سؤال عن بلعه ..سبانخ ودياي وشغلات سادوحيه

[يمّه مني]

قووه حجيات

اشلونكم مع لوية العيد ؟؟؟؟

المهم

مره طرشولنا طبق بصراحه حده حده من امه وابووه لذيذ
سويت بحث اهني بس ماطلعلي
اليوم يمعتنا ودي اسوييه انا خمت المقادير بس لو وحده عندها الوصفه راح اتكون السالفه خوش تمام:eh_s(9):

اهي عباره عن سبانخ فيها مشروم ودياي وكريمه وفوقها كور بطاط

منو عندها فكره ؟؟؟؟؟؟

 

[جرح الليالي]

صينية الدجاج بالسبانخ وكرات البطاط والكريمة الحامضة


المقادير:
دجاجة مسلوقة ومشيول منها العظم والجلد ومقطعه مثل الشاورما او المسحب
كيس سبانخ مثلج
ربطة شبنت مقطعه
بصلتين وفص ثوم مهروس ملح وبهارات
كريمة حامضة
كريمة عادية
جبن موزوريلا
بطاط مسلوق
حمسي البصل مع الثوم والدجاج ونضيف السبانخ لمن يروح مايه نضيف الشبنت والبهارات كلها واخر شي الكريمة الحامضة وبعدين نطفي على النار
حطي الخلطة بالصينية هاتي البطاط المسلوق هرسيه مع شوي فلفل اسود وملح وزبدة واخذي قشه البريد المدورة وحطي فيه البطاط وقلبيه بالصينية وصفيه يم بعض ورشي عليه جبن وبالاخير الكريمة وحطيه بالفرن لمن يتحمر البطاط وبالف صحه وعافية


هذي بدون مشروم انتي عاد ضيفي المشروم ودزيلي صحن خخخخخخخخخخخخخخخخخ


عوافي خيتوووو

 

[رهوف]

تقريبا نفس طريقة جرح الليالي بس في اختلافات بسيطة والنتيجة بتكون اكيد سادوحية اصلا اول ما سويت هالاكلة تموا رفيجاتي واهلي ما يطلبون غيرها

المقادير دياي مسحب
كريمة ك د د
ساور كريم هم من ك د د
علبة جبن قلاص التعاون ( وتقدرين تحطين كرافت بس التعاون طلع الذ معاها )
جبن موزاريلا مبشور
بطاط تفوحينه وبعدين تقشرينه وتهرسينه وتملحينه وتضيفين عليه ربع علبة الكريمة
بصل وثوم لزوم الحمسة


الطريقة : تحمسين الدياي مع بصل وثوم ومكعب ماجي ولا تملحين الدياي لأن الصلصات بيكون فيها ملح

تضيفين علبة مشروم ( احسن نوع حدائق كاليفورنيا )

تضيفين سبانخ مثلجة ومقطعة ( احسن نوع امبورغ اللي يكون على شكل دوائر ) بس مو تضيفين كل الكيس وايد ضيفي تقريبا 6 دوائر

وبعد ما ينشف الماي عدل شيليه من عالنار وحطي قلاص الجبن الصغير ونص علبة الساور كريم وخلطيهم عدل وحطيهم بقاعة الصينية

وبعدين تاخذين البطاط المهروس وتسوينه كور بقفشة الآيس كريم وتحطينه فوق الخلطة مالت الدياي وتيبين الكريمة وتصبينها بشكل خطوط بالطول وتحطين جبن مبشور عالويه

تدخلينها بالفرن تسخنينها من تحت وبعدين تحمرين الويه

وصحتين وعافية على قلبج

 

[ضحكة الدنيا]

جرح الليالى
رهوف
مشكورين وماقصرتوا

 

[يمّه مني]

مشكورين حبيباتي ماتقصرون
ماكو الا باجر اجربها

جروووووح انتي امنقعتلج خيزرانه الله يا انتي شنو ابتطقين طق!!!!!!!!!!

وينج هاااااااااااااااااااا:eh_s(13):

 

[جارة القمر]

هذا صج الطبق السادحوي

بس مافيه دياي


أنتي ممكن تضيفين له دياي


كرات البطاط المحشوة بالجبن

المقادير:
بصل وثوم
4 حبات بطاط مسلوق ومهروس
جبن شيدر الازرق مقطع مكعبات (تقريبا علبه كبيره)
كرومب/جزر مقطع شرايح (انا ازيد عليهم شويه بصل)
1 علبه مشروم شرايح
1 كريمه كي دي دي
1 مكعب ماجي
3 م.ك جبن سائل
فلفل اسود/ملح
زبدة للتحمير

الطريقه

توضع شرايح الكرومب والجزر والمشروم في قاع طبق البايركس
تكور البطاط وتحشى بقطع الجبن وتصف فوق الخضار
يحمر البصل والثوم ثم نضيف مكعب ماجي والملح والفلفل الاسود
ثم نضيف الكريمه والجبن السائل
يحرك الخليط حتى يذوف الجبن السائل ثم نصبه فوق الكرات
(اضافي)يرش بالجبن المدخن المبشور
يدخل الفرن لمده ربع ساعه ويقدم ساخن

 

[يمّه مني]

ايه والله انها سادوحيه ولا من جارة القمر عيل تسدحنا وتمدحنا مادري شنو يعني

مشكووره قلبي عالوصفه انا قبل شوي حضرتها اخاف اتكيسل ماسويها

شوفو اشسويت
حمست سبانخ مع شوية ثوم نص فص مع شوي بصل
ومشروم فرش
حطيت وكنت سالقه ديايه نتفتها وحطيت مكعب ماجي
تالي حطيت كريمه لانه اذكر الطعم مافي نكهة الساور كريم بس انا عن خاطري حطيت قفشتين
وحطيت حوالي 3 قفاش كبار جبن التعاون
حطيت الكل بالبايركس وكنت سالقه بطاط وهارسته مع شوي حليب وزبده وكورتهم ورشيت جبن بارمزان.....متى اقول لكم النتيجه ورا الفطوور
الله يستر

 

[شندوخه]

سلميلييييييييييي عالرجيم

 

[يمّه مني]

اعوذو بالله من الشيطان الرجيم ميين جاب طاري المدعوء ده

 

[جارة القمر]

يمه مني



خخخخخخخخخخخخخخخخخخخخخخخخخخخ


لا للريجيم

في رمضان







أمبين علي وصفتج عجيبببببببببببببببببه

أنا سويته حمسة دياي مع كرنب وبصل وثوم ومشروم وجزر

طلعت عجيبه

وفوقة كرات البطاطا


وعليه الكريمة مع الجبن

وفوقهم الجبن المدخن اللي كل استانس من الطعم

 

[فورلا]

موجودة عمري في كتب المطاحن

 

[يمّه مني]

سكتي جاروونه انبطيت برمضان ويهي صار دائري اول كان فيه شوية طول صوب الحنج
الجبن المدخن احب احطه بالبيتزا يكون فيها بيديان وزيتون لذيذه
وصج سويت الاكله وطلعت حلوه بس مونفس اللي طرشوها

فورلا......
ياهوو ؟؟
اي واحد فيهم ؟

 

[جارة القمر]

فورلا


أي كتاب فيهم حبيبتي



يمه مني


علييييييييييييييييج بالعافيييييييييييية حبيبتي


بعدين بدلت العيد ما تدخل فيج