سؤال عن ( العمرة ) ؟

[Q8Lady]

السلام عليكم ....

شلونكم كويتيات

بنات عندي استفسار بخصوص العمرة الله يرزقنا ويرزقكم ....

انا أول مرة بروح باذن الله العمرة

وماني عارفه شسوي كلش !!!!

وبغيت أسألكم وأبيكم تساعدوني الله يجزاكم عني خير

1- من وين أحسن مكان أحجز حق العمرة ؟؟؟ ووالله يعافيكم ميزانيتي مو وايد ابي مكان رخيييص وهل الحجز يكون مع فندق ولا بس تذكرة ؟؟

2- بصراحة لا تضحكون علي ما اعرف من وين يحرمون !!!

تكفووون قولولي اللي رايحين العمرة من قبل ماني عارفه شسوووووي علمووووني

ناطرتكم لا تحقروووني

 

[Q8Lady]

ويييييييييييييينكم بنااااااااااااااااااات

 

[q8ya حتى النخاع]

رد : سؤال عن ( العمرة ) ؟

ليش ماتروحين مع حملة تتطلع عليج ارخص واهما عليهم كل شي هوتيل واكل واعمال​

 

[*احلام*الدجى*]

اول شي الله يكتب لج عمره مقبوله وييسرها لج بأذن الله سبحانه وتعالى

شوفي حبوبه باعلانات السفريات تلقين عروض على عدد الليالي (سكن + تذكره ) والحين الاسعار تختلف وايد فدوري بالجرايد عدل وان شاء الله تلقين حجز

و انتي حددي ميزانيتج وعدد الاشخاص ... على حسب نحدد الفنادق


وشوفي هالموضوع يزاها الله خير الحبوبه مو مقصره بالشرح
http://www.q8yat.com/showthread.php?t=85827

واي سؤال لا يردج الا الكيبورد :eh_s(17):

 

[دلوعة دحووم]

هلا حبيبتي اول الله يكتب لك العمرة وتروحي وترجعي بألف سلامة وراح تنورينا بالسعودية وربي راح تحسي بأحساس حلو والله يوفقك اتمنى انو مروري اسعدك وبصراحة مااقدر اخدمك بشئ لاني مو كويتية واي استفسار ثاني انا حاضرر من عنوني

 

[مواصله]

رد : سؤال عن ( العمرة ) ؟

نصيحتي خلو حمله تنضم لكم اموركم اوفر واريح لكم والله يتقبل

 

[الشووووق]

مرحباااااا .......... انصحج تحجزين عند سفريات السيد اللي بالفيحيل بفندق زمزم او الصفوة كلهم 5 ستارز وكلهم ب 40 دينار الليلة وعمرة مقبولة انشالله:eh_s(7):

 

[Q8Lady]

أشكر كل اللي ردوا علي

بس بنات يليت تعطوني أرقام السفريات او الحملات الزينة والارخص بالسعر لو سمحتوا

 

[حلم الطفولة]

http://www.youtube.com/watch?v=B_lRsN_U48g&feature=related
^
^
شرح مبسط لمناسك العمره


،،،،،،،،،،،،،،،،،،،،،،،،،،،،،،

شرح مصور لمناسك العمره :

http://www.youtube.com/watch?v=atPMVDVTeIE&feature=related

أفضل الفنادق وأقربها : فندق أبراج زمزم - فندق هيلتون مكه - فندق التوحيد

أقرب الأبواب للدخول وأفضلها :
باب الملك فهد - وباب الملك عبدالعزيز

شروط احرام المرأه :
المرأه المحرمه لا تنتقب ولا تلبس القفازين
الاحرام يكون على متن الطائره قبل عشر دقائق من الهبوط حين يعلن قائد الطائره المرور على ميقات أبيار علي

صيغة التلبيه : لبيك اللهم بعمره
ثم تكرار : لبيك اللهم لبيك - لبيك لا شريك لك بيك - إن الحمد والنعمة لك والملك لا شريك لك

قبل موعد المرور فوق الاحرام بالطائره تقومين بلبس الاحرام :
للمرأه : حجاب ساتر وعبايه مع كشف الوجه والكفين أو اسدال بوشيه خفيفه لمن هي منقبه ,, ولا يجوز لبس النقاب
لا يجوز العقد : لا تربطين بعقده .. حطي كلاليب

تستمرين بالتلبيه حتى دخول مكه ،،
تستطيعين بعد الوصول إلى الفندق تغيير ملابسك دون حرج فذلك لا يبطل احرامك : اخذي راحتج
لا تبالغين في التمشيط والأفضل لا تقومين بالتمشيط حتى لا تنقطع منك الشعرات
لا تقومي بقص أظافرك
لا تتعطري

- وسلامتج -

 

[Q8Lady]

يعطيكم العاااافية ...

