سؤال من زمان على بالي .... ممكن تشاركون وتجاوبوني ؟

[جِراحُ الغَرام]

شلونكم يا حلوين ؟
شخباركم ؟


من زمان وهالسؤال ابي اعرف جوابه بس ماقدرت اسأل مباشره


قبل لا اتزوج سمعت عن وحده من اهلنا انها تشتري قميص النوم تلبسه مره وحده وخلاص تقطه ... وكان هالشي محل انتقاد الكل ...
بعد الزواج ....

حماتي كانت توريني جم قميص نوم او بجامات شاريتها وكانوا وااايد .. قلت لها متى يمديج تلبسينهم ؟
فجاوبت انها تلبسه مره وحده وبس ...
وحتى يوم راحت معاي السوق عجبني قميص نوم اهي شافت سعره انه قريب العشرين تقول لي ويييي غالي ما اشتري غالي


انزين ...
شنو الحكمه من ان تشترين قميص وتلبسينه مره وحده وبس ؟
مادري قولوا لقافه بس مادري ابي افهم بس طريقة تفكير الناس اللي مو مثلي ... وبس سلامتكم وعسى ما اكون ثقلت عليكم :eh_s(17):

 

[Tom ♥ Jerry]

.



لا عآد شدعوه مره وحده و اقطه !
أوكي مآ آكرره بنفس الشهر غيري بالقمصان بعدين ردي لبسيه
عبالكمـ الرياييل يلاحظون ترا و الله مآ يدرون لوول

 

[wedifeek]

عشرين غالي على قميص

هذي تلاقينها تشتري من بودينار ونص اللي على الشوارع

عشان جذي قمصاانه وايد

والله انا اشتري الغالي والرخيص واكرر لبسهم عادي ومرات زوجي يقول هذا جديد

والله مايحسوون واقوله اي جديد

لاعادي حبيبتي اشتري بالمعقوول وكرريهم بس مو او شهور عرسج

كرريهم يعني بعد 3 اشهر على ما الرجال ينساااهم

والعروس اهم شي عندها الملابس الداخليه القمصان والبيجايم والملابس القصيره لبيتج بس

والله يوفقج يارب

ولا تزعلين من كلااامي

 

[فوفو الدلوعه]

ليش مرة وحدة حرام
لبسية بس بعد فترة بعيد
والرجال عموما مايلاحظوا
موووووووووفقه

 

[um khaled]

بصراحه انا مو موظفه ولا فلوسي زايده
لكن نادرا ما البس قميص النوم مرتين والا انطر سنتين والا ثلاث وارجع البسهم
انطره ينساهم
ليش ما ادري
بس حلو التغيير بسوالف قميص النوم

 

[غيمه ظميانه]

اي والله شدعوه

عادي لبسيه مره ومرتين شفيها خاصه ان كان جوده وسعره فيه وشكله حلو

لان ساعات الرجال يتذكر القميص ويقول ردي لبسي القميص اللي لونه جذي وجذي


بس صج ساعات تشترين قميص تلبسينه مره وتكرهينه ماادري ليه هههههههههههههههههه

يعني على حسب قبولج وقبول زوجج للقميص

 

[جِراحُ الغَرام]

.



لا عآد شدعوه مره وحده و اقطه !
أوكي مآ آكرره بنفس الشهر غيري بالقمصان بعدين ردي لبسيه
عبالكمـ الرياييل يلاحظون ترا و الله مآ يدرون لوول


:d

هههههه على قولتج مو كل مره يلاحظون الا اذا كان شي روعه ...
انا ما اكرر بنفس الشهر بس لما اشتري الشي اكون حريصه ان يكون حلو وسعره معقول
عشان ما اتحسف لأني ماراح اقطه الا اذا اخترب وتقطع
بس مع ذلك ترى ساعات يطلع ذوق الزوج اغرب من الغرابه وتحياتي يا قلبي

 

[جِراحُ الغَرام]

عشرين غالي على قميص

هذي تلاقينها تشتري من بودينار ونص اللي على الشوارع

عشان جذي قمصاانه وايد

والله انا اشتري الغالي والرخيص واكرر لبسهم عادي ومرات زوجي يقول هذا جديد

والله مايحسوون واقوله اي جديد

لاعادي حبيبتي اشتري بالمعقوول وكرريهم بس مو او شهور عرسج

كرريهم يعني بعد 3 اشهر على ما الرجال ينساااهم

والعروس اهم شي عندها الملابس الداخليه القمصان والبيجايم والملابس القصيره لبيتج بس

والله يوفقج يارب

ولا تزعلين من كلااامي

حياج ياقلبي وكلامح مافيه شي يزعل
بس حبيت اقولج انها تشتري قمصانها على 10 وساعات تشتري من اويشو وومن سيكريت
يعنيه هم تقط ... وبالنسبه لقمصان النوم احب انوع يعني شريت من الجميع وشريت من اماكن اغلى وجذي تنويع
وانا ترى بكمل 7 سنوات متزوجه ..... هههههههه حاسه اني عيوووووووز
وربي يوفقج حياتي

 

[ام شووووق]

رد : سؤال من زمان على بالي .... ممكن تشاركون وتجاوبوني ؟

اي وانا اعرف وحده تسوي نفس الشي

 

[ELFAD3Ah]

