سؤال للكل .. الخبره .. ولا الشهادة ؟؟.. ( نقاش) ..

[يا لون المطر]

مسااااء الورد .. والذوووووووق لأهل الذووق ..

شلونكم شخباركم خواتي ..:hjy5jewf:

في سؤال ودي تجاوبوني عليه ونتناقش فيه ..

لو خيروج .. بين الخبره .. والشهاده ..:080402ask_prv:

شراح تختارين ؟؟.. ( وليش ) ؟؟.. :082502bye_prv:

أوضح اكثر ..

بالنسبه لج .. شلي يفيدج أكثر ؟.. وشلي اهم .. الشهاده الدراسيه .. ولا الخبره بالحياة ؟؟..

ترظين تكونين جامعيه بدون خبره ؟.. ولا تفهمين عدل بهالدنيا بس بدون شهاده ؟؟..

 

[شلال إراده]

وجهة نظري أكيد بختار الخبره.
ليش؟لانه المعلومات أقدر أخذها من مصادر غيرمثل القراءه مو شرط بالشهاده/ياما ناس خذت الشهاده وعلقتها.
ولكن الجمع بين الخبره والشهاده أفضل خيار.
وهذا رأيي الشخصي.

 

[قـہۈه فـرنسيـہ™]

شوووفي حبيبتي ,,,, بصرآآآآحه بيقصون عليج البنات لو يقولون الخبره ,,,,

لأن اللي ماعنده شهاااده الحين ما يسوى ,,,وهذي الصراااحه ...

لكن طبعا كلامي مو معناااته اني آخذ شهاده بدووون خبره ...لا والله ....
الشهااده والخبره يكملون بعض ...لكن أولااا الشهااده ...


((مافي أحد عنده شهاده بدون خبره)) <<<شلون يعني ما درس؟؟!!

 

[iron women]

انا بنظري الشهادة اههم لان الخبرة راح تيي مع الوقت وتتمكنين من الثنتين لاكن خبرة بدون شهادة بزمنا هاذا ماراح تفيد وايد ولا راح تتقدمين

واكيد بيي احد عنده شهادة بياخذ مكانج وتكون له الافضلية هاذي وجهت نظري ومشكورة اختي عالموضوع

 

[يا لون المطر]

..




تسلم الأنامل إلي ردت ..:hjy5jewf:

ومنتظره المزيد من الردود ..

 

[يمة يادلبي]

الخبرة بالحياة شبتسويلي ؟
بتوكلني لقمة سنعة ؟
بتعيشني عيشـة كريمة
يمكن بتفيدني مع الناس وعلاقتي فيهم
بس بالحياة العملية ماااااراح تفيدني كلللش

 

[sweet cake]

عن نفسي .. اشوف الخبره شي مهم جدا..
لكن بالنسبه للواقع والمجتمع .. الشهاده اهم..

لكن ما يمنع صاحب الشهاده انه يهتم بالخبره اهتمام كبير

 

[ROZE]

من رايي ان الشهاده اهم لان من الشهاده ممكن اتيي الخبره ..

بس يعني لو عندي الخبره بدون الشهاده ماراح تنفعني كلش بهالزمن :denya: .. وشالفايده من الخبره حزتها :eh_s(6):

ويسلمو عالموضوع .. :q8::q8:

 

[ملكة زماني]

انا من راي
الاثنين مهمين طبعا واثنينهم يكملون بعض
الشهادة لها دور اكبير في ثقافتي العلميه وفي ارتقاء المستوى الوظيفي
والخبرة الحياتيه
تساهم في تكوين ثقافتي وشخصيتي الاجتماعيه (اللي فيها اقدر احدد نهج حياتي )
وتكسبني خبرة باطباع الناس واشلون اتعامل معاهم
وتصنع مني بنت
تقدر تتصرف بالمواقف الصعبه
نتيجة للتجارب والمواقف اللي عشتهم او اكتسبتها من الغير

 

