سؤال لمعلمات ريــــاض الاطفــــال ؟؟!!

[جبــرني اتركــه]

الســـــــــلام عليـــكم ورحمــه الله وبركاااته


...

شلونكم يا ابلات شخباركم ؟!!











انا

محتــــاااارة!!

بنااات انا عندي سؤال صغيرووون اتمنى تجاوبوني عليــه

انا بتخصص رياض اطفال .. لا سمح الله لاعت جبدي منه عقب ما اشتغلت واذا حسيت اني ماني قادرة اكمل فيـــه

يصير احول .. مكان ثاني يعني علم نفس او اجتماعيات او اي شي من هالموااااد ؟؟!! :eh_s(1):

ولا لا؟؟!! وانا بكلية التربية جامعة الكويييت

بنااات تكفوون فيدووني


اللـــه يوفقها دنيا واخرة اللي تساعدني .. :eh_s(6)::eh_s(6)::ggdw::ggdw:

 

[أورااااااد]

هلا جبرني

حياج بتخصص رياض الاطفال ولـــــــــــــــــــــــكن من تشتغلين فيه مالج مكان ثاني

التربية وبس

يعني صعبة انج تحولين شي ثاني هذا اللي اعرفه وان شاء الله يفيدونج البنات

 

[^ليلاس^]

انا مع اوراد

صعبه

 

[جبــرني اتركــه]

يعني مايصير اتخصص علم نفس ؟!

 

[الـمـــــاااااس]

اي والله بناااات عفيااا فيدوونااا اذا بحول عن رياض الاطفال يصير ادرس متوسط ولا لأ؟؟!!:eh_s(1):

 

[جبــرني اتركــه]

افااا وينكم يا ابلااات ؟

معقوولة محد يعرف ؟؟

 

[جبــرني اتركــه]

جزااااااهااا الله الـــف خيــر اللي درت وتوفقها ياااارب:yaaaaaarb:

 

[جبــرني اتركــه]

*ردت << تصحيح

 

[Miss M]

هههه هذا سؤالي انا بعد

 

[زمن الود]

اذا تخصصتي رياض اطفال بعد 10 سنوات خدمه اتحولين هذا لي قالوه لان موضي الحمود ما تبي اتفرط بالمدرسات خخخخخخخخخخخخخخخخخخخخخخخخخخخخ

 

[its me againe]

هلا جبرني
بصراحه اذا انتي مو حابه رياض اطفال وحابه تغيرين تخصصج وانتي بالجامعه غيري احسن طالما انتي بالبر لأنج اذا تخرجتي وداومتي صعب تغيرين حتى لو بغيتي اداريه مايصير . اما اذا انتي بالسنه النهائية بالجامعه وماكو فايده عيل جربي بالتربية العمليه شلون الدوام وانتي بعدها حكمي اذا تقدرين تكملين بهالدوام ولا لأ .واذا ما عجبج الوضع بالتربية العملية لا تتوظفين بالتربية ودوري اي مكان ثاني بأي وزارة عشان انا سمعت انج اذا سويتي مباشرة عمل بالروضة بعد التخرج مستحيل تطلعين منها وبالتوفيق

 

[.:غربة مشاعر:.]

هاااااي جبرني انا بحاول اساعدج بقص لج قصة ابله كانت تدرسنا بالثانوي الله يذكرها بالخير ...
كان ياماكان في قديم الزمان ايام الثانوي في السنه الاخيره لي كانت في ابلة علم نفس يديده عندنا وكانت بيوم من الايام واقفه علينا بالاحتياط وطبعا المعروووف عن بنات الثانوي اللقافه وطق السوالف مع الابلات وتسحب الحجي .. المهم سألتها وحده من البنات قالت لها انتي من متى تدرسين علم نفس قالت هذي اول سنه ادرس فيها علم نفس استغربنا واهيه ام عيال وكبيره قلنا شلووون قالت كنت مدرسة روضه وكملت دراسات عليا واخذت شهاده بعلم النفس ... وصرت مدرسة علم نفففففففففففففففففففففففففففس وتوته توته خلصت الحتوووته

 

[noosa]

نصيييييييييييييييييحه طلعي من الرياض انا توهقت فيييه والحين قاعده اشووفلي واسطه ابي اطلع من هالمجتمع اللي ماله اول ولا تالي نصيحه حولي اي تخصص بس رياض لااااااااااااااااااااااااااااااااااااااااااااااااااااااااااااااااااااااااااااااا

 

[Mramy]

يا ويلتي ويلتاااه انا اخر سنه لي بالجامعه وداشه رياض اطفال وين اروح وين اولي مابي التدريييس مااااابيه

 

[رومنطقيه]

نصيحه لوجه الله أطلعي من الرياض بالمره
صدقيني اذا أستمريتي راح تحسين انك على طول بامتحان ومحاتاه حتى لو لك خبره 20 سنه بالروضه
طلعي من هالتخصص