سؤال عن تفجير البويضه اللي عندها خبره تتفضل

[روروو]

السلام عليكم
خواتي انا اليوم كنت الدكتوره وقالتلي البويضه تكبر بس ماتفجرت واذا جا يوم الخميس وماتفجرت تاخذين ابرة تفجير
انا بصراحه مافهمت شي بس سالتها اش يعني قالتلي يعني مارح تحملين
تكفون اللي عندها خبره بالموضوع تفيدني ؟؟
واش يعني ابرة تفجير وشلون اخذها ؟؟وتالم؟؟
ادري اسالتي كثير بس مالي غيركم امي ماتعرف شي عن هالموضوع ولاعندي احد اتجراء اساله​

 

[نونه الزعفرانه]

هلا حياتي
هاذي ابرة عاديه ما تعور وانتي واقفه
بس عشان تساعد البويضه انها تنتقل من المبيض لي الرحم
والله يرزقج بالذرية الصالحة عاجلا غير آجل

 

[روروو]

حبيبتي الله يرزقك بالاطفال وقريب نسمع خبر حلو عنك
اول شي ياقلبي انا بنوته صغيره بس مطلقه ولاجبت عيال قبل
ثاني شي اللي ابي اعرفه هي صح ابره ابره او علاج للرحم
اعذروني بس مااحد يفيدني غيركم

 

[&هند&]

حبيبتي اذا مطلقه ليش تاخذين هالابره ترى هي تساعد على الحمل مو علاج انتبهي لا تلعبين بنفسج ،،،،

 

[روروو]

ماادري هي الدكتوره قالتلي
طييب فهموني عشان اعرف اش اقولها عاد والله هالدكتوره الكل يمدحها​

 

[الريشة]

انتي قلتي حق الدكتورة إنك مطلقة؟؟؟؟؟؟؟؟
أخاف تحسبك متزوجة!!!!!!!!!!!!!!!!!

 

[الكادي 2011]

حبيبتي شلون تاخذيها وانتي مطلقه لا تلعبين بنفسج لا يصير بيج اكياس

 

[العز58]

استغفر الله

 

[مواصله]

احيانا يكون غشاء البويضه سميك وتكبر ماتنفجر تتحول لتكييس اوما تتلقح البويضه

من سبت سماكة الغشاء،،الابره تنضرب بالعضل ورا وماتعور

 

[هيبه بدويه]

اختي روروو ,, انا مع البنات الابره التفجيريه انا ماخذتها بس اظن انها للمتزوجات لانها تساعد علا الحمــل ..,,,"
وما تعور تنوخذ بالعضل كابره عااديه ,,​

 

[روروو]

تسلمون ع الردود الله يريح قلوبكم يارب
الدكتوره تدري اني مطلقه بس هي للحين ماقررت قالت اشوفها يوم الخميس واحدد انا مااقدرت اسالها زين لان كان عندها زحمة مراجعات والصراحه حريم حوامل اولا مني عشان كذا ماطولت بس المراجعه الجايه غير اسالها​

 

[العز58]

الدكتورة اللي انتي عندها في السعوديه؟

شسمها ؟ باي مكان ؟ علشان اعلمج بشغلة

 

[خيشة شكر@]

اب اب

 

[عسل حدي]

بسم الله الرحمن الرحيم (اللهم اني اسألك ولا اسأل احدأ غيرك اللهم بحق هذه الاسماء المباركة اللهم بألف الابتداء بباء البهاء بتاء
التأليف بثاء الثناء بجيم الجلال بحاء الحمد بخاء الخفاء بدال الدوام بذال الذكر براء الربوبية بزاء الزيادة بسين السلامة بشين الشكر
بصاد الصبر بضاد الضوء بطاء الطول بظاء الظلام بعين العفو بغين الغفران بفاء الفردانية بقاف القدرة بكاف الكلمة التامة بلام اللوح بميم الملك بنون النور بواو الوحدانية بهاء الهيبة بلام الف لااله الاانت بياء ذي الجلال والاكرام اللهم اني اسألك يامن لاتضجره مسألة السائلين يامن هو خبير بماتخفي الضمائر وتكن منه الصدور اسألك ان تصلي على محمد وال محمد وان تجعل لي من كل عسرأ والى كل خيرسبيلا برحمتك ياارحم الراحمين بحق محمد واله الطاهرين