سؤال للي مسوين عملية تكبير الصدر ضروري

[^نواري^]

السلام عليكم يا اجمل بنوتات

حبيباتي انا ناوية اسوي عملية تكبيرالصدر باذن الله بس محتارة وين اسويها...
وابغي اسالكم عن عملية تكبير الصدر كم سؤال ..

1 - السؤال الاهم ابغي دكتورة ..
((عندنا بقطر كله دكاترة رجال وانا ابغي حرمة ))
ففكرت في الدكتورة الالمانية جي فولدهت برويال حياة !! بس هي زائرة واللي يحيرني شلون راح تكون مراجعاتي لها ..
فسؤالي لكم تنصحوني بهالدكتورة الزائرة ؟؟
ومتى احتاج المراجعات والزيارات اللي عقب العملية ؟؟

2- تنصحوني بالدكتورة عبير الكبيسي بالبحرين ؟ حد مجربها في تكبير الصدر ؟؟

3- وساعات افكر في دام اني مسافرة برا بلادي ليش ما اروح لبنان !! فبغيت اسالكم عزيزاتي اللي تعرف مستشفيات كبيرة وطبيـبه نسائية لعملية تكبير الصدر بلبنان
فبليز ارجوكم انصحوني بهااا ولا تبخلون علي بالرد ...


اتمنى انكم تردون علي ولو بكلمة طيب خاطر حتى لو على الخاص
ضروري والله محتاجة العملية ​

 

[--منوره--]

انا مانصحج اتسوين العمليه عند دكتور زائر يعني حتى المراجعه بتصير صعبه بعدين شي اقريب منج احسنلج وانشاء الله البنات اردون عليج

 

[Turquoiseya]

انا نفسج ودي اعرف شغل الدكتورة جي فولدهت
بس ابي اول شيء اتاكد من عملياتها بان اشوف صور مرضاها

اما عبير الكبيسي اسمع فيها مدح ماشالله بس ماشفت شي لعملياتها
واحلى شيء ان اللي يشتغلون معاها كلهم حريم

حبوبة عملية تكبير الصدر سهلة مو مثل الشد والتصغير وانصحج اتحطين الحشوة تحت العضلة لانه اسلم للصدر وآمن طريقة
صج انه يعور بس ما يحتاجون يقطعون اي شيء من الغدد اللبنية وعروقها

للامانه انصحتني وحدة من العضوات الحبوبات اني اسوي العملية عند سحر القاضي اللي بالامارات بس للاسف مالقيتها هالدكتورة كلش
والحين حاطة عيني على عبير الكبيسي والله

الله يوفقج واتمنى اني فدتج

 

[حرم الحوت]

اب اب اب لعيونج

 

[^نواري^]

الغالية --منوره-- مشكورة فديتج على الرد ..على قد مايهمني المراجعات انا يهمني الشغل والعملية بالدرجة الاولى .. حتى لو المراجعات صعبة للدكتور الزائر بس تكون العملية ناحجة بكل المقاييس ..



حبـيبتي في الله Turquoiseya ... تسلمين فديتج على الرد وعلى كلامج الطيب ربي يسعدج ويوفقج ..

شوفي بالنسية للدكتورة عبير الكبيسي انا كلمتها قالت لي :

* بتحط لي الحشوة فوق العضلة ..... * والجرح بيكون عند ثنية الصدر وبيكون خيــــاط !! ..

وانتي قلتي تحت العضلة اسلم ؟!! اشرحي لي اكثر يالغالية ..


والدكتورة جي قالت لي ممرضتها انها تعمل العملية بجرح حوالين الحلمة ؟!!!!

شراااااايكم بنات ايهم اسلم واامن ومايأثر على الصدر ولا على الاحساس او الحلمات ؟!!

الدكتورة سحر القاضي !! ماسمعت عنها بس بحاول هاليومين ادور عليها واشوف شبتقول لي ...

(( دخلتي قلبي Turquoiseya )) تعجبني ردودج .. ان شاءالله اذا جيت الكويت خليني اشوفج



** حرم الحوت ** فديت قلبج الطيب الله يعز مقدارج ... بس بعد ابغي اسمع رايج في الموضوع رايج يا حرم الحوت وايد يهمني ..

 

[^نواري^]

((بالنسبة لي انا بنهاية الثلاثين ..عندي عيال ووزني 65 بس مالي صدر .. وعقب الرضاعة يترهل ..ومحتاجة العملية ))

طيب باكمل باقي الاسئلة :

*1* احط الحشوة تحت العضلة ولا فوق العضلة ؟؟؟

*2* الجرح وين يكون احسن عند ثنية الصدر ولا حوالين الحلمة ؟؟؟

*3* الجرح يكون خياط ولا كبس ؟؟؟ ..