ماقصرتوا

يعني الحين بالطيارة يوم يعلنون انا احنا فوق الميقات انوي الاحرام وبس ؟؟؟

واول ما اوصل هناك باذن الله اعتمر صح ؟؟

 

[الكويت غالية]

عمرة مقبولة مقدمـــــــا ان شاء الله

والبنات ماقصرو معاج جزاهم الله خير

 

[الكويت غالية]

يعطيكم العاااافية ...

ماقصرتوا

يعني الحين بالطيارة يوم يعلنون انا احنا فوق الميقات انوي الاحرام وبس ؟؟؟

واول ما اوصل هناك باذن الله اعتمر صح ؟؟

اي صح ياقلبي :eh_s(15):

 

[♥√طمـوحي غيـر√♥]

عمره مقبوله ان شاء الله مقدما
انا الاسبوع الجاي بروح مكه باذن الله عسى الله يسهلها ان شاء الله

 

[Q8Lady]

مااااقصرتوا حبايبي أشكركم

 

[دلع الكون]

العمره أركانها بسيطة إتشالله .. أشتري كتيب عن العمره للإفادة وخليه معاج

أنا حاجزه على الكويتيه بعد اسبوعين التذكرة 130 والفندق زمزم الليله 52

والله يكتب للجميع حج هذا العام .

 

[Q8Lady]

مشكورة وعمرة مقبولة

 

[سمسومه]

يزاكم الله خير للجميع

يعلم الله إني أستفدت و أنا بحاجه لموضوعكم

 

[بنت النوخذا]

مشكورة وعمرة مقبولة

حسااااااااااافه

توني اشوف موضوعج

بغينا الاجر

المهم طمنيني شلون عمرتكم

انا بعد تنوي حاجه

و ذكرتيني بحالتي و الله

بس من شفت الكعبه الشريفه هدت النفس

سبحان الله

و ربي يكتبها لنا ان شاء الله حجه و تمتع

بالايام القادمه ولالالالالالالا يحرمنا من شوفة الكعبه

ربي يشرفها يا رب


:eh_s(2):

 

[دلوعة أبوهآ]

عمره مقبووله ..

الله يتقبل ..

 

[قمر الكويتية]

يعطيكم العاااافية ...

ماقصرتوا

يعني الحين بالطيارة يوم يعلنون انا احنا فوق الميقات انوي الاحرام وبس ؟؟؟

واول ما اوصل هناك باذن الله اعتمر صح ؟؟

إذا كنت رايحة بالطيارة

إي رح يقول المظيف ( نحن نمر الآن بمحاذات الميقات)


إهني تقولين لبيك اللهم عمره


*************************************************************

وتلاقين مكاتب السفريات تسوي عروض يعني يحددون لج

سعر التذكرة + إقامة لمدة يومين أو ثلاث أيام بسعر كذا


مثل هذي الإعلانات ممكن تلاقينها بالجرايد ( مثل جريدة الوطن بالصفحة الرابعة أو الخامسة)



***********************************************************

و إذا حابة تحجزين بروحك الطيران و تبين شي غير مكلف


حجزي عل طيران الجزيرة أو طيران ناس

وطيران ناس هذا عبارة عن طيران بس يودي من الكويت إلى جدة أو الرياض


والحجز يكون عن طريق موقعهم ولازم يكون عندك فيزا


وموقعهم جدا سهل ......... بس لازم تكونيين حريصة أن ماتطير عنك الطيارة لأن مايردون لج فلوسج



ممكن تلاقين سعر التذكرة عندهم بــ 75 دينار ذهاب و إياب بس لازم تحجزين قبل قترة


شهر أو شهر ونص

*******************************************************
وعندج خيارات في الفندق حسب ميزانيتك

إذا تبين فندق 5 نجوم ... أنا افضل زمزم


وفي ناس تفضل أبراج الهيليتون .............و الفندقين بجوار الحرم


و فوق الأسواق و بجانب الخدمات


*****************************************


توني أشوف الموضوع و إن شاء الله أكون أفدتك