سؤال للفحص الطبي @@

[الأمل لحظه]

بنات بغيت أسأل اللي سووا الفحص الطبي ؟؟؟
انا خذيت اوراق الفحص الطبي من الوزاره وقالوا سويها ورديلنا لانه لازم توقعين على اوراق !!! ماادري شسالفه ؟؟
المهم بغيت اسال الحين وين اروح افحص ،، ناس تقول بالصباح وناس تقول بالمستوصف التابعه له !! ياربي حدي حايسه بروح باجر بس ماادري وين اروح بالضبط وياليت وحده تقول لنا بالتفصيل ،،

وشنو الاوراق اللي لازم ناخذها معانا يعني الاوراق الرسميه يطلبون منها شي ؟؟
وبعد بعرف شسالفه التوقيع اللي يطلبونه لمن اخلص من الفحوصات !!

ماصارت وظيفه عذي مابقا مكان ماراجعت فيه ،، احس بتعب ماتعبته ايام الدراسه

 

[الأمل لحظه]

حبايبي اللي سووا الفحص ياليت تفيدوناا

 

[s-h-9]

أنا اعرف وحده سويت فحص طبي (انقبلت بوزاره الاوقاف) أول شئ تروحين المجلس الطبي( طلبوا منها صورة شخصية فقط) و هو قريب من مستشفى الصباح(وهم قريب من اعانة المرضى أصلا هم مبنى واحد) إذا ضيعتي سألي اي احد قريب من مستشفى الصباح (إلي اعرفها سألت راعي بقالة ووصفها لها لانها هم ضيعت) ...
عطوها ورقه وعبتها حق فحص الدم .... وأسحبوا دمها ... وعطوها ورقتين فحص ( فحص سكر، واشعة) تسوينها بمستشفى تابعة لها ... وهم عطوها ورقة ثالثة بس تعبينه بالبيت معلومات شخصية.....وتردين ثاني مرة المجلس الطبي و تعطينهم نتايج الفحوص و تدخلين عل الدكتور وتسوين فحص سريري ونظر ..و أخير شئ بعد اسبوع تستلمين النتيجة النهائية.
​

 

[الأمل لحظه]

^^^
فديتج على هالرد ... يعني الحين بفهم مايصير اخلص الفحوصات بيوم واحد !!! وكل تحليل له مستشفى بروحه ليه هالويه،،،


والمستشفى التابعه له يعني انا بالمنطقه العاشره يعني اروح للعدان !!!! ولا اروح للمستوصف اللي يم بيتنا ؟؟؟
بنات استحملوا اسألتي بس ودي اكون عارفه بالضبط شغلي ،،،

 

[منار 22]

انا سويت
اخذت الاوراق من المجلس الطبي وبعدين رحت الصباح
ما طلبوا مني صور الصور طلبوها الوزارة الي بتشتغلين فيها طلبوا ٤ واحطونها على اوراق الفحص
المطلوب منج بس البطاقة المدنية معاج

اول شي رحت المبنى الرئيسي مال الصباح سويت اشعه الصدر
بعدين تنتقلين حق مبنى الجراحة اهو اصير مقابله تسوين تحليل دم وبول وبعدها تدخلين عند الدكتورة تسوين فحص سريري وفحص نظر بس هذا كل شي

انا خلصته بيوم واحد بس رحت الساعة ١٠ لان زحمة مالي خلق انطر وايد
لمن تخلصين تردينها للمجلس الطبي وبعد اسبوع تاخذين النتايج وتسلمينها للوزارة التالعة لها

 

[منار 22]

سوري خربطت

فحص البول بمبنى الجراحة وبعدين تردين المجلس الطبي تسوين الدم والسريري والنظر

 

[الأمل لحظه]

بنات توني راده من مراجعتي ،،،،
صج صج الله يعين على هالويه اللي مالها داعي !!

تخيلوا بنات طالعه من البيت الساعه ٨ وعلى ماوصلت مستشفى الصباح صارت الساعه ٩ واحوس ادور المجلس الطبي ماخليت احد ماسألته ،،، المهم وصلت المجلس الطبي ودخلت ماكان زحمه كلش صخه بس انا جان تشوف اوراقي الكاتبه وتعطيني تحليل حمل واشعه قالت هذا تسوينه بالمستشفى اللي قريب من بيتكم ...

واروح للعدان واسوي تحليل بول تكرمون واشعه بكره اسويها لما يطلع التحليل بيتأكدون اذا موحامل !!!
وبعدها لازم ارجع للمجلس الطبي عشان اسوي باقي التحاليل والفحص السريري ،،،
الله يعين صج حوسه مالها داعي والجو حار مايساعد كلش ،،،

 

[منار 22]

وي من صجج انا والله قالولي سوي بأي مستشفى ورحت سويته بالصباح اقرب شي له سويت الاشعه وتحليل البول بعدين رديت المجلس تسوين الدم والفحص السريري والنظر وخلصتهم كلهم بيوم واحد وافتكيت نصيحة روحي الصباح وخلصي

وفي تحاليل للمتزوجة وحق الغير متزوجة

 

[الأمل لحظه]

والله انا ماقلت لها اذا يصير اسوي تحاليلي بالصباح ،، اول ماعطتني الاوراق سيده رحت للعدان ،،
بس من ناحيه التحاليل المتزوجه يتأكدون اذا فيه حمل ولا لأ ،،،، واذا حامل لازم يعرفون اي شهر ...