وينكم يا بنـــــــــات ..اللي مجربة العملية او سامعة عنها
حتى لو على الخاص بس ردو علي ابغي رايكم ومشورتكم ونصــــــايحكم ..

 

[ام غمازهـ]

فوق

 

[Angel Q8]

انا رديت على الخاص

نزار شهاب بلبنان

جل مو حشوه

وماكو ولاااااااااجرح

ومن ناحيه الامان البنت مشالله صارلها سنين يعني لاتخافين

 

[Turquoiseya]

هلا حبيبتي
والله انتي اللي تدخلين القلب
يمكن عبير الكبيسي قالت لج فوق العضلة عشان انتي خلاص ماراح اتحملين وترضعين بعدها
وطبعا الالم راح يكون اقل من لو كانت الحشوة تحت العضلة
الفرق بينهم
ان اذا صارت الحشوة فوق العضلة معناته راح يقطعون جزء من الغدد اللبنية والاعصاب داخل الثدي نفسه عشان يدخلون الحشوة داخل الثدي نفسه، فيها احتمال انج تفقدين الاحساس بالحلمة او تكون حساسة وممكن تصير طبيعية وعادية
اما اذا تحت العضلة فما راح يجيسون الثدي ككل، يقصون من تحت الصدر ويقصون العضلة وبعدين يحطون الحشوة ، واذا قدر الله وحملتي، تقدرين اترضعين واللي اعرفه انج ماتفقدين الاحساس بالحلمة ولاراح تكون حساسة
راح تكون طبيعية وعادية مثل قبل العملية

اما الحشوة عن طريق الحلمة نفسها، برايي لايمكن اسويها
لان يقصون الحلمة بكبرها ويدخلون الحشوة ويعبونها عقب، بعدين يصكرونها بالحلمة
يمكن اتصير مضاعفات وممكن تفقدين الاحساس بالحلمة نهائيا
وفي عضوة عندنا صديقتها حاطين لها الحشوة عن طريق الحلمة وبعد 7 اشهر قامت اطلع الحلمة دم

انا كنت ابحث بهالمواضيع لاني كنت ناوية على شد الصدر واحتمال احط حشوة موعشان التكبير عشان بس يكون واقف
بعدين شلت الفكرة لان زوجي رافض الحشوات

واهم شيء اتكونين قاطعة حبوب المانع قبل العملية بشهرين على الاقل
وتدخلين العملية وانتي صايمة عشان ماترجعين ولاتحسين بدوخة
واهتمي بحبوب الحديد قبل وبعد العملية لفترة طويلة عشان مايصير معاج نزيف
وسوي لج رجيم بروتيني عشان يشفى الجرح بسرعة ان شالله

وترى موضوع هيكارو استفدت منه والبنات هم جاوبوا على اسالتي وماقصروا
واي سؤال حياج وان شالله احاول افيدج باللي اعرفه

 

[Angel Q8]

بنات ترى انا ما اشبك والله لاحد يراسلني لان ما اشبك الا كل جم شهر سامحوني

 

[Angel Q8]

http://www.q8yat.net/showthread.php?t=194205


هذا عنوانه

 

[^نواري^]

ام غمازهـ مشكورة فديتج على الرفع ربي يخلي لج غمازاتج على طول العمر

الف الف شكر عزيزتي الغاليه " الدكتورة " Turquoiseya على الرد والشرح ماشاءالله عندج معلومات وايد حلوة وعجيبة عن العملية
ربي يزيدج من علمة وحكمته وبصيرته ....

الغاليه شنهو رجيم بروتيني بعد

يا Turquoiseya شسالفه الجل اللي قالت عنه Angel Q8 ؟؟ مامر عليج وانتي تبحثين في هالموضوع ؟


الف الف شكر Angel Q8 على ردج يالغالية وعلى عنوان الدكتور ومسامحينج وماقصرتي والله ..
بس اذا فيه امكانية تشرحين لنا اكثر عن هالجل ؟ وشلون عمليته وشلون بدون ولا جرح؟؟!!!! ..

 

[Turquoiseya]

حياج حبيبتي وماسويت شيء

الرجيم البروتيني انج تاكلين لحوم واسماك واكل يكون فيه بروتينات عشان بناء اللحم وشفاء الجرح
بس الرجيم البروتيني الدكتور يسويه لج ويحدد الكمية عشان ماتمتنين
اي عملية اتسوينها لازم تلحقينها باكل غني بالبروتين لانه مهم لبناء الخلايا وتجديدها

الجل اللي تقول عنه انجل ما اعرفه والله
وخصوصا ان المعلومات اللي كاتبتها في الموضوع ناقصة

في طريق للتكبير بدون جراحة واهي ياخذون دهون من جسمج ويحقنونها بالصدر
بس مع الزمن يفش الصدر مرة ثانية

 

[^نواري^]

مشكورة يالغاليه Turquoiseya على الردود وعلى التجاوب ربي يسعدلي قلبج الحلو ..

