سؤال لاطلعتي من مستشفى الولادة وين تروحين هل لبيت اهلك والا تمرين بيت اهل زوجك

[نفسي بيبي]

السلام عليكم ورحمة الله وبركاتة
كيفكم وش اخباركم اسال الله ان يسهل الولادة علي وعليكم وجميع المسلمين

انا ياطوبلات العمر ساكنة باالرياض واهلي في منطقة ثانية تبعد عن الرياض تقريبا 400 كيلو تقريبا
المهم انا ان شاءالله بولد باالرياض عند زوجي طيب

ومحتارة لاطلعت من المستشفى هل امر بيت اهل زوجي والااسافر سيدا لااهلي وللمعلومية انا ساكنة مع اهل زوجي يعني ماادري هل اسافر بدون مااوريهم البيبي والا لاطلعت من النفاس على خير يشوفونة
وش رايكم انصحوني مرررة محتارة يعني اخاف يشرهون علي والا عادي انتم تسون كذا احس ذاك الوقت بيكون مالي خلق احد وتعبانة صح والا غلطانة

وانا متضايقة من خالتي ام زوجي تقول لوجيتي للبيبت ماراح نجي لمك لبيت اهلك انتم انصحوني

 

[دلووعة أهلهاا]

الله يسهلج ويقومج بسلامه حبوبه ... انا أشوف حريم أخواني يجون يقعدون عندنا أول مايطلعون من المستشفى بس ساعتين ويروحون لأهلهم .. وانتي لاولدتي على خير قعدي عندهم يوم وثاني يوم سآفري لأهلج على الأقل ترتاحين شوي لان وراج طريق سفر ومنهآ تراضين خآلتج

 

[نفسي بيبي]

هلاقلبي دلوعة اهلها ماادري محتارة ودي اروح لااهلي مالي خلق احس بكون تعبانة خاصة اني بكرية

 

[قلب الزعابي]

أنا اول ماطلعت رحت بيت اهل ريلي قعدت كم يوم لان اصلا ولدي عطوه موعد بعد الولاده ب٣ايام فقعدت عند اهله ومأطلعت من غرفتي هم يجوني
لين خلص الموعد رحت بيت هلي
عادي اختي روحي عندهم وبعدين سافري لاهلج
اصلا بيكون السفر تعب لج وللبيبي خاصه انج مابتقدرين تقعدين وغير الم الخياطه
ااه أنا تعذبت وانا رائحه بيت هلي ماكنت اقدر اقعد فالسياره
والراي الاول والأخير لج ولزوجج أنتو تقررون

 

[مواصله]

طيب لاتحاتين يمكن هم يجوون لج المستشفى ،،واذا ماجاو روحي عندهم ساعه خليهم يفرحون فيج

خصوصا اذا كانت خالتج وعمج كبار بالسن

 

[OM ZAHOOR]

اهو المفروض تروحين بيت اهل زووجج اول بعدين تسافرين لاهلج

 

[حوررريه]

الله يسهل ولادتج ويقومج بالسلامه من رايي بما انج ساكنه معاهم من الاحسن تمرينهم شوي ساعه ساعتين او اول يوم وثاني يوم سافري ولد ولدهم لا تنسين يبون يشوفونه..

 

[شـيـوخـهـ]

ليش المفروض تروح بيت اهل زوجها اول !!

مدام خالتج قالت لج لو ما جيتي عندنا بتزعل روحي ارضيها اخاف تحطها بخاطرها

بس نتكلم بشكل عام المعروف ان اهل الزوج يجون المستشفى يشوفون ولدهم ويتطمنون عليج والوالده من تطلع من المستشفى تروح بيت اهلها وينها ووين تروح لحد اذا القعده ما تقدر تقعد من الخياط اشلون ترتز عند الناس حتى حريم اخواني تطلع من المستشفى تروح لاهلها وما نزعل ولا نحط في خاطرنا الله يعينها ووينها ووين الجيه عندنا والقعده معانا احنا نروح لها بالمستشفى ونروح لها بعد في بيت اهلها وعاادي علما بانهم عايشين معانا بالبيت

بشكل عام الوالده ما تروح الا لبيت اهلها ولا تطلع بالاربعين الا لضروره عشان التعب والولاده والبيبي الي تراعيه

بس مدام بيصير فيها زعل لا والله اكسري الشر ومريها ونامي ليله ومن الصبح سافري عشان منها تكونين مرتاحه ولا ياخذونفي خاطرهم عليج

الله يسهل عليج ويقومج بالسلامه

 

[الـفـجـر الـبـعـيـد]

هو المفروض تطلعين من المستشفى وتروحين بيت اهلج ترتاحين

بس بما ان بيت اهلج بعيد سفر يعني وانتي ساكنه عند اهل ريلج

لا قعدي عندهم يوم ارتاحي وخليهم يشوفون البيبي لان ماراح يقدرون

يسافرون لج عشان يشوفونه وبعدين توكلي لبيت اهلج

والله يقومج بالسلامه ان شالله

 

[توتا حمرا]

أنا طبعا رحت بيت اهلي لأن اصلا كنت بحالة صعبة ومتأصلة اتحرك واروح واقعد
بس انتي بحكم منطقتج موحلوة يظلون طول النفاس بنتج او ولدج ما يجوفونه
روحي وريهم البيبي وقعدي الفترة اللي ترتاحين لها وبعدين روحي لاهلج

 

[رنين]

الله يهون عليج....

