سؤال ماعليكم امر

[Om boosha]

السلام عليكم
بنات انا بالشهر السابع وهالايام صايره اتعب من آكل حييل
التنفس عندي يصير سريع واحس مختنقه
وجتفي وايدي الثنتين يتخدرون
احس اني بطيح
كل ما اكل جذي يصير
هل هذا شي طبيعي ولا اروح اراجع؟؟

 

[غارقة بأحزانها]

روحي راجعي حبيبتي
لايكون فيج سكر حمل اسم الله عليج
لاتسكتين راجعي باقرب وقت

 

[رنيم الروح]

راجعي حبيبتي لا تنتظرين

 

[A-b-c-]

لا روحي راجعي ترا نقص الاوكسجين للام مو زين يضر الجنين روحي فحصي وممكن يكون سكر حمل

 

[*^* ام ريان *^*]

السلام عليكم ... اختي بعد مثلج اتعب عقب ما اكل واحس اخدر وجبدي تعورني ��...بس احس عادي مافكرت اروح الطيب....
بليززز طمنينا عليج

 

[أبكاني ذنبي]

انا ياتني بس مو كل اعراضج

وقالوا لي فيني سكر حمل


روحي راجعي لا تسكتين

 

[Om boosha]

خرعتوني والله
بروح ان شالله باجر اذا قدرت
انا عبالي من ثقل الحمال جذي يصير
وانا ماسويت تحليل سكر

ماقصرتوا بنات مشكورين

 

[ديانا سبنسر]

ان شاءالله

 

[ام فوااز]

راجعي حبيبتي لاتخلين عمرج

 

[ربيع_الروح]

راجعي حبيبتي

الحامل لازم ما تستهين بأي شي غريب يصير فيها

حتى لو بسيط

 

[Laymo0ona]

راجعي احسن وطمنينا عليج