سؤال عن مكتب الدخنان للعماله المنزلية ؟؟؟؟

[الام المحبه]

مرحبا كويتيات
يعطيكم العافية
اعتقد كلكم تعانون مثلي من مشكله العماله المنتشرة بالكويت وارتفاع اسعار المكاتب
:0bee2e8d89::0bee2e8d89::0bee2e8d89:
وبصراحة حبيت اسال عن مكتب الدخنان والي تعاملو وياه بالتحديد
شلون اسلوب المكتب ؟
هل مواعيدهم مضبوطه مع الزبون او لأ ؟
شلون مستوى العاماله الي ايبونها ( يعني العماله من قري ويكونون داثرين وراعين مشاكل أو عماله ذربه وفعلا تبي تترزق الله ) ؟
هل اسلوب العمالين بالمكتب مع الخدم زين او لأ ؟
ارجوكم لا تبخلون على بالرد السريع
ويعطيكم العافية

 

[ابلة رسم كتكوته]

ترا المكتب ماله شغل
اهو على النصيب
والناس اجناس
انا خدامتي فلبينيه طلبتها من مكتب كلش مو معروف بمجمع الرميح وكان سعرها رخيص
وب280 دينار
وكاهي صار لها 6 سنوات عندي مشالله
بس الحين بتروح تتزوج
وطلبت وحده ثانيه من مجمع الرميح لاني ابي فلبينيه وقصب لقينا طلب لانه الفلبن صارو قله
والله يسخرها ان شالله

 

[الكويت غالية]

تصدقين داشة ابكتب عن احسن مكتب طلبو منه البنات

وقريت موضوعج وقلت خليني ارد عليج

انا خدامتي اندونيسية خذيتها من عندهم والحين خلصت اقامتها ومددتلها 3 شهور يعني اول شهر 3 بتسافر

ودقيت عليهم ابي اطلب من عندهم قالولي طلبات اندونسيا خالصين من عندهم صدموووووني

والله كل ما اذكر انها تبي تسافر احس تحوشني كأاااااااااابه ما ابيها تسافر ماشاء الله عليها ايدي اليمين

ما اقدر اسوي شي بدونها بس شسوي هم تبي تشوف عيالها

وبالنسبة لاسئلتج والله ياقلبي ماله خص عل

وى قولة الاخت ابلة رسم كتكوتة اهي حظ ونصيب

واذا على المكتب للامانة تعامله من اروع مايكون وعجبني بس حسافة ماعندهم اندنوسيات الا كبااااااااااار

 

[احب الكاكاو]

انا طلبت منهم فلبينية بعد 45 يوم دقوا قلت ها استلمها قالوا لا كنسلت ما تبي تجي ماشاللله بعد 45 يوم توكم تقولون عمتي ما تبي تجي
ما حبيتهم ابدااااااااااا

 

[الام المحبه]

مشكورين عالردود
ولكن انا اقصد اسلوب التعامل يعني لما يقول راح توصل عقب شهر ( اوكي عقب شهر ) أو شهرين ( اوكي عقب شهرين ) حتي لو يصير في تاخير يكون ايام وبالكثير اسبوع مو أشهر
مرة مكتب قال يراح توصل عقب 45 يوم قلت له انا بنطر شهرين والخادمة ما وصلت الا بعد 5 شهور بقيت امووووووووووووووووت لان خدامتي راحت وتوهقت ما عندي أحد واليهال باجازة ( اجازة الصيف ) كانوا البيت وما عندي أحد اضطريت ان كل يوم اوديهم عند خالتي
حبيبتي أحب الكاكاو ... والله كلامج يحر وعقب ما نطرتي 45 يوم الاخت ما تبي تيي ؟!؟!؟!؟!؟!؟!

انا اقصد هل المكتب امين ( وسوري للفظ ) عنده كلمة وما يلف ويدور ولا يكذب او يغش بالمواعيد
لان الخدم ببلادهم يدورون مكاتب معينه يقدمون فيها طلبات العمل واصحاب المكاتب هم اهم يقبلون طلبات معينه من مناطق معينه ( لانهم ما يبون مشاكل وبحافظون على سمعتهم )
فهل مكتب الدخنان من هالمكاتب ؟؟؟؟؟؟؟؟؟؟؟؟؟

 

[الــــراسيـه]

