***سؤال لمحترفات الكروشيه***

[princesse X]

علشان نتعرف على بعض اكثر

متى تعلمتي الكروشيه وصار لج كم سنة تشتغلينه؟
كم العدد التقريبي للقطع اللي انجزتيها؟
كم عدد الاشخاص اللي علمتيهم وكم حدود اعمارهم؟

 

[ام عزيزان]

الحمدالله انا تعلمت الكروشيه من ثلاث سنوات تقريبا ويمكن اكثر من منتدى عزيز علي ... ومن خلال بحثي الدائم في المواقع الاجنبيه لكل ماهو جديد ويخص الكروشيه ...

وانجزت شغلات كثيييييييره مثل القبعات والصديريات والشالات والبلوزات لي وحق بناتي

والحمدالله سويت دورات في كذا منتدى ومن خلالها علمت كثير بنات وتابعتهم

والفال لكم

ومشكوره على فكرة الموضوع الحلوه من خلالها راح نتعرف على بعض اكثر واتعرف على الخبيرات والمبتدئات

 

[أم هـجـرس]

هلا فيج حبيبتي princesse X

انا صارلي اشتغل بالكورشيه تقريبا سنه ونص

علمت اربع بنات اعمارهم من 20 الى 25 بس طبعا بحدود العايله

عدد القطع ممممممممممممم ماينعدون لاني كنت اشتغل قطع صغيره لعمل باندات
اما الشغلات الكبيره يمكن تنعد لو تذكرت نو الشغلات الي سويتها لان في شغلات وايد انباعت ههههههههههههه

 

[الفضه]

علشان نتعرف على بعض اكثر

متى تعلمتي الكروشيه وصار لج كم سنة تشتغلينه؟
كم العدد التقريبي للقطع اللي انجزتيها؟
كم عدد الاشخاص اللي علمتيهم وكم حدود اعمارهم؟

#بديت من 3 متوسط دوره بركات يمكن اول دوره كانت الحين انا 3 جامعه يعني عليكم الحساب
#مادري مو عادتهم بس احس الي سويته شويه بالنسبه حق عدد السنين يمكن لاني اقطع p; مشاغل الدنيا وايد
# ما علمت احد الي دار مداري مو اهتمامتهم كروشيه

 

[princesse X]

مشكوربن على الردود وشغل ام عزيزان وام هجرس وايد حلو ما شاء الله بس ما أتكر اني شفت شغل الفضة

انا ابتديت كروشيه من............ ولا احسن ما أقول لاتقولون عني عجوز

ابتديت من 1972 وعليكم الحساب
طبعا سويت وايد اشياء بس قبل ما كنا نهتم بان نصور شغلنا

بدأ شغلي يقل مع الشغل و العيال بس رديت اشتعل وايد من تقريبا 1991
ماأقدر أعد اللي علمتهم بس أصغر واحدة كانت 5 سنين واكبر واحدة فوق السبعين
كنت متطوعة في فترة حوالي سنة في مدرسة اعلم الكروشبة لاربع بنات داون وما كملت بعدها بسبب السفر
في السبعينات كانت المواد متوفرة ورخيصة مو مثل الحين الشغل يكلف مواد 3 اضعاف اجاهز من غير ما نحسب الوقت

 

[أم هـجـرس]

ماشاءالله وانا اقول ياربي هالعضوه حيل ركااااااااااااااااده غير عن باجي العضوات

يعطيج الف صحه حبيبتي

وي نسينا نرحب في الاخت فضه

ماشاءالله بنات الكورشيه طلعووووووووووووووووووووووو

عاد يالله خل نتشرط نبي قسم حقنا بروحنا هههههههههههههه

 

[miss-fofo]

والله ام هجرس انا كله اقول ليش ما يخلون لنا قسم بروحنا

يالله خل نسوي تصويت شرايكم

 

[ㄨعلويه ㄨ]

اي والله وناسه لو يسون لنا قسم
وانا معكم خل نسوي تصويت

 

[q8iaSaMrA]

وانا معاكم

انا صارلي تقريبا من 12 سنه متعلمته بس صارلي تقريبا 3 سنوات اللي بديت اشتغل فيه صح واسوي شالات وبروشات وشغلات ثانيه وابيعهم واكثر شي اسوي بالتريكو

