سؤال عن بودرة ماكس فاكتور

[صبر العمر]

مساءكم سعيد

عندي بودرة ماكس فاكتور الذهبية واشتريتها بناء على مدح البنات لها بس مو عارفة شو افضل طريقة لاستخدامها ؟

لاني احسها على بشرتي متل التراب فقلت يمكن انا مو عارفة استعملها مع العلم ان بشرتي جافة . وانا اضعها بطريقة الطبطبة


وشكرا

 

[3so0ola_94]

حبيبتي حطيها عقب الكريم الأساس
عجيبة تصير بشرتج مخملية

 

[brettey]

رد : سؤال عن بودرة ماكس فاكتور

اذا ما انفعت معاج الاسفنجه حطيها بفرشه البودر الكبيره بعد كريم الاساس بتطلع واااااااو

 

[صبر العمر]

رد : سؤال عن بودرة ماكس فاكتور

شكرا عسولة 84 ، حبيبتي انا احطها بعد كريم الاساس بس ليش ما تصير متل ما يوصفوها البنات ؟!

 

[UNICORNA]

اى البنات يمدحوها كثير

وان شالله راح يردو عليك

 

[صبر العمر]

رد : سؤال عن بودرة ماكس فاكتور

brettey شكرا حبيبتي بجرب طريقتك

 

[صبر العمر]

رد : سؤال عن بودرة ماكس فاكتور

Unicorna اشكر مرورك

 

[لحن التياعي]

رد : سؤال عن بودرة ماكس فاكتور

مره حلوة بالعكس انا احط مرطب وكونسيلر واحطها بالاسفنجه حقتها مره تصفي وتعطي لوك يجنن

 

[BiiShOoO]

ماجربتها

 

[unapproachable]

انا ليما كانت بشرتي دهنيه كانت روعه علي بس احط كريم مرطب وسن بلوك وفوقه البودره الذهبيه وماكانت تتشقق .. بس خذيت حبوب تنشيف وحولت بشرتي من دهنيه لي جافه وصارت تتشقق من صوب الخشم وبين الحواجب من الجفاف .. فغيرت لي بودره كلينيك الخضرا وقمت احط بس على خدودي والمناطق اللي ماتتشقق من ماكس فاكتور والباجي كلينيك يعني قمت اخلطهم وتعطي لوك واو ومخملي وجنه مو حاطه شي بس تصفي وايد ماشاءالله

 

[arrooma]

رااااااااايي :

البنات عطوها اكبر من حقها ...

عندي اياها وجنها ترااااااب .. درجات الوانها شويه .. انا احب اللي نفس لوني بالضبط ! ومستحيل القى منها نفس لوني بالضبط ..

واعتقد هذي مشكلتج ..

 

[غلآ شمر]

رد : سؤال عن بودرة ماكس فاكتور

صج انها حلوه بس الوانها حيل غامجه يعني افتح لون عندهم غاامج
ومولايق علي مع ان البودره حلوه حيل

 

[! هُوْ وِينِه !]

حلوة أحبهآ

 

[Cool Teacher]

رد : سؤال عن بودرة ماكس فاكتور

يمكن لونها مايناسب بشرتج لان مافيها درجات الوان كثيرة

انا استخدمها وحلوة تناسب بشرتي

 

[صبر العمر]

رد : سؤال عن بودرة ماكس فاكتور

بدوية ماركة : شكرا لك عرض تجربتك.

BiiShOo :شكرا على مرورك

unapproachable : يسلمو حبيبتي على شرحك الوافي

arrooma: فعلا بالضبط يصير معي مثل ما قلتي وشكرا لك

غلآ شمر: فعلا صحيح الوانها غامقة وشكرا لك

! هُوْ وِينِه ! : شكرا لمرورك

 

[خولـه]

وانا بعد صارتلي مثل التراب

ما تنفع لستايل النو ميكب يطلع بايخ

ماعجبتني ابدااا

 

[( المـلاك )]

رد : سؤال عن بودرة ماكس فاكتور

وايد حلوة
انا استعملها
احط مرطب و عقبها الفونديشن
وعقبها احطها بالاسفنجه مالتها
لا تكثرين بالاسفنجه وتطبطبين عشان لا تطلع وايد وتتكتل وتصير تراب
حطي شويه ومسحيها
وبالنسبة لدرجات الالوان فعلا ترى درجات الوانها شويه وغامجه
انا عن نفسي استخدم رقم واحد وهم احسه اغمج من لون بشرتي
وكل ما اروح مكان دايما خالص رقم واحد وانطر الحجز عالاسبوع اللي بعده ،