[Sparkle]

الشهاده الدراسيه الخبره تيي ويا الزمن

 

[brettey]

اهم مكملين لبعض وللامانه الشهاده مهمه وانا ندمت ان ماشديت حيلي ودخلت الجامعه بس ابوي الله يرحمه حصرنا بالتربيه والعلوم والشريعه وانا كان طموحي اداب انجليزي او حقوق او اعلام وابوي وقتها كلمته اهي الماشيه كان ما يبي دوام مختلط يبي يحصرنا بمجال التدريس وانا ماابي التدريس وع وع وع قطيعه انا طموحي غير احب الاماكن الي فيها علاقات عامه واجتماعيه والشغل الاداري
فقلت بالطقاق اييب الي ايبه وادخل اي مكان ودشيت تجاري وانا وخواتي الحين كلنا دواماتنا مختلطه الا الكبيره بس الي اكبر مني والي اصغر مني خو الي اكبر مني دشت تربيه وفصلوها لانها ماكانت حابه التربيه كانت تبي اداب ودشت عقبها دورات والصغيره ماقدرت تييب نسبه وهم دشت معهد تطبيقي
بس ندمت والحين ماقدر اكمل والسبب عيالي اولى عليي اهم والي ماسويته انا باذن الله يسوونه اهم

والخبره تيي من عقب الشهاده الصراحه

 

[هاناا]

موضوع حلو


الشهادة مهمة اكثر لان الشهادة تأسسج عدل عشان تكسبين الخبرة الصحيحية في مجال التخصص فمعرفتج بالمجال راح تكون معمقة

اما الخبرة بلا شهادة مهما تطورت راح تكون خبرة بلا اسس متينة


و هذا رايي مع احترامي لاراء البنات

 

[يا لون المطر]

الخبرة بالحياة شبتسويلي ؟
بتوكلني لقمة سنعة ؟
بتعيشني عيشـة كريمة
يمكن بتفيدني مع الناس وعلاقتي فيهم
بس بالحياة العملية ماااااراح تفيدني كلللش

..




تسلم الأنامل ..

وأنا معاج بهالنقطه .. ( الخبره ما توكل عيش ) ..

 

[يا لون المطر]

عن نفسي .. اشوف الخبره شي مهم جدا..
لكن بالنسبه للواقع والمجتمع .. الشهاده اهم..

لكن ما يمنع صاحب الشهاده انه يهتم بالخبره اهتمام كبير

..


تسلمين ع المرور .. وجزاج الله خير على التوقيع التوضيحي ..

 

[يا لون المطر]

من رايي ان الشهاده اهم لان من الشهاده ممكن اتيي الخبره ..

بس يعني لو عندي الخبره بدون الشهاده ماراح تنفعني كلش بهالزمن :denya: .. وشالفايده من الخبره حزتها :eh_s(6):

ويسلمو عالموضوع .. :q8::q8:

..


بطتي جابلي دروسج لا آكلج !..:j013:

 

[يا لون المطر]

انا من راي
الاثنين مهمين طبعا واثنينهم يكملون بعض
الشهادة لها دور اكبير في ثقافتي العلميه وفي ارتقاء المستوى الوظيفي
والخبرة الحياتيه
تساهم في تكوين ثقافتي وشخصيتي الاجتماعيه (اللي فيها اقدر احدد نهج حياتي )
وتكسبني خبرة باطباع الناس واشلون اتعامل معاهم
وتصنع مني بنت
تقدر تتصرف بالمواقف الصعبه
نتيجة للتجارب والمواقف اللي عشتهم او اكتسبتها من الغير

..


