سؤال للجميع ارجوا المشاركه للاهميه

[حقوقجيه]

هاي بنات
اشلونكم
عساكم بخير


حبيت اخذ راي كل وحده فيكم بالتالي

اذا تقدملج شخص واهو زين من كل النواحي جامعي ولد اصل وفصل وعمره مقارب لعمرج واثناء فترة الخطبه ارتحتيله حيل وحسيتي انج فاهمته وفاهمج بس !!!!!!!!!!!!!!!!


اكتشفتي ان فيه برص ومو منتشر وايد بس يمكن بالمستقبل ينتشر
هل تقبلين فيه ؟واذا اي ليش واذاا لا ليش ؟؟
واذا تعرفين ناس صارت وياهم فيدينا خل نسمع القصه ؟

 

[حقوقجيه]

اشدعوه بنات خمسه طالين وطالعين قولوا رايكم سواء كان زين ولاشين

 

[كويتيهx5]

لا عادي ارضى فيه اذا متفاهمين وبرص اهون من خيانه وله سكير وله غيرر

واستخيري حبيببتي

 

[MoonDiamond]

اقبل
فكري لو تاخذين شخص كامل المواصفات
وبعد ما عيلتي منه
صارله حادث وتشوه والا انشل
شبتسوين
يعني هذا برص مو شي معدي ويخوف

 

[بنوتة كول]

والله انا اقول شي عادي لان جدي وخالي فيهم برص بس مو منتشر
وعايشين حياتهم عادي
استخيري

 

[حقوقجيه]

ثانكيوا على التفاعل

بنتوه يدج وخالج انقلوه لعيالهم بالوراثه ؟؟
وخالج متزوج ؟؟؟ ياله البرص قبل ولا بعد اذا كان متزوج ؟

 

[Natasha]

لا حبيبتي ما يصير الابرص لازم ياخذ من اهله لان المرض يتورث لعياله
يعني باجر بناتج محد ياخذهم لان ابوهم فيه برص

وهذا اقتباس من الشبكة الاسلامية

شرح عمدة الفقه - كتاب الرضاع [2]

يحرم على المسلم الزواج بالكافرة إلا أن تكون كتابية، وإذا أسلم الزوج وزوجته كتابية بقي النكاح، وإن أسلمت وبقي على دينه انفسخ النكاح، وشروط النكاح منها ما ينافي العقد فهذا باطل، ومنها ما لا ينافي العقد فيجب الوفاء به، وقد بينت الشريعة الإسلامية العيوب التي ينفسخ بها النكاح كأن يكون أحد الزوجين مملوكاً أو مجبوباً أو مجذوباً أو أبرص وغيرها.

العيوب التي يفسخ بها النكاح



قال المصنف رحمه الله تعالى: [ باب العيوب التي يفسخ بها النكاح. متى وجد أحد الزوجين الآخر مملوكاً أو مجنوناً أو أبرصاً أو مجذوماً أو وجد الرجل المرأة رتقاء أو وجدته مجبوباً فله فسخ النكاح إن لم يكن علم ذلك قبل العقد، ولا يجوز الفسخ إلا بحكم حاكم ]. هذه العيوب في النكاح، فإذا وجد أحد الزوجين عيباً في الآخر فإن له الفسخ إن لم يعلم بذلك قبل العقد، فإن كان قد علم ذلك وسكت عنه فقد أسقط حقه في الفسخ، فمثلاً: إذا كان أحد الزوجين مملوكاً فإن الحر منهما له حق الفسخ؛ لأن المملوك مشغول بخدمة سيده، سواءً كان عبداً أو أمة؛ ولأن الأولاد سيكونون أرقاء، إلا إذا رضي بذلك وكذلك إذا كان أحد الزوجين مجنوناً والعياذ بالله أو مجذوماً أو أبرص أو كانت الزوجة رتقاء: وهي التي انسد فرجها؛ لأن هذا يمنع من النكاح، أو وجدته مجبوباً: وهو الذي قطع ذكره، فإن الزوج المتضرر له حق الفسخ، إلا إذا علم بذلك قبل العقد أو بعده وسكت فيسقط حقه في الفسخ. ولا يجوز الفسخ إلا بحكم الحاكم فإنه يتبين وينظر في الأمر؛ فإذا ادعى أحد الزوجين عيباً في الآخر ترفع الدعوى إلى الحاكم الشرعي فإذا ثبت العيب فإن الحاكم هو الذي يتولى الفسخ، أما الزوج المتضرر من الفسخ فإنه يرجع على من غره بهذا الزواج. ......

