هاي ^_^ اول شي مبروك عليج الهامسترز .. يهبلووون يحلاتهم وحتى القفص وايد حلو و غريب .. ^_^ .. عليج بالعافيه
السؤال الاول .. شنوؤ نوؤعهم انا البايع قالي هوؤلندي بس شكله يجذب لوول ..؟
نوعهم سوري على حسب معلوماتي .. حبيبتي ماكو نوع هولندي لا يقصون عليج .. في الروسي والسوري والصيني ..
السؤال الثاني .. ليش كله يطقوؤن بعض ويتهاوشون وياا بعض ..؟
تأكدي منهم .. في 3 حالات :
1- يا اما يكونون نثــيتين
2- يا اما يكونون ذكرين
3- النوع السوري يعيش انطوائي يعني لازم كل واحد بقفص .. بس انا الي عندي اخليهم مع بعض ماعندي مشاكل ( يعني في ناس تضبط معاهم انهم يعيشون مع بعض وفي ناس لأ .. غالبــية الناس بيقولون لج يتهاوشون .. بس انا الي عندي عادي ) .. فصليهم علشان تتطمنين اكثر ^_^ بس اذا ماكانو يتهاوشون وااااايد خليهم وبيتعودون على بعض
وفي احتمال انها تكون حامل ..
السؤال الثالث .. جم اعماااااااارهوؤوؤم ..؟اعمارهم ما تقدرين تحددينها بالظبط جم بس اعتقد مو اكثر من شهرين لأنهم كبر الي عندي .
السؤال الرابع .. الذكر حطيته بقفص حيل صغييييير عادي ولا مو عادي ..؟وفري له مكان واسع يقدر يتحرك فيه + اكل + ماي + عجله + انفاق + المكان يكون هادي .. وانشالله بيكون بخير ^_^
السؤال الخامس .. ليش النثيه تحك نفسها وايدمو مثل الذكرر وتسوي حركات بريلها تمدها مادري شلوؤن الهامستر طبيعته ينظف نفسه دايما .. وهذا شي طبيعي بتلاقينها تلحس شعرها وخاصه بالمناطق السفليه .. و اذا تلاحظين لما تمسكينهم وترجعينهم للقفص بيظلون يلحسون الشعر ينظفونه ..
السؤااااااااال الساااااادس .. تييب اعياااااال واهيا جذي عنونو؟الهامستر يبلغ من عمر 3 اشهر .. هذا المكتوب بالمنتديات
بس انا هامسترتي الروسيه الحين عمرها شهرين .. وحامل ^_^ ..
وهذي معلومات عن التكاثر من مواقع ثانيه
( تنضج الإناث بعد 7 أسابيع من ولادتها وتلد كل مرة 6-12 صغير وتضع من 2-3 بطون في السنة خلال الربيع والصيف )
(ماذا تعرف عن التكاثر عند القوارض؟
تمتاز القوارض بسرعة التكاثر، إذ باستطاعة زوج واحد من الجرذان / ذكر وأنثى/ أن يتكاثر إلى مجموع قدره 15000 جرذ خلال ثلاثة أعوام تحت الظروف المثالية من توفر الغذاء والماء واستبعاد الأعداء الطبيعية المنافسة.
وهي تتكاثر طول العام وتنشط في فصلي الربيع والخريف، تنضج الإناث جنسياً مابين الشهر الثالث والرابع بعد ولادتها، ويمكن أن تضع من 5-7 بطون في السنة تضع في كل مرة 7-8 صغار أما الفأر المنزلي فينضج جنسياً بعد شهرين من الولادة وتحمل الأنثى من 6-8 مرات في السنة وتضع 6 صغار بالتوسط في كل بطن .
يعيش الجرذ حوالي 12 شهراً أما الفأر المنزلي فيعيش 8 أشهر وتكون الأنثى بشكل عام أطول عمراً من الذكر وتتميز بوجود غدد لبنية على الصدر أو البطن يتراوح عددها من 1-14 زوج.)
وانشالله تكونين استفدتي ..
تقــــــ daloo3ah ـــــــبلي مروري
..؟