الخدم حظ
انا توني ييابه من عدنان العلي
فلبينيه
قالو مريضه
وعطوني وحده بدالها توها واصله كنسلت الفيزا وحطيت اقامه
من القرى بس عيبها ماتعرف انجليزي تطقطق بس اشوه عندي ثانيه تعلمها وشوي شوي
بس الدخنان مره خذيت منهم جننوني بس من 10 سنوات
كان تغير مادري عنه

 

[سدرة السدر]

الدخنان يجيب خدم والسلام يعنى حتى الكتابه ما يعرفون نصيحه لا تجيبين منهم مكتب خالد ابراهيم فى حولى تخصص فلبين ممتاز انا خذيت 2 منه يهبلون

 

[سبائك من ذهب]

نصيحة اختى لاتعاملين الدخنان قطعية معاملتهم زفت لاباركت فيهم تهاوشت وياهم جذابين وحرامية وع عليهم شوفى مكتب احد مجربة يعنى ثقة والا الدخنان خلية ولى عنج

 

[الحبيبه الدبيبه]

لالالالالالالا الا مكتب الدخنان مواعيده غير مضبوطه ومو امين كلش ومعاملتهم زفت زفت زفت
انا 3 مرات اطلب منهم وفي كل مره تطلع لي مشكله
الاولى كانت لسايق ممنوع من الدحول الى الكويت لارتكابه جريمه مادري ليش حاطين صورته في الملفات عندهم
الثانيه سويت على فلبينيه وقالو لي 45 يوم وتوصل وبعد شهرين اتصل عليهم اسأل عن سبب التاخير قالو لي انها كنسلت ماتبي تيي الكويت من اول ما وصلتها الفيزا ولما حاجيت مديرهم الكويتي قال انا ماطكيت عليج الباب وقلت لج تعالي اخذي من عندي .... قليل الادب
الثالثه مرة اخوي سوت عندهم حق طباخه حسب المواصفات المكتوبه في ملفها ولما وصلت الكويت ماتصلح حتى خدامه
مكتب الدخنان غشاش غشاش انصحج ماتفكرين تمرين حتى في شارعه روحي مجمع الرميح اي مكتب فيهم وانتي ونصيبج ع الاقل اهم زينين ومعاملتهم زينه ويبقى حظج مع الخادمه فقط مو الدخنان السيئ من جميع جوانبه

 

[ام دودو المزيونه]

حبيبتي مثل ما قالوا لج الخوات اهو علي الحظ اول خدامه طلبتها من عندهم سيلانيه من حوالي سنتين و9شهور ( عمر ولدي يت يوم ولادته )قالي شهر و10 ايام وفعلا علي الموعد ويوم سافرت طلبت وحده ثانيه من عنده لعوزونا بعد شهر ياله قالولنا مريضه وطلبت من مكتب ثاني بالرميح وهم ننطر وبعد شهر واشوي قالوا طلع فيها سكر وعلي هالحاله بين المكاتب الي تطلع حامل والي تغير رايها والله وكيلج والدخنان نمر عليه نفس الطلبات القديم الي من شهرين واكثر شايفتها عنده يقولي لسه واصله له جذاب
ويوم مل ريلي قالي خل نجرب الدخنان الي بالفحيحل وفعلا طلبت منه وننطر شهرين و15 يوم ياله شرفت حضرتها والمكتب كل ما يدق عليهم ريلي يصبرونا بشويت كلام هي حاجزه بوكيت علي الطياره بس وينها ياللله اوصلت يوم ا بنكنسل الطلب
اختي والله علي الحظ وحتي خدمهم علي الحظ
ونسيت اقولج يوم راح ريلي مكتبهم بالفحيحل يسأل عن خدامتي لقي المكتب امكسر والواجه متكسره والزجاج ابكل مكان طلع كويتي متهاوش مع المصري لنفس السبب صارله فتره ينطر خدامته وبالأخير ما اوصلت
وامي ملت من الدخنان فقيره تخيلي كل ما تدق يقول لها خدامتج اسمها امبين بالكمبيوتر عندنا راح توصل وبالأخير تطلع الخدامه مريضه وما بلغ الوالده بس يعشمها وعلقها شهرين و تطلبلج من مكتب بالديره غير معروف وخدامتها توها واصله كبيره بالعمر بس ماشاء الله هبت ريح وكاروفه عكس الثنتين الي عندي شباب وشالعين جبدي ببرودهم وكل شيئ انا اقوله لهم عليه وعشتو وحده منهم مو عاجبها تتعلم الطباخ والعجوز الي عند امي يا حلو طباخها
والله يوفقج بخدامه سنعه تشيلج البيت شيل

 

[:: Diva ::]

