سؤال عن ماليزيا بليز ردوا على

[شروق المجد]

بنات انا طيارتى انشالله بعد عشرة ايام لماليزيا وحبيت اسال عن السكن لان معاى اعيالى وابى اسامى شقق فندقية او فنادق اسعارهم مناسبة ضرورى بنات

 

[ArEEj]

بعد 10 ايام وللحين ما حجزتى ؟؟؟
انتى رايحه بأزحم فتره
شنو ناويه تحجزين من اهنيه ؟؟ ولا من هناك ؟؟
شقق فندقيه اسعارها مناسبه
ذا زون وهذا قريب من التوين تاور
سوكاسا رخيص ومناسب بس بعيد شوي عن شارع العرب حوالى 10 دقايق بالسياره
وفي شقق بس غاليه من 60 و 70 دينار بالليله
مثل تايم سكوير
اسكوت
باسيفك ريجنسي
ديربي بارك

 

[%عسولة الحلوة%]

روحي مكتب سفريات الخالدية يضبطلج كللللللللللللللل شغلج احنا السنة اللي طافت حجزنا كله منه
انا مع اهلي ابوي رايح كلللللللللل السفريات يقول هذا احسن واحد

 

[شروق المجد]

مشكورة اريج لان كان زوجى مشغول وماحجز التداكر الا امس وبصراحة التداكر غالية واليوم راح يحجز الفندق وزين حصلنا حجز لان الطيران كلة فل ................ ومشكورة ام الخدود النظيفة على الرد ويعنى الشقق اللى دكرتيها بحدود خمسين بالليله وهى نظيفة ؟

 

[عذوووب85]

فندق رينيسانس روعة يم توين تاورز

 

[FoOosHiia]

اذا تبين قريب من KLCC و تون تور

عندج زون و ديربي بارك
تروحين و تردين بالسلامة ان شاء الله

 

[شروق المجد]

عدووب 85 يعطيك العافية ومشكوره على الرد....... فوشيا الله يسلمك ومشكوره على الرد

 

[%عسولة الحلوة%]

اي ويمكن اقل بعد



ما ادري بس روحيله ما راح تتحسفين

 

[%عسولة الحلوة%]

http://www.daleel-malaysia.com/



شوفي هذا الرابط ان شا لله تلقين اللي تبينه

 

[سعودية قلبها كويتي]

تايم سكوير .. مااااااااااااااااااافيه حجز الحين

فل واسعارهم زادت

 

[La6oF]

انصحج بـ دورست

اسالي مجرب

 

[فبراير]

La6oF يعنى تنصحين ب دورست اللى فى كوالا شنو مميزاته؟؟؟ لان راح نحجز عليه ....

 

[*^*يا^عمري^أنا*^*]

عنا احنا سكنا بفندق اسمه ميكاسا وايد بسيط وحلو

قريب منه تقريبا البرجين التوأم

نضام شقق وايد عائلي و ميزته ان محد يصعد الطابق

الا اصحاب الغرف و التنظيف لان الاصنصير ما يصعد الا

بالبطاقه و هي تحدد رقم الغرف و الطابق و بعد الغرفه ما تنفتح الا بهالبطاقه

وفيه خزانه لما تفتحها تحصل داخلها مطبخ بسيط و الخزانه لما تفتحها تفتح معاك لمبات للخزانه

والحلو نفسية اهل الفندق ناس طيبين و قريب يمه بقاله هنديه و بعد فيه تحت

حضانه للي عندهم اطفال وايد امان هالفندق

وهذي معلومات اضافيه اخذتهم من موقع عشان افيدك اكثر

فندق وشقق ميكاسا


يقع هذا الفندق خلف السفارة الأمريكية بكوالالمبور وهو من الفنادق المتوسطة من فئة 4 نجوم ، ويبعد عن البرجين التوأم بتروناس توين تاورز مسافة 10 دقائق سيرا على الأقدام ، وهو فى الجهة الأخرى من شارع تن رزاق حيث يقابله فندق داربى بارك وسويت ستاى على الجهة الأخرى من الشارع . ويحتوى الفندق على 154 غرفة مفردة ، و 83 شقق غرفتين ومجلس ، و 5 غرف سوبر ديلوكس ، ويوجد بالفندق نادى صحى وملعب تنس ومسبح للأطفال وجاكوزى ومكان للترفيه عن الأطفال ، كما يوجد به ساونا

التسهيلات

أنترنت ، 24 ساعة خدمات أمنية ، خدمات غرف ، خدمة الليموزين ، تسهيلات الاجتماعات ، مربية للأطفال (حسب الطلب ) ، خدمة الغسيل بالبخار والقيام به شخصيا من خلال مغاسل تعمل بالعملة ، طبيب خاص للفندق سوق مصغر به صالون تجميل وخياط ، نادى صحى ، مواقف سيارات مجانية + مواصلات مجانية بسيارات الفندق الى البرجين التوأم ومنطقة بوكيت بينتانج

مميزات الأجنحة المفروشة

نظام اقفال ألكترونى ، أمان بداخل الغرف ، نظام تسجيل صوتى للمكالمات الواردة وهاتف ذو خطين ، تليفزيون مع قنوات فضائية مكيف مركزى مع مروحة ، سرير مزدوج ، مطبخ ، حمام ، ثلاجة ، روب حمام ، سشوار ، مكواة مع لوح الكى

المطاعم

مطعم السيلانترو ، مطعم تابس ، طاولات طعام على المسبح . كما يوجد موظف يتحدث اللغة العربية بالفندق ، كما يوجد خدمات تصفيف الشعر والتجميل داخل الغرف من خلال صالون كاسا . كما أن نظام الفندق يعطى للنزلاء فى غرفة واحدة مفردة افطار لشخصين بوفيه مفتوح وللنزلاء فى الشقق المكونة من غرفتين بوفيه مفتوح لأربعة أشخاص ، مع كوى قطعتين ملابس مجانا عند الوصول ، مع خصم 20 % على الغسيل والكى للنزلاء .


وللمعلومية

اخذنا في الفندق غرفتين و صاله و كان سعرهم بالدينار الكويتي 55


ولاكون فدتك

عليك انك تروح مجمع اسمه ماينز وايد رهيب هالمجمع فيه كل شي
وسعره رخيص تقريبا
و بعد حديقة الزهور و حديقه الفراشات عشان تشوفين اكبر الفراشات حجم و شلون يتم تربيتها بهالمكان
والاكويريم وايد حلو الي بماليزا

هذي بعض صور الفندق

اتمنى اني اكون فدتج و سامحيني اني طولت عليج لكن حبيت تشوفين هالاماكن الحلوه


أختج

*^*يا^عمري^أنا*^*