وهذا المصدر
[http://audio.islamweb.net/audio/index.php?page=Full*******&audioid=190879

وسؤال لج حبيبتي اذا كنتو تبون تزوجون اخوج ترضون تخطبون له وحده فيها برص او احد من اهلها فيه برص ؟

اتمنى لج التوفيق

 

[funkia cool]

رد : سؤال للجميع ارجوا المشاركه للاهميه

والله مادري شقول لج لو علي عادي بس هم كلام نتاشا صح اذا من المنظور ديني سئلي شيخ دين يعطيج الاجابه الاكيد

 

[حقوقجيه]

والله ياحبايبي انتوا ماتدرون الابلى والامر ان الشخص هذا صار ريلي ثلاث اسابيع بعد ماملجت عرفت ان فيه برص وخلعت والحين يبي يرد لي وانا قاعد افكر اردله عشان اهو وايد زين واهله وايد زيني بس اول مره خلعت لان كانت بالنسبه لي صدمه ان ماقالي بالخطبه بس الحين لو بدخل بدخل وانا عارفه كل شي اما بالنسبه لسالفة الفسخ بحكم عملي بالمحاماة ادري ان السالفه تطول وماابي ينحسب علي زواج لفتره طويله وبكل الحالات انحسب علي والي يخليني افكر اردله ان من يوم انفصلت الي يتقدمولي مطلق ولاعنده عيال وانا والله ماطلعت وياه الا مرتين ومالمسني بس انحسبت علي زواج والحمدلله على كل حال

 

[MiSs Roma]

حبيبتي حده عاادي اي ارضى دامه زين و مثل ما تقولين خوش ريال و متفاهمين

* عااادي بس اهم شي انتي متقبلة هالشي *

>>> في ناس ما تقدر تتقبل و في ناس ما يهمهم المهم الريال نفسه

بالنسبة لي عادي اتي شوفي هالشي يأثر على نفسيتج ولا عادي

بس نصيحة كاافي الريال يكون زين أي شي ثاني مو مهم ...

-----

 

[كرز حالي.]

رد : سؤال للجميع ارجوا المشاركه للاهميه

اذا كان البرص منتشر فيه بشكل كبير
ماتوقع اقبل

 

[حقوقجيه]

احترت اكثر

 

[n.m.3.k]

حبيبتي لاتحتارين ولا شي عاااادي مافيها شي واذا تزوجتو روحي انتي وياه خلي بعالج وساعديه وشجعيه على العلاج وخليج له عون بس اتفقو من الحين حرام يعني شسوي هاذا من الله ومن حقه يتزوج وهاذا راي.
وسئلي بعد مشايخوالله يوفقج.

 

[كيكه توفي]

امممممممم مادري سؤالج يحير !

 

[كلنا عشاق لكن]

رد : سؤال للجميع ارجوا المشاركه للاهميه

إذا مو وراثة
يقولون
إن اللي ينام ومايغسل إيدة عنـــ الأكل الدهني يصير فيه هالشي -هذي لو ياكل بيدة -
ومرات اللي ياكل سمجـــ وحليبــ مع بعض فتختلف الأسباب
وعموما
لو يشرب ويتسبح بزمزم وبهالفترات أحسن له
أما الأدوية
منها إزالة لونية تشيل اللون كلة وإتساوية
بس تبي لها وقت
أما الموافقة
فهي شي بإحساسج
ولوإتدشين منتدى الحياة الزوجية بتلاقين بنات يوافقون يخاذون شخص مريض أو معاق أو كذا فهي
حسب مزاج الوحدة لأنج إنتي اللي بتعيشين معاة
وكريمات التغطية تارسة الصيدليات وبألوان البشرات كلهااا
ومرات التعرض للشمس يعيد تركيب الصبغة ويغمجهااا
أهم شي حطي مزاياة بكفة والمرض بكفة وأكيد الأولى بترجح وهذا اللي يهمج
وبالتوفيق يارب

 

[iron women]

حبيبتي لو انتي بسم الله عليج اللي فيج البرص اتوقعين راح ياخذج؟؟؟؟

عيدي التفكير
تحياتي

 

[M!Ss Smart]

شوفي حطي ابالج ان اخلاق الرجال اهم شي امانه تاخذين واحد مزيون بس قليل ادب ومايحترمج ويقصر معاج ؟؟ ع الاقل هذا عرفتيه وعاجبج وفاهمج وفاهمته شنو يعني برص عادي بس اهم شي ان يكون مو وراثه وانتي استخيري والله يكتب اللي فيه الخير

 

[Tulips]

اولا البرص مو معدي

وبعدين مافيها شي .. اهم شي الاخلاق

 

[الحبوبه الطيوبه]

صح اهم شي الاخلاق بس هذا شي وراثه باجر عيالج يصير فيهم فكري عدل واستخيري تري شي موسهل

 

[شــــــــــــــوقــــه]

تأكدي اذا في علاج مضمون توكلي على الله حرام تخسرين واحد ذهبه ما تحصلين منه 2