سؤال مهم الفزعه يا فنانات المنتدى

[جسور]

اهلين بالجميع بس عندي سؤال ابغاكم تجاوبوني عليه

قاعدة البسكوت حق التشيز كيك اذا سويتها حلوه بس تكون

قاسسسسسسسسسسسسسسسسسسسسيه شوي ولا تطلع بسهوله

مع ان الخلطه الي فوق تطلع رهيبه ؟.؟

واسمحوا لي بعد <قشطة الخفق ,كريمة الخفق > وش الفرق بينها​

 

[bnt q8 in usa]

مشاركة: سؤال مهم الفزعه يا فنانات المنتدى

تطلع معاج قاسيه
قللي من الزبده وحطي معاه شويه ماي

واضن انه مافي فرق بين قشطة والكريمه

 

[السفيرة عزيزة]

مشاركة: سؤال مهم الفزعه يا فنانات المنتدى

صح حبوبه

قللي من الزبده شوي

اما كريمه الخفق و قشطه الخفق ترى سيم سيم

يعني نفس الشي

 

[جسور]

مشاركة: سؤال مهم الفزعه يا فنانات المنتدى

السفيرة عزيزة والاخت bnt q8 in usa مشكورين على الرد

​

 

[جارة القمر]

مشاركة: سؤال مهم الفزعه يا فنانات المنتدى

جسور
ماشاء الله البنات ما قصروا

 

[آخر ذكرياتي]

مشاركة: سؤال مهم الفزعه يا فنانات المنتدى

هلا فيج أخت جسور

انا كنت اعاني من نفس المشكلة

لكن عرفت طريقة من طباخة كانت تطلع على البحرين برمضان السنة اللي فاتت نفعتني وايد

انا كنت قبل اعجن البسكوت وافرده بالقالب وادخله الثلاجة ويصير يابس وصعب ينقطع واذا مادخلته الثلاجة يتفتت

قالوا لي حطي معاه قشطة تلينه حطيت ومافيه فايدة

الحل هو ياطويلة العمر

ان بعد ماتعجنين البسكوت مع الزبدة تحطين معاه ملعقة او ملعتقين قشطة وتفردينه بقالب التشيز كيك وتدخلينه الفرن 10 دقايق بس

وبعد ماتطلعينه تحطين عليه الخلطة اللي تعجبج

وبالعافية