سؤال للخبيرات ليش الخضره بسرعه تخرب &ضروري

[الهامه2]

شلونكم كويتيات
حابه اسالكم دايما الخضره عندي بالثلاجه بسرعه تخرب
ابي اعرف ليش؟؟؟وشنو الحل
شنو طريقه الحفظ الصحيحه للخضره ؟؟
لان حرام نص الاكل عندي ينقط بالزباله
اهو طماط اهو فلفل بارد اهو كوسا اهو خس وشبنت وبقدونس
كل الاشيا هذي تخرب بسرعه عندي &
تعقدت الصراحه
*

 

[ام نواااف]

حتى انا بسرعة تخرب معاااي
كل اسبوع لازم خضره
خاصه الخيار والكوساااا بسرعة يخربون

تقول خدامتي عشان ثلاجه بارد
قصرت عليهااا نفس الشي

ياليت اللي تعرف اتفيدنا

 

[ام فوفوو]

اب اب

 

[وحيدة امى]

اب اب

 

[Heaven Light]

يا انه تكون درجة الحرارة مو مناسبة او بينهم حبات متعفنه فتعدي الباقي ..

بالنسبة للخضرة الورقية عشان تطول عندج لازم تحطينها باكياس مفرغه من الهوا وتسكرينه عدل ..
أو تشترين ورق جرايد مو مطبوع من الشويخ وتلفينه فيه .. >> سامعه بالهطريقه ومو مجربتها ..

الطريقة المثلى لتخزين الاطعمة داخل الثلاجة المنزلية​

اولا:-بالنسبة للخضروات الورقية​

يتم تخزين الخضروات الورقية مثل < الخس- السبانخ - الجرجير - البقدونس ............الخ> بالطرقة التالية :-
يتم تنظيف الخضروات و تقطع الى الاجزاء التى لا تستخدم منها و تستبعد ثم تغسل الاجزاء المتبقية منها جيدا فى ماء بارد و تصفى جيدا من الماء و بحيث ان يترك بعض من هذا الماء العالق با لاوراق الخضراء اى < تندى الاوراق بالماء> ثم توضع فى الدرج الخاص بحفظ الخضروات و الموجود اسفل ارفف الثلاجة مع العلم بان الماء المندى به الاوراق يحافظ على نضارة الخضروات و هشاشتها و من الممكن ان تمتد فترة التخزين فى هذه الحالة الى مايقرب من الاسبوعين .​

ثانيا:- الخضروات ذات الجـــــلد​

يتم تخزين الخضروات ذات الجلد مثل< الفلفل الاحمر - الفلفل الاخضر - الجزر ............ الخ > بالطريقة التالية :-
يتم حفظ تلك الخضروات داخل الثلاجة فى الدرج المجاور لدرج الخضروات مدة تتراوح من ثلاثة ايام الى خمسة ايام و ذلك بعد فرز الخضروات و استبعاد المعطوب منها ثم غسلها بالماء البارد و تجفيفها و حفظها بعد ذلك .​

ثالثا:-الفواكـــــــــــــــــــــــــــــه​

يتم تخزين الفواكه بعد فرزها و استبعاد المعطوب منها ثم يتم غسلها و تجفيفها جيدا و حفظها فى الدرج الخا ص بها مع مراعاة ان هناك بعض الفواكه يتم حفظها بعد الفرز و الغسل و استبعاد المعطوب منها فى اكياس ورقية محكمة الغلق على احد ارفف الثلاجة مثل < الفراولة - التين البرشومى - التوت >​

ملحوظــــــــــــــة​

يمكن حفظ الفاكهة الطرية لمدة تتراح من يومين الى اربعة ايام ؛ الفا كهة الجامدة لمدة تتراوح من اسبوع لاسبوعين​

مع العلم بان بعض الانواع من الفاكهة تحتاج الى حفظها فى عبوات بلاستيكية محكمة الغلق لمنع تسرب رائحتها مثل < الشمام - الكانتلوب ............ الخ >

​

​

 

[عادت ذكرياتي]

حطيها بالثلاجة بجيس من غير لا تغسلينها


وإذا تبين تستعملينها غسليها سيدة


وبالعكس تقعد أسابيع

 

[** رش رش **]

طبيعي الخضرا ما تطول و صلاحيتها قصيرة
احسن حل خلي مشترواتج للخضرة اسبوعيه و لا تكثرين الكمية على قد استهلاك الاسبوع و بس

 

[(*ام عهــــد *)]

اب
اب

 

[تحت ظلك]

