سؤال عن حبوب الجلوكوفاج

[أنا الثريا]

السلام عليكم ورحمة الله وبركاته


انا مشاركة يديده بهالقسم ولامرة دشيت قسمكم

انا على طول متواجده بقسم الحياة الزوجية
واللي خلاني ادخل القسم....إستفسار حق أختي
بصراحة زين سوت يوم قالت لي....القسم روعة ماشاء الله وفي مواضيع وايد حلوة
وان شاء الله تقبلوني بينكم:hjy5jewf:

خواتي مثل مومبين بالعنوان حبوب الجلوكوفاج

هل تنفع لتنزيل الوزن؟؟

اختي سمعت ان هالحبوب تنفع لتنزيل الوزن,,,وبعد اللي نعرفه انه تؤخذ للي عندهم تكيس وتساعد على تنشيط المبايض..!!
بس اختي تأخذ حبوب منع للحمل بس خفيفة,,وتخاف اذا اخذتهم تتنشط مبايضها ويحصل حمل
بالذات الحبوب خفيفة!!واهي الحين ماتبي تحمل



يعني اخواتي بالمختصر منو استخدمت هالحبوب بتنزيل الوزن؟؟خل تفيدنا بتجربتها وبالتفصيل

عاد همتكم معانا,,,,اول مرة ادش هالقسم,,,:icon30:,

والله يجعله في ميزان حسناتكم كل وحده ترد او ترفع الموضوع:n2006107:

ودمتوا بود​

 

[أنا الثريا]

أب أب ياحلوين

 

[سموره 87]

اب لعيون ثريونه

 

[أم غمازات]

حبيبتي

الجلوكوفاج يعطونها لمرضى السكر تنظم السكر

واهي تضعف بعد كل وجبه تاكلينها تمتص الدهون والنشويات وماتخلي الجسم يستقبلها

جذي قالي الدكتور

انا فيني سكر ولما قالي الدكتور وزنج زايد بعطيج هالحبوب

لأنها تضعفج وبصراحه حلووووووه جربيها بس انا والله ماكلها بانتظام

بس اللي مافيهم سكر مايصير ياكلونها واهم مسوين رجيم لأن يصير فيهم هبوط

يعني اذا بتاكلين اكلج عادي اخذيها ورا الاكل وبعد اسبوعين وزني تلقين وزنج نازل باذن الله

 

[حيزبونه 2000]

سوت لي خفقان و اختيي اسئلت دكتورها لان فيها سكر قالت ممكن تاخذة غيرالمصابة بالسكر قال لا تسبب كسل في البنكرياس و الله اعلم

 

[أنا الثريا]

سموووووره فديتج
الله يرفع شانج^^^

 

[أنا الثريا]

تسلمون بنات
يعني موزينة هالحبوب؟؟
اللي عندها فكرة اكثر تفيدنا

 

[الغاليه نونو]

حتي اهل السكر نااشبتووهم بعلاجهم هههههههههههههههههههههه


انا احوس واتطمش بالاقسام ابي شي يخفف وزني مالقيت شي يسحت الكرش سحااااااات اذا عرفتوا شي من هالقبيل عطوني خبر يمه

 

[أنا الثريا]

الغالية نونو حياج الله
اهو موبس علاج للسكر...!!مثل ماقلت اول اهو بعد يعطونه حق اللي يعانون من التكيس
وايد يمدحونه!!!

اما عاد اللي يسحت الكرش,أملج نحصل......!!!هذي علامة تجارية يستحيل تروح!!!هههههههه

 

[الاميره النائمه]

انا استخدمتها علاج للتكيسات وضعفتني 10 كيلو
والحمدلله راحت التكيسات مكتوب على الورقه شرح الدواء ان حتى الرياضيين يستخدمونها
بس تعور بالمعده اذا خذيتيها بعد وجبه خفيفه

 

[Q8stylle]

انا سمعت انهم يضعفون
لو تستشير دكتور احسن لها

 

[أنا الثريا]

مشكوررررررررررررررين بنات

 

[مندوبة ام بندر]

خالة رفيجتي عمرها بال 25 كلتها وروحي شوفيها بغيبوبه بمستشفى الصباح بالعنايه المركزه
السبب هالحبوب
قال الدكتور سكرها طبيعي وماكانت تاكل وكان يحرق السكر بالدم واهي ما تاكل سكر والسكر عندها طبيعي فا نزل معدل السكر وصار عندها هبوط قوي ومفاجئ واهي نايمه دخلت بغيبوبه
صار لها فوق ال 5 شهور عسى الله يقومها بالسلامه يا رب ادعولها
لا تكلين شي الى باستشارت طبيب
واذا مو مصدقه راسليني بالخاص اعطيج اسم البنت وروحي سالي عن سبب دخولها بالغيبوبه
عاد شوفي تقعد منها ولا لا يا رب تشفيها وتردها لعيالها يا رب

 

[أنا الثريا]

مندوبة ام بندر,,,ربي يشفيها ويقومها بالسلامة لعيالها
وربي عورتي قلبي
ومافي داعي اسال عن اسمها انت ثقة يامندوبتنا وكلمتك تكفيني
جزالك الله خير على النصيحة....حدي خفت!!!

بس ماعندك فكرة عن مريضات التكيس كلهم ياكلونه وبعضهم من غير وصفة
والله خفت !!!لان انا معاي تكيس واخذه من غير وصفة

 

[مندوبة ام بندر]

انا مو مستفيده شي والله
بس وربي خايفه عليكم
يعني المره قبل فتره تطلع وتروح وتجي وتلعب عيالها والحين لاهي مع الميتيين ولا مع الناس عايشه
يارب تلطف بحالهاا
وترى اخبث شي والعن شي اكل الحبوب او اي شي من غير وصفه طبيه على الاقل سوي تحليل واذا قال الدكتور انه عادي تكلينها اكليهااا
يمكن البنت كانت حارمه نفسها من السكر والحلويات والحبو حرقت السكر اللي بالجسم ونزل عن المستوى الطبيعي

 

[أنا الثريا]

اي والله صاجة وفي ميزان اعمالك ان شاء الله

انا بسأل دكتورتي واشوف

 

[نوف الصقعبي]

لاحول ولاقوة الا بالله العلي العظيم ربي يقومها بالسلامه ويردها لعيالها واهلها سالمه ومتعافيه بصحتها​