سؤال للحريم الفطينات فقط؟؟؟؟؟؟؟؟؟؟؟؟؟؟

[رماني زماني]

السلام عليكم
بنات أمس كنت قاعدة مع وحدة من رفيجاتي صاكة فيها الدنيا لأن أختها تهبل وشهادتها حلوة ومحترمة بس بدا عمرها يدخل في أوساط العشرينات وللحين محد تقدملها

قالت أنا عندي رفيجات وايد وعندهم أخوان وودي أي واحد فيهم يخطب أختي خاصة أن بعضهم شهادته وعايلته حلوة بس مو عارفة كيف تتوصل لذلك؟؟؟؟؟؟؟؟؟؟؟؟؟:bbbiu:

وهم لأن بعض هالرفيجات مو حيل علاقتها فيهم لدرجة تعرض أختها عليهم

السؤال شتسوي عشان يعرفون أختها والمشكلة أن ماعندهم عروس أو مناسبات قريبة وفشله تجيب صور أختها ماادري احس الحركة مكشووووووووووفة


ها جاوبوها يالفطينات..............

 

[gala q8]

خليها تعزم رفيجاتها في بيتهــآ

اتمنى البنـــآت يســآعدونج

upلعيــ,,,,ـــونج

 

[رحيق الورد]

ما أدري ..

بس خليها اتعرف أختها على رفيجاتها ..

و إذا لها نصيب راح تاخذه ..

 

[رماني زماني]

رفيجاتها علاقتهم فيها علاقة دوام مو لدرجة يزورونهاااااااااااااا

 

[khawla&tito]

رد : سؤال للحريم الفطينات فقط؟؟؟؟؟؟؟؟؟؟؟؟؟؟

اممممممم والله ماعندي فكره كان بعد يبت لنفسي هههههههههه فيه دعاء لتيسير الزواج

والله يوفق الجميع

 

[ســتارز]

مو لازم يزورونها تعزمهم مثلا برة مطعم او كوفي وتاخذ اختها معاها

واذا مع رفيجاتها تمدح اختها او تقول سالفة وفيها اختها او سالفة عنها تمدحها

 

[..NOoOo Limit..]

رد : سؤال للحريم الفطينات فقط؟؟؟؟؟؟؟؟؟؟؟؟؟؟

خلي اختها اتسير بالداوم علبونها جايه بتاخذها ....يعني جنه ماكو احد يوصلها ...وتدش اتسلم وتسولف وتاخذ اختها بجذي يشوفونها البنات اللي بالدوام... سهالات
تقبلي مروري

 

[تراب زماني]

رد : سؤال للحريم الفطينات فقط؟؟؟؟؟؟؟؟؟؟؟؟؟؟

ياااااااااااه الهذه الدرجة صعبه عليك الحيل الأنثويه؟؟ :eh_s(22):

* اولا حبوبة خلي العروس << فال خير ان شاءالله ..تتجه بالدعاء لرب العباد تدعي بنيه الرزق بولد الحلال وتكثر من قيام الليل وتتصدق للمحتاجين..

ثانيا : خذيها قاعده اياك تخسرين اسابيع وشهور بالتقرب الى صديقة بحجة انه اخوها دكتور ولا وضعهم المالي كويس ويمكن بالاخير تعزمك على عرس اخوها وتكونوا من ضمن المدعويين !!

.. اشتغلي على حالك(دراستك_ستايلك _ثقافتك_صلة الرحم_ تكوين صديقات لك) ..وظهورك بشكل مبسط بالاعراس والمناسبات العائليه وجمعة الصديقات . ولاااتحاولي تكثفي حضورك بشكل مبالغ فيه بحيث يبين للحريم الكبار كأنك مستزوجة ..
خو على قولتكم حبايبي الكويتين ماتدرين النصيب متى يجي وكيف يجي بس اهم شي انتي تسلحي بالدعاء واشغلي عمرك ولاتوقفي حياتك على فلانه تزوجت وهي شينه وانا اللي احلا منها قاعده انطر ولا علتانة اعرس عليها واحد راهيي .. pla pla pla