عندي لج طريقه للورقيات مثل بقدونس نعناع...الخ

غسلي الورقيات ونقي الزين من الشين وقصصيها وجيبي علبة بلاستيك وحطي فيها ورق نشاف وحطي النعناع او الجرجير البقدونس بالعلبه وسكريها تطول عندج ماتخرب جربيها ممتازه

 

[تحت ظلك]

علب البلاستيك نفسها الي نخزن فيها التمر بالثلاجه مدري تعرفينها او لا

 

[صمت المرافئ]

آنا بقولج طريقتي بالنسبة للخضرة الورقية
مثل الشبنت والكزبرة .... الخ
تعرفين الورق النشاف ؟
اللي يلفون فيه السندويشات
هذا من الاساسيات عندي
أول ما أشتري آخذ شدة مثلا من الكزبرة
وألفها بورقتين من ورق النشاف
طبعا لا تغسلين الخضرة علشان ما تذبل
وإذا انتهيت من لف كل الخضرة
أحطها في علبة البلاستيك التبروير
واسكرها واحطها بالثلاجة
والله تظل معاج الخضرة لمدة 10 ايام ما تخرب
وهالطريقة ممكن تطبقينها على الخس
اما الطماط والكوسا حرصي دايما
على جفاف الخضرة لأنها إذا فيها رطوبة تعفن
ولا تاخذين كميات كبيرة

​

 

[مرت بوعلي]

:


يسسسسلموووو بنات


:

 

[ام سالم وايه]

اب اب اب

 

[sunshine22]

انا الحمدالله
اسبوعين تقعد بثلاجتي الخضره

اولا ماشري كميات يعني اللي يكفيني انا عيالي 3 وابوهم

تالي
عندج اكياس حفظ الخضار بالجمعيات
عبي فيها
الطمام والخيار والكوسا والفلفل البارد والباذنجان والخس
وعندي من المكتبه شاريه كابس حراري اركبه واكبس عليهم
ولا تغسلين الخضره خليها بترابها احسن الماي يزيد البكتيريا




البقدونس
الجرجير
النعناع

خيشه العيش لا تقطينها
غسليها اذا خلصتي منها
وقصصيها مربعات كبار
وجيبي سيــــــــر

لفي كل حزمه بقدونس ونعناع وجرجير بخيشه وربطيها بالسير

لاحظي راعي الورقيات بالشارع الافغاني عربانته خيش هههههههههههههه


شرايج فيني

أمانه
أمانه
أمانه
اللي تستفيد من كلامي




أدعولي ربي يسهل علي ويفرج كربتي ويخرجني من الضيق
=====================================

 

[fife4ever]

شوفي حبيبتي في اختراع اسم تابر وير للخضار
انا استخدمه الشبنت والبقدونس يقعد فوق اسبوعين
والخضار الطماط والكوسه راح اصوره واحطه لكم بس راح اشبك من تلفون مالي

 

[cat_women]

و منكم نستفيد

 

[fife4ever]

سوري بنات ما قدرت اصورها بس لقيته بنت وراح احطها لكم

وراح تلاحظون ان بالعلبه في رسمه توضح كل نوع خضار شنو يحتاج من تهويه لان على الجنب في فتحات
انا شاريتهم من كم سنه وعندي بس للاسف خدامتي الا راحه تحكم مال تهويه ضيعتهم لي
وهمن في شغله حبيتكم افيدكم فيها

هذي للجبن يحافظ عليها فتره طويييييله بدون لا ماء ولا ليمون وسوالف

وبعد وبعد

عندي مثل الطاسه بلاستك اعجن عجينتي وخلال ربع او نص ساعه مخمره بلا ثلاث ساعات ومكان حار

شرايكم توني ادري ان عندي اشياء مهمه

 

[fife4ever]

ونسيت هم عندي ماعون للسلطه والفواكه يعني اذا بقي من السلطه وفيها صلصه
تخلينها لثاني يوم ما يتغير طعمها وهمن الفواكه ما يتغير لونها

من اليوم احاول الدور الموقع مالهم مو لاقيته بس في مواقع مشابه له

 

[ام نواااف]

طريقة وحده بالنت اعجبتني



طريقتي لحفظ الخضار

اول ما اجيبها ... امسحها بفوطة .. بالنسبة للخيار اشيل الورق الاصفر اللي بالطرف
واجيب علب بلاستيكية .. وافرش فوطة وادخلهم داخل الفوطة واصك عليهم بالفوطة بعدين اغطيهم وبس

البقدونس والكزبرة والنعناع ... نقطفة اول بس بدون غسيل ونسوي مثل ماسوينا الخيار

 

[فيلجاويه كيوت]

سمعت ان القصدير زين تلفين فيه الخضار والاهم ماتغسلينها موليه