سؤال للخبيرات والله ادعيلها بالرمضانية

[زجاجة عطر]

انا تعينت رئيسة قسم هالسنة واعتبر منتدبة لان اول سنة لي بس عينوني في الوقت طروفي صعبة حيييييييييييل توني انا في رحلة علاج وغير هذا بتي الكبير مسوية عملية كبيرة في ريولها غير هذا بتي الصغيرة في المرحلة الاولى وعني ديسك في الفقرة 4و5 وابي اخذ اجازة بدون راتب او اجازة مرضية بس الحين يصير اخذ اجازة في هالوقت واذا رفضتها يروح علي الدور لانهم عينوني متأخر اللي كبري ماخذينها لهم خمس سنين شنو اسوي

 

[مليونيرا$$]

رد : سؤال للخبيرات والله ادعيلها بالرمضانية

انا نفسج تعينت رئيسة قسم السنة اللي فاتت انتداب وانكرفت كرااااف موطبيعي وسبحان الله نفس حالتج فيني ديسك وعيالي صغار وكله مراضى

والله من صرت رئيسة قسم حسيت اهملت بصحتي وببيتي >>>بس بصرااااحه تحسفت اني صرت رئيسة قسم لما كنت معلمة عادية ابرك وااايد


ففكرت صرااااحه وايد وقلت حق نفسي حق منو انا اهمل صحتي وعيالي عشان منو؟؟؟ الدواااام؟؟ اللي مافيه الا ملاوح هالحريم اللي ماتخلص وكراااف الاداره والتوجيه وياريت يعجبهم هم ماكو تقدير ولا شي حتى زيادة االراتب تفشل ومو بالعين>>> 30 دينار بروحة جمعية تصرفين دبلهم

وبيني وبينج الاجازاااات مو شي لرئيسة القسم محد يرحمج لو تاخذين طبيه اداومين ثاني يوم اتحسين القسم معتفس وكل شي على راسج يعني حتى الاجازه بالحسرررره

وعشاااان جذي رحت بكل شجاااعه وتنازلت عن الانتداب عشان ارجع معلمة وماااابي ترقيتهم اللي ما شفت منها الا العذاب وصحتي وبيتي اهم من الدوااام>>> وجهة نظر

ادري هذرت وااايد بس حبيت افيدج بتجربتي لانج نفس حالتي

والله يوفقج

 

[gogona]

حبيبتي نعندي علم بس حبيت ادعيلكم بان الله يشفي مرضاكم ولا يريكم مكروه

 

[زجاجة عطر]

الله يوفقكم يا مليونيرا وجوجونا ويسعدكم ويتقبل الله صيامكم وينولكم اللي في بالكم ويشفي مرضاكم ويدخلكم الجنة وجزاك الله خير يا مليونيرا عالرد

 

[NaNoy]

رد : سؤال للخبيرات والله ادعيلها بالرمضانية

اول شي // الف الف الف الف مبروك ||
ومنها للأعلى ان شاء الله
وثاني شي انا الي بدعيلك والله
الله يوفقج ويريح بالج ويرزقج من حيث لاتحاسبين
ويعطيك من خير الدنيا ويكفيك شرها
وبقولج شي (( دامي ماعندي خبره ))
صلي صلاة الاستخاره والله بسهلك الي فيه الخير لك وبقدرك عليه وبيرضيك فيه ويريحك بإذنه تعالى
وبس هذا الي بقولج