تسلم الأنامل ..:hjy5jewf:

 

[Flower20]

انا بنظري الشهادة اههم لان الخبرة راح تيي مع الوقت وتتمكنين من الثنتين لاكن خبرة بدون شهادة بزمنا هاذا ماراح تفيد وايد ولا راح تتقدمين

واكيد بيي احد عنده شهادة بياخذ مكانج وتكون له الافضلية هاذي وجهت نظري ومشكورة اختي عالموضوع

معاها
يسلمووووووووو هالموضوع

 

[يا لون المطر]

اهم مكملين لبعض وللامانه الشهاده مهمه وانا ندمت ان ماشديت حيلي ودخلت الجامعه بس ابوي الله يرحمه حصرنا بالتربيه والعلوم والشريعه وانا كان طموحي اداب انجليزي او حقوق او اعلام وابوي وقتها كلمته اهي الماشيه كان ما يبي دوام مختلط يبي يحصرنا بمجال التدريس وانا ماابي التدريس وع وع وع قطيعه انا طموحي غير احب الاماكن الي فيها علاقات عامه واجتماعيه والشغل الاداري
فقلت بالطقاق اييب الي ايبه وادخل اي مكان ودشيت تجاري وانا وخواتي الحين كلنا دواماتنا مختلطه الا الكبيره بس الي اكبر مني والي اصغر مني خو الي اكبر مني دشت تربيه وفصلوها لانها ماكانت حابه التربيه كانت تبي اداب ودشت عقبها دورات والصغيره ماقدرت تييب نسبه وهم دشت معهد تطبيقي
بس ندمت والحين ماقدر اكمل والسبب عيالي اولى عليي اهم والي ماسويته انا باذن الله يسوونه اهم

والخبره تيي من عقب الشهاده الصراحه

..



الله كريم فديت قلبج .. وبذن الله تعوضينها بعيالج ..

وصدقيني كل شي مكتوب وحنا برحام أمهاتنا ..

 

[Om kan3an]

اخيييييييييه ذكرني هل سؤال بسالفة صارت حق الوالده من قبل جم شهر اتظيق الخلق والسبه الخبره والشهاده

السالفه انها موظفه من 25 سنه بوحده من هل وزارات وماعندها شهاده وبدوامها يسون بين فتره وفتره دوام اضافي العصر ويختارون الكفائه وذوي الخبره وطبعا فيها مكافئه زينه ادز الراتب التعبان وطول عمرها اداوم صبح وعصر واهيا من اللي المفروض يتقاعدون بس لانه صحتها زينه الحمدالله فضلت تكمل تشتغل على القعده بالبيت لانه بيتنا فاظي وكلنا متزوجين والوالد متوفي وماعندها غير هل الدوام اللي مسليها ومظيع وقتها اداوم صبح وعصر واترد نقعد معاها ساعتين زمان ونرد بيوتنا واهي واتنام حق باجر الدوام وهل سنه قال لها المدير انتي مو معانه بكشف اسماء الاضافي قالتله ليش قالها لانه في خريجين جامعه صغار اولا منج بالاضافي قالت الحين تفضل خريج مايدري وين الله قاطه ومن توظف مايداوم على موظفه خبرتها 25 سنه بهل مجال ؟!
وقررت تتقاعد بعد هل اهانه اللي حست فيها وعورت قلوبنا واهي تبجي واحنا انقولها انتي اشناقصج احنا انيبه لي ريولج واهي اتقول مو مظايقه على الاضافي اللي حاز بخاطري انه ماقدرو كل هل سنين اللي انقظت من عمري معاهم وتعودت على رفيجاتي و الشغل اقعد من العصر لي الليل عشان اشوف تلفزيون و اتكسر عظامي بهل قنفه( وماتفيد كلمة جان زين عندي شهاده اليوم)

وعرفنا انه الخبره ماتفيد الانسان الا بالحياة الخاصه ولا عامتا وعمليا الشهاده اولا والخبره اخيرا مع الاسف

ويعطيج العافيه صاحبة الموضوع

 

[الجودي]

الخبرة بالنسبة لي

بس بهالزمن الشهادة لو اهو مايفك الخط وماخذ الشهادة بالدز يرزونه

و اللي فاهم و معلمته الحياة مليون سنه مايعترفون فيه