سؤال لحد يفهمني غلط

[الورد انا]

سلام

شلونكم بنات

بنات في سؤال محيرني

انا بالغزو كنت ياهل خمس سنين بس اعرف شنو يصير حوالي

بنات شلون دخلوا الجيش العراقي الكويت

احنا مو عندنا جيش واقف عالحدود وشرطة والذي منووووووو

حتى ذيج المره كان في حرب ايران يعني المنطقه مو امنه كلش

استغربت اتصال خالتي الصبح ساكنه بالجهرا تقول حق امي الجيش العراقي يمشي بالشارع

زين نقول وصلوا الحدود ودخلوها اكيد عاد الحين الكل شافهم وين الدفاع المدرعات الصواريخ زين الرشاشات دخلوا بكل سهوله من غير مقاومه

ماادري ماادري شسالفه شنو مافي احد كان مدوام ولا الحدود كانت سمردحه حق الي داخل والي طالع كان مافي مقاومه كلش من ناحية الجيش

انا ابوي كان اجازة لانه صيف ويبي يسافر من سمع الخبر الصبح كان بالداخليه خفر سواحل دوامه داخل البحر عالجزر شال غراضه وراح لقى المخفر مستحلينه العراقات قالواله حجي روح روح بيتكم

في احد فاهم السالفه يقولونا​

 

[حقوقيه زوغه]

عيل انا كان عمري سنتين






اول كانت الكويت ويا العراق ربع يعني الحدود ماكان عليها جيش وجذي
ماكانوا متوقعين شي من العراق

حتى لما صار الغزو اغلب الكويتين ماصدقوا الا بعد ماشافوا الدبابات بعيونهم

 

[شويهينه]

انا اقولج فديتش وهالكلام من دكتورنا الراقي ثقل العجمي


يقووول : انه العراقيين كانو يتهددون صارلهم وقت واقفين عند الحدود .... وكان المجلس ذيك الحزه اي كلام.... ولما تحاورت الكويت مع امريكا


قالو انتوا دول جوار وحلو اموركم احسن وهاذي خطوه ذكيه طبعا من امريكا لان تدري نية العراق شنو.. وتبي تطلع بصورة البطله المنقذه


فلما دخلو ماكان في اي جيش او اي شي....والعراق مادشت مثل ماقالو بكتبنا بالمدرسه ان فجاه هالكلام غلط بغلط.... بس كانو النواب بذيك الفتره اي كلام... وسلامتش


وربي يحفظ ديرتنا

 

[Reem_q8]

لااااا حبوبه سمعناا اصواات تفجيرات وشكثر استشهدووو علي الحدود يمكن ما كان مستعد بعدين الجيش العراقي خبره بالحرب وعددهم اكثر من الكويتي والكثره تغلب الشجااااعه

 

[ii DareeN ii]

اولا كان الوقت صيف وماكان الجيش متاهب ولا في استنفار والي كانو على لحدود اغلبهم اناسرو ومنهم خالي كانو وحدات اتوقع المغاوير

ثاني شي ماكانو متوقعين ان لعراق راح تغزينا خصوصا ان هم كنا في شهر حرام بس هذيل مايعرفون حلال وحرام حسبنا الله ونعم الوكيل

 

[مطيريه ماركه]

آلكويت مآكآنت مآخذة تهديدآت آلعرآق بـ جدية على أنهم حآشدين

فـ مآ كآن فيه جيش عـ آلحدود مجرد أمن حدودي بسيط جدآ

حصل مقآومة آستشهد آلكثير

نأمل من آلكويت تغيير خططهآ آلعسكرية وآلعمل على تجنيد آلجيش بـ خير آلعدة وآلعتآد

عشآن مآيتكرر مشهد آلغزو آلعرآقي مرة ثآنية

 

[بمبة المفترسة]

لا الكويت حشدت الجيش على الحدود بعد ان شافت العراقيين مستعدين وكثفوا جيشهم على الحدود
لكن السعودية والاردن ومصر طلبوا من الكويت يسحبون الجيش عشان مايأججون الوضع ويستفزون العراق ونادوا الي مؤتمر جدة اللي راح له الشيخ سعد والجانب العراقي عزة الدوري اللي سب الشيخ سعد وقط عليه قلاص ما ادري شنوو وانتهى المؤتمر بدون اتفاق لكن العراق وعد بعد التعرض للكويت وانتهى الاجتماع 12 بليل والغزو صار 2 فجرااا
وفي تقرير صدر عن وزارة الدفاع في الكويت يقول انه السعودية والاردن ومصر سبب غزو الكويت لانهم طالبووه بعدم حشد الجيش وطالبووه بالمساعي السلمية
التقرير صدر اظن 2007

 

[HeR HiGHNeSs 90]

يعني داشين بدبابات واسلحه باله ماراح يذبحونهم؟ وله عبالج مثل حدودنا الحين
اكيد الوضع غيير قبل 20 سنه عن الحين خصوصا كنا دوله كنا حيل مع بعض من الكويت والسعوديه الحين يعني باله في بينا عل حدود اسلحه وجذي؟لا لانه مانتوقع منهم جذي مثل ما كنا العراق ماكنا نتوقع منها
بس انا اقول الحين انشااله الكويت تصير جزيره بروحها لانه قمنا نخاف من القريب اكثر من الغريب

 

[Madrideya ~]

والله يا أختي انا حزتها ما كنت موجوده ما انخلقت في الدنيا
والحمد الله اني ماكنت موجوده
\
\
\
الله يحفظ ديرتنا الكويت من كل شر
ويطول بعمر بابا صباح وبابا نواف
ويخليهم ذخر لنا امييييييييييييييين

 

[~ ياسمينه ~]

شفت فيديو بموقع يوتيوب فيه جنود عراقيين يمشون عى الحدود

بس مادري طبعاً لاني كنت صغيرة

الله يحفظ الكويت واهلها وكل دول الخليج

 

[Hello_kitty]

حبيبتي نفس كلام البنات لأن اهو عطى وعود وعهووووود ان ماراح يدخل الكويت وراح ينحل الموضوع بطريقه سلميه

لكن خاين وغدار دخل علينا على غفله ومتى؟؟يوم الخميس اللي اغلب الناس اجازات واغلب افراد الجيش والشرطه باجازات خاصه مع اهلهم!!

ودخل بفص الصيف علشان اغلب الكويتين مسافرين وما في احد!! حسبي الله عليه شتت الشعب كله كل ناس كانو بديره

واللي كانوا اعيالها اهني واهي مسافره مع ريلها!! واللي واللي قصص وااااااااااااااااايد