وبالنهاية الله يوفقها ويرزقها بولد الحلال اللي تتمناه

 

[نبض السعاده]

رد : سؤال للحريم الفطينات فقط؟؟؟؟؟؟؟؟؟؟؟؟؟؟

ومنكم نستفيد

الله يرزقها

 

[يتيمــــه]

يابنت الناس
حتي شنوووو تسوووين

النصيب اذا جا جا
سوا من قريب او بعيد
لاتحط رفيجاتها هم سبب زواجها


تعيش حياتها وتدعي لربها ان يرزقها
بالرجال الصالح


ولا تنتظر رفيجاتها تعرض نفسها

 

[گـحِـلْ |~]

رد : سؤال للحريم الفطينات فقط؟؟؟؟؟؟؟؟؟؟؟؟؟؟

,

نصيبهآ رآح يجيهآ لي عندهآ

بنظري إن إختها صغيره للحين !

لآ يعقدونهآ ,

بس أحسن حل إذا هي تبي إخوان رفيقتها

تجيها الدوام إختها , أو تجيب صور لهآ ~~> مافيهآ أي شيء ’

الله يكتب لها اللي فيه خير ويرزقها الرجل الصالح

 

[بطه q8]

خليه تدعي ربها احسن واقرب ربها لها من غيرها وصدقيني ......................لو تجري جري الوحوش غير رزقك ماتحوش

 

[EnGiNeeRa_92]

رد : سؤال للحريم الفطينات فقط؟؟؟؟؟؟؟؟؟؟؟؟؟؟

النصيــب يصــيب حبيبتــي ..
عليــها بالدعــاء وان شاء الله يرزقــها ربــج هذااك الريــال اللي يعزهـا ويحطهــا بعيوونهــا ..
طلعــوا مع بعــض ..​

 

[Tom ♥ Jerry]

.


خل تودي هالرفيجه معآهآ و تعرفها على رفيجآتهآ
بدون لا تحآول تبين لهم الموضوع
و الله يرزقها الزوج الصآلح آن شاء الله :*

 

[قطوووة]

رد : سؤال للحريم الفطينات فقط؟؟؟؟؟؟؟؟؟؟؟؟؟؟

خل تسولف عن اختها شوي

 

[رماني زماني]

أفكاركم جميلة بس يبيلها مره سنعه تعرف تضبط هالخطط مو رفيجتي اللي كل شي عندها لا فشلة وعيب وحركاتي مكشوفة

 

[L A T T E]

تسوي عزيمة ببيت اهلها ..

هذي افضل طريقة !

 

[bitter-sweetness]

تسوي عزيمه بالبيت احسن حل
بس لا تضغطون عالبنيه مسكينه لا تتعقد
لأنها توها صغيره حرام

 

[كويتيه فرنسيه]

اول شي الزواج قسمه ونصيب اذا لها نصيب بتاخذه لاتقعد تفكر وتسوي خطط وبلااوي


واذا ودها باخوان رفيجاتها خل تخلي اختها تزورها بالدوااام تجي وتقعد وياهم وتسولف والله يكتب الي فيه الخير


وترا انا ملاحظه ان الزوواج صار شغلنا الشااغل ياتتزوج البنت والا تموت شسالفه يبه طلعو فكرة الزواج من راسكم وايد بنات ماتزوجو وعيشتهم تهبل لاتخلون هااجس الزواج يخرب حياااتكم

في اشياء بالحياه وايد.... التقرب الى الله الوظيفه العلاقات الاجتماعيه وغيره وغيره مو بس زوااج..

 

[۩۩ الجـــــود ۩۩]

لا تستعجل على رزقها نصيبها بيجيها

استغرب من هالبنيت اللى مستعجلين على الزواج اللى ربى كاتبلها نصيب بتزوج

الله يرزق المسلمين بالمطر