نصيحه
وخري عنهم حسبي الله عليهم يلوعون الجبد

 

[ام ياسمين]

صيحة لوجه الله نصاااااااااااااااااااااابين وجذااااااااااااااااابين

ردينا خدامتنا ثاني يوم ما تبي تشتغل ولي 4 اشهر يا اللة سفروها بعد ما شغلوها وطلعو فلوسها باليومية كنا نشوفها بكذا مكتب يأجرونها بين بعض

وحاطيلهم برستيج وطاقم عمل مصاروه وبدون كل واحد يقطج عالثاني ليمن اشتكينا عليهم بشكاوي الخدم ببيان

 

[moltencake]

انا مع البنات
مكتب الدخنان ماعنده كلمه مضبوطة وصلت خدامتي اخر يوم من الفيزا
و جذابين اقولهم ليش متاخره يقولون في مشكله بديرتهم و صاحب المكتب مسافر يشوف شنو السالفه هذا الحجي الصبح و اتصل العصر يرد علي صاحب المكتب يقولي ما ادري ليش اسالج الموظفين
انا طالبه خدامتي على اساس انها اول مره تشتغل يوم وصلت طلعت مشتغله كذا مكان، يوم عطيتها معاشها مارضت تاخذهم لان المكتب قايلين لها اخذي معاش اكثر لانج مشتغله من قبل.
نصيحه لا تعاملين معاهم غالين على الفاضي

 

[شموووخ بدويه]

جزاكم الله ألف خير معن مو أنا اللي كاتبه الموضوع,,بس نفس السالفه صارت معاي
أول مره تعاملت معاهم 2001 وجت فلبينيه كلمه روعه شوي,,صاروا أهلي وخواتي وحريم اخواني وحتى اهل زوجي(باختصار سويت دعايه) مايجيبون الا فلبينيات,موشرط من الدخنان بس اهل زوجي يجيبون منه ,
الحين بعد مادخت مع الخدم قلت برجع للدخنان,,طلبت فلبينيه وديت الفيزا بتاريخ2نوفمبر,وقعت كل اسبوع ادق عليهم وكلمني واحد وقال خلصت فحصين وباقي الثالث والاخير,,بعدين دقيت عليهم بتاريخ23الشهر,,كلمني ابوأحمد(مصري)قال مادشت الفحص نهائيآوانصحج غيري الطلب ورحت لهم معصبه حدي,,قال نشوف اذا الفلبن اللي جايين احد مايبي خدامته أخذيها,,بعدين قال مافي احد تنازل,
الحين قلت بروح باجر اطلب من جديد,,بس الحمدلله اني قريت هذا الموضوع,,بدور لي مكتب ثاني

 

[الام المحبه]

آها
انااهم شئ عندي المواعيد ( الظاهر من كلامكم ان مواعيدهم مو مضبوطه ((( )
شكلي بجرب مكاتب الرميح
الله يعينا علي المكاتب والخدم

 

[الحبيبه الدبيبه]

انصحج تبتعدين عنهم مكتب سيئ وجذااااااااااااااااااب

 

[bint_looda]

عاد طالبين منهم احنا وناطرين خدامتنا اليديده توصل !! الله كريم ان شالله عاد مايطولون علينا

 

[miss elegant]

من أفشل المكاتب اللي تعاملت معهم

 

[الحبيبه الدبيبه]

آها
انااهم شئ عندي المواعيد ( الظاهر من كلامكم ان مواعيدهم مو مضبوطه ((( )
شكلي بجرب مكاتب الرميح
الله يعينا علي المكاتب والخدم

موبس المواعيد حتى المعامله موشيئ وماعندهم خدم بس صور جذي احس ان فاتحين مكتبهم لغرض ثاني ومتسترين تحت رخصة مكتب خذم لان سمعتهم معرووفه بالجذذذذب

 

[بنت خلق الله]

نفس الشى صار معاى

طلبت منهم سيلانيه مسلمه الله لا يبارك فيها ولا فيهم وقعدت اسبوع وقالت ابى موبايل وابى كرت انترنت

وماادرى شنو كلمته قال يبيها ويوم وديتها قال ما تصلح لج وخذوها على اساس يسنعونها او يعطونى بديل قعدت شهرين

بدون شغاله وكنت نفاس وعندى صغيرون صج صج معامله مو شى بالمره

حسيتهم لف ودوران وما عطونا فلوسنا الا لمن ريلى تهاوش هوشه معاهم !!


حسبى الله ونعم الوكيل