سؤال لأولياء امور طلبة المدارس الخاصة

[أحـلام * ورديـة]

السلام عليكم امهات

ان شا الله مرتاحين ..


سؤال هل كل امهات الطلبة اللي في المداري الخاصه يعرفون انجليزي

واذا ما تعرفين شلون تقدرين تدرسين ولدج او بنتج

لاني انا بدخل ولدي مدرسه خاصه عشان يتعلم لغه

بس خايفه اني ما اقدر ادرسه او ما اعرف

لاني مووو ذاك الزود اعرف انجليزي

بليييز جاوبو بنات وفيدوني

 

[نونيشو]

السلام عليكم
لازم تدخلينه من اولى روضه وبالروضه للدراسه سهله abcs والأرقام وكلمات بسيطه وبعدين أهما يأسسونه عدل وراح تقدرين تدرسينه.

 

[أحـلام * ورديـة]

السلام عليكم
لازم تدخلينه من اولى روضه وبالروضه للدراسه سهله abcs والأرقام وكلمات بسيطه وبعدين أهما يأسسونه عدل وراح تقدرين تدرسينه.

اول شي حبيبتي مشكوره على ردج

وانا ولدي بدخله مدرسة الكويت الوطنية الانجليزية

كي جي 1 يعني اولى روضه

 

[شانيل نمبر 5]

ان شاءالله تقدرين
حاولي تستعملين الترجمه
بدايه اكو صعوبه...بعدين تتعودين
اذا صعب عليج جيبي مدرسه

 

[Aloe Vera]

راح يكون صعب عليج تتابعين معاه اذا كبر و صار ابتدائي بتتعبين
و اذا انتي مو قوية باللغه احتمال اهو يظل ضعيف و ينجح عالحفة

انا ملاحظة اللي اهاليهم مايعرفون انجليزي عل عيالهم درجاتهم واطية

و انتي استخيري

 

[M!SS.LOBY]

حاولي تتعلمين معاه اذا ما عندج قدرة

 

[om mido]

لا تحاتين لغتج
اول شي بالروضه راح يكون بسيط الانجليزي
وعقب انتي راح تكونين متابعته فراح تلقين نفسج قاعده تتعلمين معاه لان بالابتدائي ما يكون التدريس صعب
وعقب بالمتوسط المفروض يكون اعتمد على نفسه وما يحتاجج

 

[M!SS.LOBY]

أخذي دورة لغة انجليزي وتطوري بالمعلومات

 

[ليلى رمضان]

رأيي لازم تكون الأم على دراية باللغة الإنجليزية ولو 60%

مثلا انا مستواي بالإنجليزي جيدجدا وبنتي بمدرسة أمريكية أولى ابتدائي

أمانه اللي مساعدني ومساعد بنتي لغتي لاني أساعدها مرات في حل الواجبات ومرات ما أفهم شنو المطلوب وحتى اهي تمر عليها كلمات يديه فتحتاج مساعدتي

فإنتي اذا لغتج ضعيفة عالأقل خلي ولدج أو بنتج تتأسس بالإنجليزي حتى الصف الخامس وبعدها نقليه للحكومة لانه راح يكون صعب عليج متابعته
أو اهو يكون متأسس قوي بالإنجليزي وشاطر اللي ما يحتاج وايد مساعدتج
جذيه تتطمنين أكثر على مستقبله وما تقطين فلوسج وبالنهاية ما يفلح


تحياتي

 

[ليلى رمضان]

اذا استصعب عليج كلمه بالانجليزي الله يعافي قوقل أو سالي بنات المنتدى انشالله نساعدج

 

[برونزية رشيقة]

راح يكون صعب عليج تتابعين معاه اذا كبر و صار ابتدائي بتتعبين
و اذا انتي مو قوية باللغه احتمال اهو يظل ضعيف و ينجح عالحفة

انا ملاحظة اللي اهاليهم مايعرفون انجليزي عل عيالهم درجاتهم واطية

و انتي استخيري

نفس الراي .. إذا أنجليزتج ضعيفة مراح تعرفين تدرسين الولد وبينجح عالحفة بأولى وثانية ابتدائي .. وبعدين راح ياكلها لمن تتصعب المواد !!!!

فقرري من ألحين علشان ما تاكلينها بعدين:bbbiu:

 

[M!SS.LOBY]

فكرة تعلمي من العم قوقل

 

[NAWAL.D]

ربي يوووفقك ولدج اخذي دوره انجليزي اذا كنتي ماتعرفين بللمره تستفدبن ووتساعدين ولدج

 

[bambena]

لازم نعرفين

 

[M!SS.LOBY]

ضروووى تتعلمين اللغة الانجليزية

 

[fayoona74]

حبيبتي انا خرطي بالانجليزي وبنتي دخلتها امريكية والامور حلاوة والاكسنت ولغتها وايد زينه اعطيها جيد جداً واذا استصعب عليها شي اييب لها مدرس وخلصنا والحين البنت بسابع ومستواها زين وسويت لها اختبارات خارجية ونجحت الحمدلله حتى المدرسات بالابتدائي كانو يقولون كلميها انجليزي بالبيت عشان تتقوه كنت ارد انا ماعرف ولا احب انسلخ من جلدتي حدها تتكلم انجليزي بالمدرسة
العربي لج عليه بهالمدارس فلازم تتعبين عالولد بالعربي وتعطينه دروس خصوصة اضافيه وانصح وبقوة بحمزة الخياط ودمتم

 

[مفرفشة ومنعنشة]

اذا ولدج بيدخل اولى روضة فانتي بتتدرجين معاه وبتتعلمين معاه كل ما درستيه ، لانه بالبداية اشياء وكلمات بسيطة ، واي كلمة ما تفهمينها ترجميها ، ومع الوقت بتشوفين ان اللغة عندج تقوت

الموضوع بكون صعب اول شي بس شوي شوي بتمشي الامور ان شاء الله

واذا قدرتي تدخلين دورة انجليزي يكون افضل

 

[جوري الكويت]

رأيي من رأي مفرفشه و منعنشه راح تتدرجين و تتعلمين معاه بالتدريج

و خليه بس بالابتدائي يتأسس و بعدين وديه حكومه