** ابغي اعرف اكثر عن الدكتورة جي ؟؟ وطريقتها في التكبير ؟؟

** وعن عمليات التكبير في لبنان ؟؟ ابغي طبيــبات ..!!

** احط الحشوة تحت العضلة ولا فوق العضلة ؟؟؟

** الجرح وين يكون احسن عند ثنية الصدر ولا حوالين الحلمة ؟؟؟

** الجرح يكون خياط ولا كبس ؟؟؟ ..

ابغي خبرة باقي البنـــــــــات ..

 

[hekaro]

السلام عليكم
أهلين أختي نواري ,, حلو إن الوحدة تتأكد من الشي قبل لاتدش فيه بحر
أنا ظليت أسأل سنتين قبل عمليتي سألت بنات مجربينها وراسلت بالنت شركة تصنع حشوات تجميلية ولكن مثل ما يقولون
(أعدل الشهود التجارب)
العملية الي انا سويتها تعتبر ثاني آمن عملية لتكبير الصدر(فوق العضلة) والعملية الي أفضل منها هي زراعة السيليكون الكوهيسيف تحت العضلة.
بالنسبة لإستفسارج عن الدكاترة النساء بصراحة ما عندي فكرة لكن العملية مووووووسهلة!!!
لاتصدقين الي يقول انها بسيطة شوفي موضوعي (سويت عملية صدر وأتحدى كيم) كل البنات الي سووها عقبي أيدو كلامي واحنا ما نعرف بعض!لكن حابين نفيد غيرنا.
تحتاجين مراجعة دورية بعد العملية بمعدل زيارة كل اسبوعين لمدة شهرين (اذا كنتي حريصة ودقيقة)فإذا الدكتورة زائرة اشلووون؟؟
تحتاجين مراجعة بعد 4شهور عشان تشيكين على استقرار الوضع وعدم حدوث مضاعفات أو أورام لاسمح الله واذا طارت دكتورتج بتروحين لغيرها؟؟؟
نصيحتي شوفي البنات الي مسوينها عند دكتورة أذكر العضوة الاماراتية الغااالية كانت مسويتها عند دكتورة سأليها او شوفي مشاركاتها بموضوعي
اقري الموضوع وشوفي العملية اشلون تتعب والحين صار لي سنه وتوه تبين النتيجة الأخيرة!

http://www.q8yat.net/showthread.php?t=469155
راسلي البنات مايقصرون يجاوبون برحابة صدر

 

[Turquoiseya]

اولا: لما ذكرت ان عملية الصدر سهلة مو معناتها ان الوحدة بتقوم من سرير العمليات وتناقز يمين ويسار من العافية
كل عملية لها مدة recovery
عملية خشمي واهي بسيطة تعبت منها شهرين 00شي طبيعي
فشلون اذا كانت صدر

عملية تكبير الصدر سهلة مو مثل الشد والتصغير

لما كتبت انها سهلة كنت مقارنتها بعملية الشد والتصغير
وباجماع الدكاترة من اشطرهم الى اسوءهم : عملية تكبير الصدر اسهل من الشد والتصغير

ونواري حبيبتي انا افتش بموضوع الصدر من سنة 2006 يعني عقب ولادتي ابجري
ولان صدري بالاساس كبير بس ترهل حيل بسبب الجلد الزايد والتشققات
وماني قادرة اسوي عملية الشد لانها ممكن اتاثر على الرضاعة
وللحين اهو امسبب لي احراج وما اقدر حتى انام بدون ستيان يرتب شكلهم بس الحمدالله على كل حال
عكس التكبير لو كان صدري صغير كان سويت الحشوة تحت العضلة واستانست بصدري ولا راح تتاثر الرضاعة

اضيفي له ان ندبة عملية التكبير تكون خط تحت الصدر ومو ملحوظة غير ان الصدر يكون شكله احلى
عكس الشد يقصون لحم واوعية واعصاب وغدد ويشيلونها بالكامل والحلمة تتعرض للشق والخياط يعني بتجيج ندبة بالطول والعرض وواضحة
واخرتها احتمال ان صدرج مايكون شكله حلو مثل ماتبين

الاسعار على مستوى العالم تقريبا ثابتة
التكبير اقل شيء 1500 دينار تقريبا وطالع
اما الشد ارخصها 2000 دينار والنتيجة مو مضمونة وعملية تصليحها اصعب مليون مرة من عملية تصليح عملية التكبير

لو كان صدري يبيله تكبير كان اخلصت مشكلتي وسويت العملية من سنة الف وتسعمية وحطبة
يعني من زمان

 

