سؤال عن الرياض اذا سمحتوا

[أغلى حلم]

السلام عليكم
بنات ممكن اعرف الطريق من الكويت الى الرياض بالسيارة جم ساعة ياخذ؟؟
مع الشكر و ارجو الرد عشان اعرف اذا نروح بالسيارة ولا نحجز طيران؟؟؟؟

 

[هزة غضا]

المسافة من وسط الكويت إلى مدخل مدينة الرياض عبر الطريق البري تقارب ال800 كلم تقريبا وعليك الحساب اعتقد 6 ساعات تزيد أوتنقص..
طبعا فيه طرق مختصرة تختصر مايقارب ال250 كيلو..لكن ماعرفها..بإمكانك سؤال أحد او اكتبي بقوقل وراح تطلع لك الطرق..

طبعا اذا طيران او سيارة هذا راجع لك على حسب,, اذا كنتوا متعودين على الخطوط فالسيارة افضل..او اذا مستعجلة فالطيران اريح..

 

[قطوه صفراء]

ماعندي خلفيه بس برفع لك الموضوع

 

[تناهيد مطير]

تقريباا 5 او ست ساعات

ع حسب سرعتكم واي طريج تروحون

احنا نروح من الخفجي اسرع

وادا عندج ميزانيه روحي طياره كلها ساعه الاربع واريييييح

تروحين وترجعين بالسلامه .. وسلمي ع الريااض امووووووت فيهاا هالديره

 

[Miss Cherry]

ست ساعات بالسيارة

وبالطيارة اقل من ساعة الا ربع والله اول مارتفعت الطيارة عطونا وجبة خفيفة بس خلصنا قالوا اربطوا الحزمة وصلنا ههههههههههههههههه

بس انا احب طريج السفر اونس بالسيارة

 

[أغلى حلم]

مشكوريييين حبايبي اللي ردوا و ارفعوا الموضوع...انا ماخذة موعد عند دكتور عظام حق بنتي عمرها سنه و نص وما سبق اني سافرت بالسيارة مع ياهل فمادري الله يعييني انشالله ما اتعبني بالسيارة و لا اهي تتعب.....المسافة 6 ساعات زوينه بس مع طفل مادري بصراحة...عموما يعطيكم العافية ما قصرتوا....