انتي ادري ايهو انسب لج خاصه الموضوع فيه سفر و طبايع تختلف..

لكن نصيحه روحي عند اهلج قبل الولاده...
السفر و انتي حامل اهون وااايد من عقب الولادة بيومين .
جذي اصلا اريح لج...



و بكل الاحوال الشي الي انتي محتاره حيل فيه استخيري ربج و ان شالله يسنع لج الي فيه لج الخير و الصالح

 

[ام الحلوااات]

ليش المفروض تروح بيت اهل زوجها اول !!

مدام خالتج قالت لج لو ما جيتي عندنا بتزعل روحي ارضيها اخاف تحطها بخاطرها

بس نتكلم بشكل عام المعروف ان اهل الزوج يجون المستشفى يشوفون ولدهم ويتطمنون عليج والوالده من تطلع من المستشفى تروح بيت اهلها وينها ووين تروح لحد اذا القعده ما تقدر تقعد من الخياط اشلون ترتز عند الناس حتى حريم اخواني تطلع من المستشفى تروح لاهلها وما نزعل ولا نحط في خاطرنا الله يعينها ووينها ووين الجيه عندنا والقعده معانا احنا نروح لها بالمستشفى ونروح لها بعد في بيت اهلها وعاادي علما بانهم عايشين معانا بالبيت

بشكل عام الوالده ما تروح الا لبيت اهلها ولا تطلع بالاربعين الا لضروره عشان التعب والولاده والبيبي الي تراعيه

بس مدام بيصير فيها زعل لا والله اكسري الشر ومريها ونامي ليله ومن الصبح سافري عشان منها تكونين مرتاحه ولا ياخذونفي خاطرهم عليج

الله يسهل عليج ويقومج بالسلامه

:eh_s(9): :eh_s(9): :eh_s(9):
صــــــــح لــــســـــانـــــج وتـــســـــلـــــم ايــــــدج
كــــــلامــــج عـــيــــن الـــعــــقـــــل​

 

[al6aylaaa]

لااا طبعاً لاازم تروووحين لبيت اهل رجلك ويشووفون البيبي ويتطمنوون عليك عقب ترروحين اماا لوو اهلك اهني المفروض ع طوول بيت اهلك

 

[shak!shoka]

روحي بيت اهلج ع طول
الصراحه انا غلطت عمري اني اول ما ولدت رحت بيت اهل ريلي اول
لقيت خالتي مجمعه خواتها و حريم خوانها و مسويتلهم عشا وانا كنت تعباااانه حيل و الخياط ذابحني و غير جذي بجر و الله ما كنت عارفه اتصرف و طول الوقت فيني البجيه لازم ارضع و مستحيه و مو عارفه و البيبي كل شوي يبجي مع لوية الاس قعدت ٣ ساعات والله طول الوقت خانقتني العبره و دمعتي بعيني

و حتى عبايتي تسد النفس ومو قادره ع العطور و البخور

اوف لا تذكرني

ولادتي هاذي على طول بيت اهلي لوووو منو يزعل مالي شغل الزم ما علي راحتي


واناي شوفي الي يريحج و يريح ريلج و سويه

 

[shak!shoka]

بس انا ترا اهلي مو بعيد عن بيت اهل ريلي يعني عشر دقايق مو مثلج الله يكون بعونج و يسهل عليج

 

[@سيدة نفسي@]

انا من راي الاخت اللي قالت روحي بيت أهلج قبل الولادة

أريحلج بصرااحة من السفر بعد الولادة ,, الله يكون بعونج

 

[إم بــــرٍآك]

عسى مآشر شنو يزعلون ؟؟؟ انتي وآلده وتعبآنه وخيآطه المفروض يجونج المستشفى اهم شي راحتج صحتج بالدنيآ والخيآطه بتعورج أكثر من ثآني يوم حتى مآبتقدرين تقعدين لآزم بأسرع وقت تروحين بيت أمج إلا اذا بتقعدين بيت أهل زوجج إسبوع بكيفج
بس من رأيي لآتزورين احد الي يبيج ويبي يشوف اليآهل يزورج بالمستشفى او في بيت امج وإم زوجج المفروض مآتقول هالكلآم أهي ام عيآل وتعرف التعب ..كلآمها غير منطقي

 

[أأأميرة الورد]

الله يسهل عليج
مري اهل زوجج وبعدها ساافري
عاااادي مو مشكله خل يفرحون ويستانسون بحفيدهم

 

[زين ودلال]

والله مادري !!!

انا اول مره اسمع ان الوحده اذا ولدت ونفاسها ابيت اهلها تروح بيت اهل زوجها اذا طلعت من المستشفى !!!!!!

بس على حسب حالتج وظروفج !

انا اللي اعرفه اهم اييون المستشفى وعقب ايون البيت مكان نفاسها

 

[زين ودلال]

واذا كلش كلشششش اهم لازم يقدرووون وينطروون لما تطلعين من نفاسج والياهل مهو طاير ان شاء الله مردهم بيشوفونه وبيملون منه

ولا اني اروح مني ومني وانا توني وااالده !!