تحياتي

 

[اخت الغالي الغائب]

مشكوربن على الردود وشغل ام عزيزان وام هجرس وايد حلو ما شاء الله بس ما أتكر اني شفت شغل الفضة

انا ابتديت كروشيه من............ ولا احسن ما أقول لاتقولون عني عجوز

ابتديت من 1972 وعليكم الحساب
طبعا سويت وايد اشياء بس قبل ما كنا نهتم بان نصور شغلنا

بدأ شغلي يقل مع الشغل و العيال بس رديت اشتعل وايد من تقريبا 1991
ماأقدر أعد اللي علمتهم بس أصغر واحدة كانت 5 سنين واكبر واحدة فوق السبعين
كنت متطوعة في فترة حوالي سنة في مدرسة اعلم الكروشبة لاربع بنات داون وما كملت بعدها بسبب السفر
في السبعينات كانت المواد متوفرة ورخيصة مو مثل الحين الشغل يكلف مواد 3 اضعاف اجاهز من غير ما نحسب الوقت

ماشاءالله عليج اكيد خبره

 

[miss-fofo]

علشان نتعرف على بعض اكثر

متى تعلمتي الكروشيه وصار لج كم سنة تشتغلينه؟
كم العدد التقريبي للقطع اللي انجزتيها؟
كم عدد الاشخاص اللي علمتيهم وكم حدود اعمارهم؟

من 11 سنه

وييييييييي شذكرني اشياء بعتها واشياء موجوده محتفظه فيها واشياء ضاعت


يوم كنت اسوي دوره تقريبا 13 بنت تحت العشرين يعني 15 17 والحين اعلم بنت خالي بس كبيره بالاربيعينات متزوجه

وهم بنات خالي وخواتي واي احد يبيني اعلمه انا حاضره اذا ريلي رضه اسوي دوره عندي راح اشركم كككككلكم


عشان وناسه كلنه نقعد مع بعض ونتعرف على بعض ونخيط مع بعض نفس طريقه البنانيات

 

[دلوعة روحي]

مشكوربن على الردود وشغل ام عزيزان وام هجرس وايد حلو ما شاء الله بس ما أتكر اني شفت شغل الفضة

انا ابتديت كروشيه من............ ولا احسن ما أقول لاتقولون عني عجوز

ابتديت من 1972 وعليكم الحساب
طبعا سويت وايد اشياء بس قبل ما كنا نهتم بان نصور شغلنا

بدأ شغلي يقل مع الشغل و العيال بس رديت اشتعل وايد من تقريبا 1991
ماأقدر أعد اللي علمتهم بس أصغر واحدة كانت 5 سنين واكبر واحدة فوق السبعين
كنت متطوعة في فترة حوالي سنة في مدرسة اعلم الكروشبة لاربع بنات داون وما كملت بعدها بسبب السفر
في السبعينات كانت المواد متوفرة ورخيصة مو مثل الحين الشغل يكلف مواد 3 اضعاف اجاهز من غير ما نحسب الوقت

الله يعطيج الصحة وة العافية

انا اشهد انج خبرة ماشاءا لله

اسنحيلي مس الصراحة انا انتظر مواضيعج على طول اجيك اذا لج موضوع يديد

:eh_s(17):

الله الشاهد شكر ادعيلج علمتيني الشي اللي كنت اتمنى اتعلمه

ما انسى فضل علوية بعد :eh_s(17):

 

[princesse X]

الله يعطيج الصحة وة العافية

انا اشهد انج خبرة ماشاءا لله

اسنحيلي مس الصراحة انا انتظر مواضيعج على طول اجيك اذا لج موضوع يديد

:eh_s(17):

الله الشاهد شكر ادعيلج علمتيني الشي اللي كنت اتمنى اتعلمه

ما انسى فضل علوية بعد :eh_s(17):

جزاك الله خير، انتي اللي تلميذة نجيبة

 

[دلوعة روحي]

يا بعد جبدي يا مس

 

[الهاجريه]

