سؤال عن طوارئ مستشفى المبارك ؟

[sumood]

السلام عليكم

خواتي عندي أستفسار الله يعافيكم أختي عندها عوار بالكلية وتبي تروح طوارئ مستشفى مبارك يستقبلونها ولا لأ ؟؟

وشنو الحالات اللي يستقبلونهم ؟؟
لأنها ما تبي موعد وتحويل لانه ياخذ وقت تبي بسرعه تحاليل وتشيك

ولا يرفضون ويحولونها مستوصف

ومشكورة مقدما ​

 

[ام الدرر]

حبوبة روحي المستوصف وقولي لهم ابي تحويل اذا كان عنوانكم على مستشفى مبارك يحولونكم على طول
تدش طوارئ ويسوون لها كل شي
وان شاءالله مافيها الا العافية

 

[بنت فينا]

حبيبتي اي حاله يستقبلونها حتى لو ظفرج يعورج
بس اهم شي تكون بطاقتها على مبارك
الله يشافيها يارب
وخليها تشرب ماي وايد

 

[ناتشوو]

رد : سؤال عن طوارئ مستشفى المبارك ؟

ان شاء الله يستقبلونها
اي مستشفى حتى لو مو على عنوانكم
ومرات حسب مزاج الكاتب
انا اروح العدان والفروانية مع ان عنواني مو تبع لهم بس مايردوني
وبيسوون لها كل شي تحتاجه ان شاء الله
ماتشوف شر

 

[قمر الكويتية]

رد : سؤال عن طوارئ مستشفى المبارك ؟

مو بالضرورة يستقبلونها ،،خل تاخذ تحزيل من المستوصف بالليل وتدخل على الطواري أحسن

يارب يشافيها

 

[silent99]

انا اليوم كنت في الطوارئ في مبارك

اول شي رحت المستوصف لأن فيني عوار بخاصرتي اليسار

جان تكتبلي الطبيبة تحويل حق مبارك و كتبت فيه ان عندي حرقة بالبول (عزكم الله)

تقول الطبيبة انهم ما يستقبلون اي حالة عشان جذي كتبتلي عوار مع حرقة بالبول عشان يدخلوني الطوارئ و يسوون تحاليل بسرعة

بس لازم تروحين بعد الساعة 2 عشان تعطيج تحويل (هذا في مستوصف الجابرية) و مادري عن باقي المناطق

 

[جذابه بنت ذيابه]

رد : سؤال عن طوارئ مستشفى المبارك ؟

اب لعيونج