سؤال عن Nokia N96

[q8_hala]

من كم يوم اشتريت جهاز Nokia N96
بس المشكله انه صناعته صينيه
وسألت كم شخص يشتغل في محل يقولي الحين اللي نازل كله صناعة صينية مافيه فنلندي
وقالي لا تخافين هو صج صناعه صينية بس اصلي
وقال انه فيه شركة بالكويت تشيل الملصق الصيني وتحط الفنلندي يعني قاعده تغش فيه
مادري هالحجي صج أو لأ
ياليت اللي عندها احد عنده محل تلفونات تفيدنا

 

[spanish-girl]

صح حبوبه بس مو كل الاجهزه وانتي فكري فيها مو معقوله شركه تخسر سمعتها عشان لزقه وبعدين في اجهزه من بدايه شهر 1 بعضهم ايي منهم فنلدي وبعضهم صيني واذا تبين اتاكدين بطلي البطاريه واقري من داخل شنو صناعته ومن الكرتون من بره ولا تاخذين من اي مكان مو معروفه كفالته

 

[spanish-girl]

وn 96 كله ايي منه صيني مافي منه فنلدني

 

[q8_hala]

مشكوره حبيبتي spanish-girl على الرد

 

[قــ القلوب ــوت]

والله اختي ماعرف بس في طريقه تعرفين صناعة الجهاز وين من السريل نمبر
جربيها وتأكدي من جهازج

اضغط هذا فى جوالك بالترتيب من اليسارالى اليمين
#06#*

وبعدها راح يطلعلك السريل نمبر الخاص بالجهاز

عد من اليسار شوف الرقم السابع و الثامن

لو طلع 00 فنلندي اصلي

لو كان 20 او 02 فهذا يعني انه تم تجميعه في دولة الامارات و انه ليس بكفاءة الفنلدي طبعا ولكنه اصلي من ناحية المكونات

لو كان الرقمان 08 او 80 معناه انه من صنع دولة المانيا وانه جيد و لكن ليس بنفس جودة الاصلي

لو الرقم 01 او 10 معناه انه صنع فنلندا او المجر في قليل من الاحيان وهي درجه اقل من الفنلدي الذي يحمل رقم 00 و كذلك اقل من الالماني الذي يحمل رقم 08 او 80

و اخيرا و نادرا ما يكون الرقم 13 و معناه انه مجمع في دوله ازربيجان و هي درجه رديئه جدا

ان شاء الله يفيدونج هالمعلومات ويكون جهازج أصلي .. بس حبيت استفسر اختي بجم شريتيه؟

أبي اعرف سعره الحين لأني أفكر اشتريه

 

[q8_hala]

أختي قوت القلوب آسفه على تأخري بالرد

ومشكوره على المعلومات طلع جهازي 02 يعني تجميع
هو قالي انه تجميع والقطع مالته اصليه

وبالنسية للسعر اشتريته 164 دينار نقص لي دينار بس عشان اشترينا منه تلفونين وبدون هديه طبعا

 

[فيونكه فوشية]

نوكيا نقلت مصنعها الي يورد للشرق الأوسط للصين لأن العماله أرخص

وكل تلفونات نوكيا من n 78 للي وراه صيني والفنلندي راح ينزل لأفريقيا وأوروبا وامريكا بسسسسس

اما الصيني فهو تجميع لأن القطع الأصلية من الشركة الأم مثل كل المصانع الي بالعااالم لها مصانع بالصين لكن تشتغل لصالح شركة

أجنبية ..

الفرق فقط العمالة

لكن انا لاحظت ان أجهزة نوكيا بهالفتره رديييئه

لو يردون الفنلندي أحسن ..

 

[q8_hala]

شكرا اختي فيونكه فوشية على التوضيح
يا ليت والله يردون الفنلندي