[Turquoiseya]

ممكن اتفتشين اليوتوب وتشوفين ان الوحدة اللي تسوي تكبير محظوظة اكثر من اللي اتسوي شد وتصغير
ومافي عملية بدون تعب 00لكن مستوى التعب يفرق بسبب نوعية العملية

اذا قلبج قوي اكتبي في اليوتوب
breast augmentation يعني عملية تكبير الصدر
mastopexy او breast lift يعني عملية شد الصدر

واصعبهم اللي اهي breast reduction عملية تصغير الصدر

المشكلة اللي تواجهينها بعملية التكبير اللي اهي حجم الحشوة 00عشان تناسق الصدر
في عملية الشد، الصدر ابكبره يكون مشكله لان على القص اللي راح يجيه لازم يكون شكله تقريبا مثل الصدر الثاني اللي بعد يتعرض للقص
وهذا يبيله دكتور شاطر حيل وفنان واجرى على الاقل الف عملية شد صدر

 

[^نواري^]

بالاول الحمدلله على كل حــــــال .. ربي يعفو عنا ويغفر لنا ..

hekaro عزيزتي بالاول الحمدلله على سلامتج وربي يعطيج الصحة والعافية ومبروك اللوك الجديد
وتسلمين يالغاليه على ردج لي اللي من القلب وعلى نصايحج وكلامج الطيب ..
وراح اقرا موضوعج كاااااااااامل وآشوف الردود والتجارب وربي يعطيج الف عافيه وماقصرتي والله ..


غاليتي Turquoiseya : ردودج حلوة مثل قلبج ..وتفاعلج احلى ومعلومات دقيقه ماشاءالله
وكلامج سليم وصحيح بالنسبة لعمليات التكبير اسهل من التصغير والشد .. وطبعا الدكتورة هي اللي تحدد اللي يناسبني من حشوة وحجمها ومكانها انا ابغيه طبيعي ومابغية اوفر .. بس يرتز ويتكور شوي والحمدلله ..


وارجع واقول اللي مخوفيني طريقة الدكتورة في العملية : تركيب الحشوة فوق العضله ؟؟
وانتي ياحبيبتي Turquoiseya خليتيني اعيد النظـر وافكر واحسبها مره ثانية لاني صج ابغي تكبير بس ابغي الاحساس يبقى مثل ماهو .. حتى لو انا ماراح ارضع مرة ثانية ...

hekaro الغاليه الحين انتي احسن ؟؟ صار كل شي طبيعي ؟ الحشوة ما تبان ولمن تسوين تدليك او مساج مايألم المكان ؟ ولمن تكونين مع زوجج ماتحسين بعوار او وخز حتى عقب السنة ؟؟؟؟؟

 

[Turquoiseya]

حياتي نواري

شوفي اذا بتاخذين رايي بقول لج شيء:
روحي لعبير وقولي لها ابي اشوف العمليات لحشوات الصدر تحت العضلة اللي سويتيها
وشوفي شكلها وفتشي عن انواع السيليكون وشكله وترى على فكرة حشوات السيليكون تكون احلى من حشوات الماي والملح

شوفي الموقع هذا فيه اشكال الحشوات : http://www.loveyourlook.com/Breast-Implants/breast-implants-styles.aspx

وفيه بعد صور للمسوين عمليات الصدر في خانة before and after photos


والشغلة الثانية : افضل ان الوحدة اتحط حشوة تحت العضلة عشان ماتفقد الاحساس بالحلمة او ماتكون حساسة حيل ولا مع الوقت تتحرك الحشوة من مكانها
بس هم الحشوات تحت العضلة تنقسم لقسمين:
حشوة تحت العضلة جزئيا: وهذي آمن من الحشوة فوق العضلة بس عيبها انها ممكن اتعور والحشوة ممكن تتحرك من مكانها وتشوفينها بارزة اطرافها على الصدر
حشوة تحت العضلة كليا: هذي افضل نوع لتكبير الصدر وماتتعارض مع التصوير الماموغراف الا نادرا00 الحشوة ماتتطلع برة ولاتتحرك مكانها لان العضلة ماسكتها من كل صوب وهي أأمن طريقة لتكبير الصدر بس عيوبها انها مؤلمة جدا بعد العملية ويبلها واحد شاطر

شوفي هذا الموقع عن طريقة وضع الحشوات في الصدر: http://www.advanced-art.com/Breast-Aug-Over-Under.htm
implants over the muscle حشوة فوق العضلة
implants partially under the muscle حشوة تحت العضلة جزئيا
implants completely under the muscle حشوة تحت العضلة كليا

وفيه جدول مقارنة بين عمليات تكبير الصدر الثلاث

 

[@Miss Dio@]

آآآآآآآآآآآآآآآآآآىىىح صدري قام يعورني