سؤال غريب ادري بس ما عليه ساعدوني . استخدام مزيل العرق ؟؟

[رزه مرتزه]

السلام عليكم

بنات انا امي رافضة نستخدم مزيلات العرق تقول مو زينه فصرنا نستخدم شغلات طبيعيه ليمون والشبه وجذي
بس قريت مره ان الشبه بعد مو زينه 

المهم فريت على كذا موضوع عن ديودنت طبي وشكثر مدحوا كلينك ولويس ودمر وبايوت الرول

انا ابيكم تشرحون لي طريقة استخدامكم للديودرنت ، هل بعد كل استحمام ؟
واذا كنت اتسبح اكثر من مره باليوم عادي احط الديودرنت اكثر من مره باليوم ما فيها اضرار ؟

ساعدوني بنات الله يوفقكم :eh_s(7):*

 

[رزه مرتزه]

بناات الله يوفقهاا الي تسااعدني

والي ما تعرف ترفع الموضوع عالاقل

وتسلمون

 

[قطوووة]

حبيبتي المزيلات نوعين يكون مكتوب عالعلبة نفسها ..

الاول ديودرنت < الامن

مثل بايوت الرول .. بعد الشاور حطيه ..



الثاني مضاد تعرق < الغير امن



لذلك قبل لا تشترين شي انتبهي شنو مكتوب عليه

اذا ديودرنت اخذيه ع طول

 

[baby.bunny<3]

انصحج تستخدمين ديودرنت اللي مرة بالاسبوع يبيعونه بالصيدلية احسن شي اي شي ثاني بيسود اباطج

 

[مزيونه وشقره]

حبوبه الديودرنت عقب الشور مره وحده باليوم المره ثانيه عادي ممكن

افضل شي بايوت الرول

 

[ورد و عود]

مرحبا ومسهلا

اختى جربي ديورنت اللى انا اسويه

كله طبيعي وراح يبيض المنطقه

هذا رابط موضوعى
حياج الله
http://www.q8yat.com/t811846.html


والدودرنت تقدرين تستخدمينه مره وحده باليوم

اتمنى قدرت افيدج

 

[قطوووة]

اي صح
بايوت تحصلينه في صيدليه بوتس ب خمسه تقريبا

وعندج من الشايع هم اسمه كونفدنس حلووو وطبيعي

 

[رزه مرتزه]

مشكورين بنات والله يعطيكم العافيه

انزين اذا انا اتسبح اكثر من مره باليوم عادي بعد كل شور احط الديودرنت ولا خطر ؟

 

[bobo lover]

السلام عليكم...

شوفي، أنا عن نفسي لما أتسبح أغسل الابط بليمون أخضر وامسحه بماي بعدين والحمدلله زين معاي وما أحط مزيل عرق بالبيت إلا نادرا بس وما أنصحج تحطين مزيل عرق اكثر من مرة أو لو كنتي بالبيت لأن المنطقة بتسود عندج وحتى لو كان المزيل طبي لازم له اثار.
أهم شي اذا بتشترين مزيل عرق انج ما تقربين من المزيلات اللي بالجمعية لأنهم كلش مو شي! اتذكر استعملت ريكسونا قبل 5 سنين والله طلع لي ورم بالابط ورحت الطبيب وطلعت حبة على ورم مادري شلون اشرحلج بس المهم انها انبطت الحمدلله بس اسودت المنطقة عندي بشكل مو طبيعي.

روحي للصيدلية واشتري مزيل للعرق مثل ما ذكرت الاخت اللي قبلي " ديودرنت" مو مضاد للتعرق وبالانجليزي "anti-perspirant" لأن المضاد يسبب سرطان الثدي الله يكافينا شره.
أنصحج بفيتشي الرول وفي نوعين: واحد غطايته بيضة بدون ريحة والثاني غطايته خضره بريحه. اختاري اللي يعجبج وسعره ب 4 وشي. جربت بايوت وكلش كلش ما مشى معاي! جني مو حاطة ديودرنت.
وفي طريقة حلوة بعد، عند الشايع كريم كونفدس للعرق ماله ريحة وامن، اخلطيه مع مسك العروس من القرشي وشمي ريحتج لي عرقتي وبس

واسفة طولت عليج

 

[منو انت]

انا استخدم واحد وانقطعع من السوق والحين تبهدلت كل فتره نوع ان شاءالله استفيد معاج من ردود البنات



ررررفــع

 

[UNICORNA]

الديودرانت يووميا بعد كل استحمام تغسلين الابط عدل وتحطين الديودرانت

ولو تتغسلين اكثر من مره حطى بعد كل استحمام بس لو انك بالبيت لا تكثرين

 

[همس الهموسات]

بعد كل استحمااام اذا بتخرجييييين وبس