سؤال لبنات الكويت

[رحاب خالد]

السلام عليكم ورحمه الله حبيباتي خواتي انا سمعت شغله عن اعراسكم ومافهمت

الحين العروس هي اللي تحجز الصاله والطقاقه والبوفيه ؟ ولا اهل المعرس واذا كانت العروس هي اللي تسوي كل هاذا تسويه من مهرها او من اهلها لانو شفت مصمم كوش على الراي وقال العروس اهي اللي تحجز واستغربت لان احنا العروس تجهز عمرها وبس مالها شغل بشي ثااني وبس مشكوررين :eh_s(22)::eh_s(22):

 

[ظبيه الريم]

وعليكم السلام ورحمة الله وبركاته احنا العاده أهل المعرس اهم يقومون بالتجهيزات ولكن فيه حالات خاصه تكون العروس اتجهز حق العرس مثل بنات العوايل المعروفه ماشاءالله يحبون يفرحون حق بنتهم فرحه غير عن الباقي وفيه حالة ان المعرس مايبي ايسوي عرس لان عندهم حالة وفاة أو أي سبب غير هذا يقولون حق اهل العروس عاد فيه ناس يقولون لا احنا لازم انسوي عرس ونشهره جدام ناسنا واهلنا ويصير ان المعرس يحط معاهم مبلغ عشان يجهزون ويسون العرس. وان شاءالله وصلت لج الجواب

 

[برنسيسة2007]

لا طبعا اهل المعرس هم اللي يدفعون سواء بذوق العروسه او ذوقهم
اللي تكلم زوجها فترة الملكه تتفق معاه باللي تبيه نوع الصاله والكوشه ..الخ طبعا في بنات يواجهون مشاكل انه يقولها غالي او يعترض يعني مو قانون مثل ما انتي متصوره


انا عن نفسي ما اكلم زوجي فترة الملكه جذي عاداتنا وتقاليدنا فاهم احجزوا كل شيء واخته اتصلت وقالتلي اختار الكوشه وبسسسس

 

[أم*سلمان]

لا العرووس مالهاا شغل


وعسى الله يوفقج

 

[Mrs_Orchidia]

البدو اهل المعرس يتكفلون
الحضر العروس و اهلها يتكفلون و هكذا

 

[FoFa stylish]

بحكم اني بدوية انا اقول ان احنا العروس بس تتجهز
العرس من الالف لي الياء على اهل المعرس من بوفيه و كوشه و طقاقه و حجز صالة و الشقه و الخ من غير الرجوع لمناقشه الزوجه بالامور

 

[رشا الهواء]

لا العروس ماله شغل كل شئ
على اهل المعرس بكيفهم