سؤال عن التكيس وحبوب منع الحمل

[امواج الكويت]

السلام عليكم

امس رحت للدكتور منصور العرف على بو اني بسوي تلقيح ويوم سوالي سونار قال ان عندي كيس فوق المبيض ( خيره الحمدلله ) ووصفلي حبوب منع الحمل جينيرا
عاد سؤالي الحين اقدر احمل وانا اكل حبوب منع الحمل لاني سمعت كذا وحده حملت عالحبوب
ومنو صار معاها نفسي وشنو سوت ( والله خايفه ومحتاره )

وعندي سؤال ثاني
انا وقت الدورة ينزل علي قطع دم تكرمون ( ادري لوعت جبدكم بس استحملوني ) وهالدورة زايد حيل اللي تعرف شنو هذا وليش ينزل تفيدني خصوصاً اني استحي اسال الدكتور جدام زوجي

 

[دآنة آلرشآيده]

والله ماعندي فكره
بس حبيت ادعي لج
عسى ربي يرزقج بالحمل والذريه الصالحه

 

[موجة ~ بحر]

يمكن هذا التكيس ينزل. انا الدكتورة مرة قالتلي ان التكيس ينزل مع الدورة اذا كان صغير اما اذا كان كبير لازم حبوب منع حمل عشان ينشفه

 

[أطياف]

رد : سؤال عن التكيس وحبوب منع الحمل

أول شي نصيحة لا تخــــــــــــــــــــــــــــــــــــــــــــــــــافين لأن الموضوع هين بإذن الله !!

وحبوب منع الحمل إذا ما خربطتي فيها يعني تأكلينها كل يوم وبساعة محددة ما تطوفين ولا حبة .. مستحيل تحملين لا تحاتين من هالناحية !!

وحبوب منع الحمل فايدتها أنها تريح المبايض وتنظفها على شان جذي تعتبر علاج ممتاز لحالات اكياس المبيض ...

إذا على دورتك الغزيرة فإذا كانت بعد ما استخدمتي الحبوب فهذا شي ممتاز جدا ... ودليل على إن الكيس نزل مع الدورة أو قل حجمه وشوي شوي لما يتلاشى بإذن الله ...

أنا خبيرة بهالشي لأني عانيت منه جدا بس الحمد لله الحين كل شي ممتاز .. تطمني ما دام الدكتور وصف لك حبوب منع الحمل يعني حالتك بسيطة وعادية ولله الحمد ... في بعض حالات تستدعي تدخل جراحي فعلى شان جذي تطمني وارتاحي ولا تخافين أبدا ...

الله يرزقك الذرية الصالحة ويعوض معاناتك ... لا تنسين تدعين لي !!!

 

[قاهره عذالي]

رد : سؤال عن التكيس وحبوب منع الحمل

شوفي حبوب الممانع

تنزل لج الكيس

وبتكون دورتج غزيره

اذا انتي على طول دورتج تنزل كتل

يمكن عشان مو مهتمه بنفسج عدل وقتها

وترا علامة سدد بالرحم يعني الدم متجمد ومتجلط
من عدم العنايه

 

[ام يوسف القمر]

ماشاء الله البنات كفو وفو اهم شي أنة ينزل الجيس وربي يرزقنا والذرية الصالحة عاجلا يارب

 

[امواج الكويت]

مشكورين كل اللي ردوا وعسى ربي يرزقنا الذريه الصالحه

 

[احب المنتدى]

رد : سؤال عن التكيس وحبوب منع الحمل

حبوب المانع تعالج التكيس بعدين ماكو احد يحمل على المانع من اسمها مانع

 

[امـ جوجو]

رفع لعيووونج

 

[ديانا سبنسر]

الله يرزقج يارب

 

[غلاي امي وزوجي]

انا بعد ينزل كتل وقاعده اهتم نفسي حيييل بالدوره وما ادري اذا فيني تكيس والا لا؟؟؟

انا الستخدم مارفيلون مانع

يعني شنو الي قاعد ينزل زين والا لا؟؟

 

[nadoo]

الله يرزقج الحمل من غير ادويه وهمهم

 

[MaMa & P!nK]

انا كان فيني كيس الدكتوره عطتني حبوب منع الحمل شهر والشهر للي وراه حملت