رد : سؤال من زمان على بالي .... ممكن تشاركون وتجاوبوني ؟

يمكن من باب التجديد

 

[جِراحُ الغَرام]

ليش مرة وحدة حرام
لبسية بس بعد فترة بعيد
والرجال عموما مايلاحظوا
موووووووووفقه

والله هذا كان تفكيري
احس ان اذا ما طلعت روح اللبس ما اطلع قيمته
مثال بسيط قطعه صار لها عندي فوق العشر سنوات وكل وحده من خواتي تنخطب كانت تلبسها ( بلوزه طلعه )
وازواجهم يمدحون هالبلوزه
وزوجي مادرى عنها الا بعد زواجنا بجم سنه ويوم مدحها يقول هذي متى شريتيها ما اذكر انج استشرتيني فيها وانا اضحك
وعلى فكره صح كلامج نادرا ما يثبتون
وربي يوفقج حبوبه

 

[sweet december]

رد : سؤال من زمان على بالي .... ممكن تشاركون وتجاوبوني ؟

ريلي ما يحب القمصان كلش

لبسي كله بجامات وشورتات ودراريع القصيره الي اتييج قطن وحفر

وماعندي الا جم قميص بس عشان لا انسى اني متزوجه لوووووووول

 

[جِراحُ الغَرام]

بصراحه انا مو موظفه ولا فلوسي زايده
لكن نادرا ما البس قميص النوم مرتين والا انطر سنتين والا ثلاث وارجع البسهم
انطره ينساهم
ليش ما ادري
بس حلو التغيير بسوالف قميص النوم

والله حبيبتي هذي حالنا بداية زواجنا خصوصا اذا تزوجنا واحنا ندرس
بس ربي رحمني ان تخصصي نادر فبين فتره والثانيه اشتري قطعه يديده
انا معاج حلو التغيير بس مو لدرجة اني البسه مره وحده
مادري احس اسراف ..
وعشان جذي حطيت الموضوع بين اني بشوف رايكم بالموضوع وبين اذا في وحده جذي تبين وجهة نظرها لأني ابي افهم
وتسلمين ياقلبي

 

[صباح الليل]

شدعوه عليها مره وحده بس وتقطه
اصلا الريال ينسى بسرعه
يعني عادي كرري بس من فتره بعيده عن الثانيه
وبس

 

[جِراحُ الغَرام]

اي والله شدعوه

عادي لبسيه مره ومرتين شفيها خاصه ان كان جوده وسعره فيه وشكله حلو

لان ساعات الرجال يتذكر القميص ويقول ردي لبسي القميص اللي لونه جذي وجذي


بس صج ساعات تشترين قميص تلبسينه مره وتكرهينه ماادري ليه هههههههههههههههههه

يعني على حسب قبولج وقبول زوجج للقميص

مو هذا اللي ابي افهمه شنو السر ؟
وصج يعني الزوج اذا اذا عجبه شي ممكن يتذكره ويقول لبسي ذاك القميص
ههههههههه كلنا مارين بهالموقف
بس اخر قميص كرهته وقطيته مو منه مسكين لأني كرهت اللي اهدتني اياه
وحياج يا قلبي

 

[اشتياق]

انا علبالي جذي قبل
اقول امبيه انا الحين بشتري جم قميص؟؟اذا كل واحد على لبسه؟
وبعدين مع الزواج والايام وجذي اكتشفت لا ان القميص عادي يتكرر
والزوج مايلاحظ
عيل خل اقولج
بنوتي تلعب بدراجتها اسم الله عليها
تتعبث جان تقوم وتخمط درج القمصان وتنثرهم
وابوها يقول اي هالقمصان مادري شحقه؟؟؟؟؟؟؟؟؟؟؟
حق الكبت شاريتهم ويحلف ان ولا مره شافهم علي!!!!!!!!!!!!
والقمصان اللي طلعتهم بنتي اقل واحد فيهم لابسته مرتين لوووووووووووووووووووووووووووووول
يعني كرر بس بعد فتره

 

[aldanaha]

رد : سؤال من زمان على بالي .... ممكن تشاركون وتجاوبوني ؟

والله اشتري غالي والبسه كذا مره
والله مايلاحظ جنه اول مره يشوفه
شدعوه يدري

 

[جِراحُ الغَرام]

رد: رد : سؤال من زمان على بالي .... ممكن تشاركون وتجاوبوني ؟

اي وانا اعرف وحده تسوي نفس الشي

حبيبتي
انا اعرف ثنتين بس ماتجرأت اسألهم
الاولى لأن سمعت عنها قبل لا اتزوج فما عطيت الموضوع اهميه
الثانيه ما حبيت اسألها لأأني ما احب اتدخل بالناس
فقلت اسأل خواتي الحلوات هني يمكن يقولون لي رايهم
وبس
وتسلمين على المرور حياتي

 

[جِراحُ الغَرام]

رد: رد : سؤال من زمان على بالي .... ممكن تشاركون وتجاوبوني ؟

يمكن من باب التجديد

اممممممم
والله يمكن ما يندرى
ومشكوره حبيبتي على مشاركتج

 

[KOKO_284I]

رد : سؤال من زمان على بالي .... ممكن تشاركون وتجاوبوني ؟

انا البس اكثر من مره عادي عندي