سؤال لاهل الذوق بنات الكويت الكشيخات

[@نوره@]

سؤال لاهل الذوق بنات الكويت

شحالكم ان شاءالله بخير
عرس اختي الاسبوع الياي
وابغي اعرف لون المكياج المناسب
ولون الشعر المناسب
للفستان
وهل لون الفستان بيمتني
لاني مليانه تحت
وشو الاكسسوارات الي تناسبه
هذا فستاني سويته عند ساهر بس خليته يضيف لي شوي شغل فيه

 

[@نوره@]

شحالكم ان شاءالله بخير
عرس اختي الاسبوع الياي
وابغي اعرف لون المكياج المناسب
ولون الشعر المناسب
للفستان
وهل لون الفستان بيمتني
لاني مليانه تحت
وشو الاكسسوارات الي تناسبه
هذا فستاني سويته عند ساهر بس خليته يضيف لي شوي شغل فيه

 

[قاهره عذالي]

مكياج يكون رملي
مثل غروب الشمس

هذا مكياج ذهبي بوردي فاتح

وفي يكون مكياج برتقالي مشمشي بشادو ذهبي

او تختارين مكياج بني راقي ومو دفش

ممكن بحمرة برتقاليه مثل الصوره


او
بحمره ورديه اذا تحبين

وفي هم مكياج حلو بعد بهالصوره

مكياج غروب الشمس فيه هالالوان الترابيه المدموجة بالبرتقالي الخفيف المايل للبني الفاتح

نفس هالصوره

او شوفي هذا المكياج

إذا كان لون الظل عنابي يفضل دمجه بالوردي أو الذهبي أحيانا أوالبيج أو الاسود ويفضل معه بلاشر باللون الوردي أو العنابي الفاتح جداً ويفضل الروج لونه وردي فاتح أو عنابي بدرجاته
يعني عنابي دمج بوردي وذهبي وحمره ورديه


اكسسوارج يكون لونه ذهبي

او اللولو اللي تحسين فيه لون مايل للذهبي

يعني يكون قريب من الفستان

لان احس الثوب ابيض او بيج في لمعة ذهبي او بيج لامع وموفقه

 

[na3ooma79]

حياااااااااااااااج الله اختي ..........
من شهر كان عندي عرس حماي وكنت لابسه نفس اللون تقريبا طبعا انا ادري الكل راح يقولج حطي مكياج بني .....وانا حبيت اغير شوي ابي شي جديد وغريب ما احب الشي المكرر فحطيت مثل المكياج الي بصوووورة وخليت خبيرة التجميل تزيد البني من الاطراف وحطيت حمرة عنابيه طبعا الكل انهبل على مكياجي وكان شي حلو وكسرت قاعده ان لازم مع الذهبي سموكي البني وبس..........وكملت اللوك بصبغة شعري صبغت لون الشوكليت مع خصل كستنائي فاتح لولايت احلى من الهايلايت عندي احلى وكثير دارج هالايام ............​

 

[توام قلبه]

رد: سؤال لاهل الذوق بنات الكويت

هلا حبيبتي
بالنسبه للشعر درجات البني تطلع حلوه عليه
والمكياج انا اشوف المشمشي بدرجاته تمشي مع
الالوان الترابيه واحلى
والاكسسوار لاتلبسين عقد رفعي شعرج ويفي والبسي
تراجي كبار وبارزه مع خواتم طبعا واسواره
وبس
اتمنى اني فدتج​

 

[المستغفرة 74]

رد: سؤال لاهل الذوق بنات الكويت

اتوقع هاللون يمشي معاه الوان متعددة بس احلى شيء الفوشي او البنفسجي وخلي شعرج مفلول مع بفة شوي وحطي اكسسوار بشعرج ناعم فية لون المكياج الي بتحطينة واذا حلوة عليج القذلة سويها وتراجي كبار بدون عقد وحلو لون الشعر الاسود اتوقع احلى شيء

 

[caramella <3]

البنفسجي خيااااااااااااااااال مع الذهبي .. حطي ميك اب بنفسجي مع حمرة لحمية شوي قامجة راح يطلع شكلج خطييير و الشعر رفعيه رفعة خفيفة و الاكسسوارات لبسي بس تراجي مع اسوار و ساعة و خاتم ( لا تلبسين عقد ) لان الموضة الحين جذييييييه و لو اعرف احط صور جان حطيتلج و الله ...

 

[لحون العود]

مااقصرو البنوتاات ~

 

[رومانس آيدياز]

رد: سؤال لاهل الذوق بنات الكويت

لون شعر نجوى كرم ببرنامج اراب قوت تالينت
او عموما درجات البني

والمكياج على حسب لون بشرتج
بس عموما البيج واللحمي والذهبي والمشمشي

 

[MiSS B.K]

رد: سؤال لاهل الذوق بنات الكويت

up up up

 

[قاهره عذالي]

ه>ا المكياج حلو
شدو ذهبي مخملي مع بني وحمره لحميه فاتحه جايه على وردي

وهذا بعد حلووو

شوفي شنو كاتبين عن طريقته

أذا كان لون الظل بني يفضل معه دمج لون البيج أو الذهبي أو البرتقالي،،أو البرونزي، ويفضل معه البلاشر البرتقالي او البيج،،،،ولون الروج البيج والبرونزي ،،،والبرتقالي الفاتح
حيل حلو هالمكياج واحسه سهل بس الحلو فيه الالوان

وهم هذا حلو
مبين الحمره تحديد بني او عنابي خفيف مع حمره لونها برتقالي جاي على لمعة وردي يعني تحسينه مشمشي باهت
والشدو ذهبي ببني بدمجة شوي برتقالي فاتح

 

[@نوره@]

بصراحه


ما قصرتو
وصدق ما خاب ظني
راعيااااات ذوق وكشخه
والموضة تبدي من عندكم
فديتكم والله

 

[@نوره@]

رد: سؤال لاهل الذوق بنات الكويت

حبايبي والله ما قصرتو
في الموضوعين رادين علي
وكل رد احلى عن الثاني
مشكووووورين
فديتكم