و ليست ميلادية

 

[james546613]

وحتى لوتجاوزت ال15 يوم ممكن تاخذين امتياز بس مو مرتفع مثل 94 الي ياخذون علية اعمال ممتازة

 

[اريج الجوري]

صح انا الوكيله قالتلي ان الناظره ممكن تعطي امتياز حتى لو تجاوز

الغياب 15 يوم ,,,

على حسب نظرتها للامور ,,,

يعني بالعربي الفصيح ’’ على مزاجها ’’