السلام عليكم خواتي فنانات الكروشيه
انا تعلمت السلسه والدبله من كان عمري 15 سنه بس ما كنت اعرف اشكل واسوي اشياء
بس بديت بالفعل من اشتركت بالمنتدي وطبعا الفضل للمعلمات الفاضلات
وعن جم قطعه سويت ما ادري لاني اسوي واوزع حق الي احبهم وما احب اني ابيع شغلي
واتمني اعرف اكثر لاني بصراحه وايد ارتاح لما ابدي اشتغل كروشيه ولما اخلص اكون فرحانه
ومنو علمت ما علمت الي بنتي الي عمرها 13 شويه لان ما عندها وقت
وشكرا حق كل وحده من خواتي الي بالمنتدي وعلمتني وساعدتني

 

[omreem]

أنا أول مرة أشارك في مواضيع المنتدى و أنا الصراحة سجلت بالمنتدى لأنه بنات قالولي إنه في وايد بنات يشتغلون بالكروشيه فيه
و أنا تعلمت من سنتين تقريبا تعلمت بروحي من النت من كل موقع شوية و لما تعلمت على البترونات شريت كتلوجات من بركات إلى فيها غرز و ورد
وسويت وايد أشياء مثل كفرات تلفونات و قبعات وشالات و جناط صغيرة حق بناتي بس للأسف ما احتفظت ولا صورت شي شي وزعته و شي بعته
و علمت بنتين من بنات عمي وحدة عمرها 25 و وحده 27
وما عندي حاليا شي اراويكم إياه غير عنكبوته صغيرة طولها صبع تقريبا و جم عباية وطرف ملفع امسويتهم حقي

 

[princesse X]

أنا أول مرة أشارك في مواضيع المنتدى و أنا الصراحة سجلت بالمنتدى لأنه بنات قالولي إنه في وايد بنات يشتغلون بالكروشيه فيه
و أنا تعلمت من سنتين تقريبا تعلمت بروحي من النت من كل موقع شوية و لما تعلمت على البترونات شريت كتلوجات من بركات إلى فيها غرز و ورد
وسويت وايد أشياء مثل كفرات تلفونات و قبعات وشالات و جناط صغيرة حق بناتي بس للأسف ما احتفظت ولا صورت شي شي وزعته و شي بعته
و علمت بنتين من بنات عمي وحدة عمرها 25 و وحده 27
وما عندي حاليا شي اراويكم إياه غير عنكبوته صغيرة طولها صبع تقريبا و جم عباية وطرف ملفع امسويتهم حقي
مشاهدة المرفق 35900

مشاهدة المرفق 35901

مشاهدة المرفق 35902

حياج الله معانا ،شغلج وايد مرتب ما شاء الله

 

[omreem]

الله يحييج و مشكورة

 

[mrs_sugar]

ممكن تقبلوني معاكم ؟

انا بديت اتعلم الكوشيه من 2005

تعلمت من النت

يعني تعليم ذاتي

القعع اللي سويتها وايد والله مو عادتهم بس عدد مو قليل

سويت شالات و كبابيس

بلزات و بروشات

جناط و جوارب و اطقم بيبيات و كل شي

علمت خواتي و بنتي و بنات خالتي و رفيجاتي بالدوام

اصغر وحدة علمتها كانت بنتي عمرها كان 6 سنوات

و اكبر وحدة عمرها كان 30

و دمتم سالمين

و على قولتهم مدمنين الكروشيه الأجانب :

Happy chrochetting

 

[princesse X]

ممكن تقبلوني معاكم ؟

انا بديت اتعلم الكوشيه من 2005

تعلمت من النت

يعني تعليم ذاتي

القعع اللي سويتها وايد والله مو عادتهم بس عدد مو قليل

سويت شالات و كبابيس

بلزات و بروشات

جناط و جوارب و اطقم بيبيات و كل شي

علمت خواتي و بنتي و بنات خالتي و رفيجاتي بالدوام

اصغر وحدة علمتها كانت بنتي عمرها كان 6 سنوات

و اكبر وحدة عمرها كان 30

و دمتم سالمين

و على قولتهم مدمنين الكروشيه الأجانب :

Happy chrochetting

حياج الله وhappy crocheting to you too